Filipphisiyoosi 1:20 - Kafa Linguistics Project

^20-21 Kashoona ta beemo Kiristoosichiye; ta qitenoo gaacechi mooyone. Ebich kashoona ta beetaa woyee ta qititaa, ikke mooyonona yeelleyaanoon aafoon kupphaꞌa gettaabee ebiyee aafichoommon andoo wotta ta tuniyaabeeti mooyo bullina Kiristoosin oogiyoo ta qaatoonaa ta gibenoonane.

Filipphisiyoosi 1:20 ပူးပေါင်းရင်းမြစ်များ

Shoddo 119:116

Kashoona ta beeyemmoyich ne gibenikkitoommon taan dege; ta gibenoonoo yeellayona.

Shoddo 119:80

Ta yeelleyaachemmoyich, ta mullo ne qociyoona xalloo tunebe.

Shoddo 25:2

Ta Nuggishoocho, neen gibeneto taane; ta yeellemmoyich tuniyaahine. Ta etteenaꞌo taan coonaayeete.

Shoddo 62:5

Ta kashe kashaꞌa quyeebeeto Yeerin baachiye; ebiyoo, ta gibenaabeeto biin bi tunetoyichiye.

Shaahiyoo 10:28

Cadiqe ashi gibenee taco emiroone; tunebaani gonde ashi gibeno duube echemmone.

Shaahiyoo 23:18

Ebin ne tuniigaata, gubbi ne beemo kaamemmone; ne gibenoo kuxeyaachemmone.

Isiyaasi 45:17

Tunebaani Doono Yeeri, bulli yemeenee wodoon, Israꞌeeleenaꞌon wodiyemmone; ittoshiyoo bulli yemeenoon yeelleyaachemmo ittoshine; giisheyaachemmo ittoshine.

Isiyaasi 50:7

Nuggishoo Doono Yeeri taan gaachee bi beetoyich, cooneyaachemmo taane; ebich, ta aafoon xaqqo kupphoommon kupphiyemmo taane; yeelleyaachemmo ta tunoon ariyaabeeto taane.

Isiyaasi 54:4

“Yeelleyaachemmi neene, shattaahine; cooneyaachimmi neene, keqqiyaahine. Ne bushittinooba ne toommooch shaggiti yeelloon battemmi neene; xuumittinee naagoon ebiyee bekk gabaachemmi neene.

Yowannisi 21:19

Ebin bi gettito, Pheexiroosi am shaahe qitoona Yeerin bi oogiyemmo gaata bekkiyoyichiye. Ishichiꞌi tiyii, “Taan dabbibe” iye.

Mishiraachechinaꞌo 20:24

Tunebaani ta wocon ciichoonaa Doono Yesuus Kiristoosi ‘Yeerichi wojjee mishiraachee qaareechon miixebe’ iꞌi taach bi immiti shuunoon ciichoonon ta qaawaa beetoyich, ta kashoon cir aaxxiyaache.

Mishiraachechinaꞌo 21:13

Aroo wochiꞌi, “Eefeebee ta mulloon amoyichiye ittoshi gaabbii beeto? Ta Doono Yesuusicha getiree Yerusaalemaa cucheyoo qayenona, qitoyich qannito taane” iye.

Mishiraachechinaꞌo 4:31

Boonoshi corootitoyee gubb, boonoshi kiceeti xaaꞌoo shuuriye. Bulliyoo Yaafe Ayaanoona ceenniyeete; aroochee Yeerichi qaaroon aafoon kuppheꞌi gettiyeete.

Roomi 12:1

Illa ta maneenaꞌote! Ittoshi ashittinoon Yeerin emirikkiibeeto, yaafoonaa kashechi deejjoonon tuniiree biich ittoshi giddiyemmoyich Yeerichi ariqqoona ittoshin qollehoye; ebiyoo Yeerich ittoshi goyinnemmi tunibede gommone.

Roomi 5:5

Nooch icheti Yaafe Ayaanoona Yeeri bi shunoon no mullooch bi ceechitoyich hini gibeno noon yeelliyaache.

Roomi 6:13

Qitoochee tiyiꞌi kashechon tuneꞌi beetoommon, ittoshi qelloon Yeerich giddiibote. Ittoshi ashittinee quumo bullin cadiqee ginee qiicoon tuniiree Yeerich giddiibotalli, xumme mooyon ittoshin bi shuuniyemmoyich, ittoshi ashittinee quumoon ginee qiicoon tuniiree axaaxoyich giddiyaahote.

