Filimooni 1:16 - Kafa Linguistics Project

¹⁶ Illa ebiyee damba neenna tookki bi beeyemmo guunoommon tuneyaanoon, guunoyee beshiti shucheti manoommoniye; taach shucheti manoone; neechoo wotta meenona tunebe Doonona beshoon shucheti manoone.

Filimooni 1:16 ပူးပေါင်းရင်းမြစ်များ

Maatiyoosi 23:8

“Tunebaani ittoshi dojjecho getaa ceekkeyaahote. Ittoshich ikke Dojjecho baach bi beetoyich, ittoshi bulli ikke manoo ittoshine.

Mishiraachechinaꞌo 9:17

Ebich Hanaani hammiꞌi are kexooch giyiye; Sawuli toommooch bi kishoon kotiiꞌi, “Ta manoo Sawulo! Wochinnoon ne aafo ciinnemmonaa Yaafe Ayaanoona ne ceennemmonoyich, ne waan Doono taan deejjitone. Biyoo hiniich ne waa beetaa, gommoochaa neech bekketi Yesuusine” iye.

1 Qorontoosi 7:22

Guuchittinooch beechii ceekketo, Doono Yesuus Kiristoosina guuchittinoochee kechitone; ebiyoommon wotta guuchittinoyich hajjeyaan beechii ceekketo Kiristoosichi guunone.

Qolaasiyaasi 3:22

Guuninaꞌote, ittoshi dooninaꞌoyich bulli mooyona deꞌa getote. Ashoon emirikkoonaa ashi beꞌenoonoyich tuneyaanoon, kaame mulloona Doono Yeerin shatibee boonoshich hajjeebote.

1 Ximootiyoosi 6:2

Kittinneenaꞌo tuneti doonjechi guuninaꞌo, are dooninaꞌo boonoshich kittinnee maneenaꞌo boonoshi tunetoyich hoxaayeete; tunebaani boonoshi shuunoona gaacheebeeti boonoshi dooninaꞌo kittinneenaꞌonaa shuchetinaꞌona boonoshi tunetoyich, aafichoyee beshiiree maddebeete. And neech ta gettaabeeti mooyinaꞌon kaachi dojjibee ciice.

Hibireena'o 3:1

Ebich noonna tookkii Yeerina ceekketi yaafe ta maneenaꞌote! Biin no gibenoon no miixeti mishiraachechonaa qeeshee guudoona tuneti Yesuusin gabibote.

1 Yowannisi 5:1

Yesuusi aroo Kiristoosi bi tunoon iberiiꞌi bi mulloon bi toommooch tooꞌiito bulli Yeer waanee shiijjetone. Nihoon shunniibeeto bulli bi bushoon wotta shunnii beetone.