Roomi 6:19

Asho ittoshi tunoonaa ittoshi shalligee shappee naboona ashi doyee yibbaatoommon gettoye. Wonna ittoshi ashittinee quumeenaꞌo hukkoon boonoshi shuunemmoyich eeꞌoonaa hukkoonoyich guunon tuniiꞌi ittoshi giddiitoommon, ebiyoommon and ittoshi ashittinee quumeenaꞌo Yeerich yaafeetinaꞌo boonoshi tunetoyich, cadiqoyich hajjeebeeti guunon tuniiree giddiibote.

Roomi 8:19

Halleenaꞌo bulli Yeerichi bushiisheenaꞌo bekkoon sharaateebee quyee beetinaꞌone.

1 Qorontoosi 15:31

Ta maneenaꞌote! Qemi qemona qitoo taanna danee beetone. Ebin no Doono Kiristoos Yesuusina ittoshi toommooch taach beeti geecoona xiishiibeeto taane.

1 Qorontoosi 7:34

ebina bi mullo gutte beera qoodeetone. Kittinnoo tuneti, kenaalli maachee woyee gidiidee bi kashoonaa bi meenona yaafeꞌa Doonochi tunoon bi qaawaa beetoyich, bi gabaabeeto Doono Yesuusichi mooyoniye. Tunebaani shaakkeeti maachee bi kenoon emirikkoyich hini alemeexi mooyon gabiyan.

2 Qorontoosi 10:8

Doono Yesuus Kiristoosi nooch bi immiti hakkoona beshoon ta geecigaatoona, yeelleyaache; ebi hakkoon nooch bi immito, ittoshin no eenniyemmoyichalli, ittoshin no happemmoyich toonoone.

2 Qorontoosi 3:12

Illa ebiyoommi gibeno nooch beetoyich, aafoon kuppheꞌi getoyich shataachone.

2 Qorontoosi 4:10

Yesuusichi kashee giidoo wotta no ashittinoochaa bi bekkemmoyich, bulli aaboon Yesuusichoommon qitemmo nooch bi shaahaa gabaabee guuddaa beehone.

2 Qorontoosi 5:15

Kashoona beetinaꞌo boonoshicha iꞌi qititonaa qitoochee tiyitonon emirikkoyichalli, gubb boonoshi qelloon emirikkoyich boonoshi beetaachemmoyich bullicha iꞌi qitiye.

2 Qorontoosi 7:14

Ittoshich taach beeti geecoon ebiyee aaf biich getteto taane; ittoshiyoo taan yeelliyaano ittoshine; ittoshich getteeti mooyo bulli iberoo bi tunoommon, ebi ittoshichon Titoosich no getteti geecoo iberoo tuneꞌi danetone.

2 Qorontoosi 7:4

Ittoshich aafee kupphoona gettaabeeto taane; ittoshi naboyich oogeton geecaabeeto taane; oogeton taan goggiito ittoshine; wodde iritoon beeggaabee no beetaa, ta emiroo beshaa beshoon meettii beetone.

Filipphisiyoosi 1:14

Kittinnoo tuneti maneenaꞌo daggoochee meetinaꞌo ta cucheyee naboona beshoon Doono Yeerin gibenetinaꞌone; shataanoonoo Yeerichi qaaroon getoyich aafichoyee beshoon aafoon kupphee beetinaꞌone.

Filipphisiyoosi 2:17

Illa gibenoona ittoshi giddiibeeti deejjoonaa maddoonochi toommooch uyee deejjoon tunaꞌa ta deejjeeto gaatoona emiriyoye; ittoshina tookkaa emirito taane.

Qolaasiyaasi 1:24

Andoo ittoshi naboyich ta toommooch shaggiti iritoyich emiriyoye; ebiyoo Kiristoosichi ashittino tuneti kittinnee guuphochi naboyichiye; Kiristoosi xuuxetoommon bi shuunee naboona ta toommooch shaggiibeeti xuuxoon haaꞌiibee bi xuuxoon ceechiibeeto taane.

1 Tasaloonqi 5:23

Diggee Nuggishoo bi qelloona ittoshi hullimalloon yaafibe; ittoshi ayaano, ittoshi kashoonaa meenona no Doono Yesuus Kiristoosi wottee waahooba ikke bachaallo tune quyeeree beebe.

1 Pheexiroosi 4:16

Tunebaani kittinnoo bi tunetoyich xuuxo bi toommooch shagigaata, are shigoona bi ceekketoyich Yeerin galleteballi, yeellaye.

1 Yowannisi 2:28

Andoo ta shuni bushiisheenaꞌote! Kiristoosin no beegiyooba no shataachemmoyich, bi waahooba bi aafooch no yeelleyaachemmoyich, biinna tookkii ittoshich beeti ikkittinoona manjiree beebote.