Erimiyaasi 7:9 - Kafa Linguistics Project

⁹ Gaajjiyote; wuxiyote; shaddiyote; kootoon wogehote; Baꞌaaloyich ixaanoon shookkiyote; ittoshi ariyaani bare nuggisheenaꞌon dabbiyote;

Erimiyaasi 7:9 ပူးပေါင်းရင်းမြစ်များ

1 Taateenaꞌo 18:21

Eliyaasi asheenaꞌo aafooch waaꞌi, “Mulloon guttiyoona shaami ittoshi beeyemmo, aati wottooniye? Nuggishoo, Doono Yeeri gaata, Doono Yeerich goyinne maddebote. Baꞌaalo gaata, Baꞌaaloyich goyinne maddebote” iye. Tunebaani asheenaꞌo ikke qaaroonona biich wochaaneenaꞌone.

Keyo 20:3

“Tayee besh bare nuggisheenaꞌoyich goyinne maddeyaahine.

Isiyaasi 1:13

Gaacaalli ittoshi buuroon ebiyee bekk deebaahote; ixaanoo taan tiyaarii beetone; batti agenee keyi ittoshi baaroon, ittoshi shambetoon; ittoshi iitoonaa xuꞌoona ceenniti ittoshi kiceyoonon haaꞌiyoon hakkaache.

Isiyaasi 58:2

Qemi qemona taan qaawiyeete; ta gommon ariyoonoo emiriyeete; tate mooyon tuniibeeti, boonoshi Nuggishoochi getoon qayaani asheenaꞌochoommon, dayinnetoon ta waanee qolleheete; ta waan katinonoo emiriyeete” iye.

Erimiyaasi 1:16

Ta asheenaꞌo toommooch ta nalloon awaajjemmo taane. Ebiyoo boonoshi shuuneti gondo bullichiye; boonoshiyoo taan qajjiyeete; bare nuggisheenaꞌoyich ixaanoon shookkiyeete; shahalloonoo shuuneꞌi biich goyinneheete.

Erimiyaasi 11:13

Yihudee asheenaꞌote, ittoshi nuggisheenaꞌo ittoshi katemeenaꞌoommi meetinaꞌone; ciigiiti mooyoyich, Baꞌaaloyich ixaanoon shookka ittoshi shuuneti deejjee gudeenaꞌo Yerusaalemi gommi haddoommon meetinaꞌone’ iyoye.

Erimiyaasi 11:17

Israꞌeelee asheenaꞌonaa Yihudee asheenaꞌona ixaanoon Baꞌaaloyich shoohona taan ippiyoyich boonoshi tuniiti gondoyich, ebi zayitee mixon bechiti Beshe Mawe Doono Yeeri ta, aalloon bi toommooch awaajjito taane” iye.

Erimiyaasi 18:15

Tunebaani ta asho taan battetone; duube mooyoyich ixaanoon shookkitone; gommoocheenoo tepheetone; wonnee gommoochee wokkiꞌi, shuuneyaani wuuqqe gommooch shokitone.

Erimiyaasi 19:4

Taan qajjiꞌi boonoshinaa boonoshi qaabbechinaꞌona, wottoo Yihudee taateenaꞌo ariyaani bare nuggisheenaꞌoyich ixaanoon shoohona hini xaaꞌoon boonoshi eeꞌitoyich, hini xaaꞌoon xalle ashi damoona boonoshi ceechitoyich,

Erimiyaasi 32:29

Hini katemoon kochiibeeti Baabloonee asheenaꞌo arooch qaaqqoon tucheree michemminaꞌone; taan ippiyoyich kechi toommeexi kexoochaa Baꞌaaloyich ixaanoon boonoshi shookkiti, bare nuggisheenaꞌoyich uyee buuroon boonoshi ukkiti kexinaꞌona tookki michemminaꞌone.

Erimiyaasi 44:3

Ebi tuneto ebi katemeenaꞌooch beebee echeti asheenaꞌo ta kaaroon boodoyich, boonoshi tuniiti gondoyichiye; boonoshiyoo tunebeeta ittoshi, ittoshi qaabbechinaꞌoo ariyaani bare nuggisheenaꞌoyich ixaanoon shoohonaa goyinnoonoyich hammiyeete.

Erimiyaasi 44:8

Ittoshin aalliyoyich, showee toommeexi aageteenaꞌo daggoochaa wuche, ittoshi getteyemmonaa naaggeyemmonoyich, beeya ittoshi waati Gibitsaa bare nuggisheenaꞌoyich ixaanoon shoohona, ittoshi kishee shuunoona ta kaaremmoyich ittoshi tuniibeeto amoyichiye?

Erimiyaasi 44:9

Iberoochaa Yihudee showoonaa Yerusaalemi addibaaboonoochaa boonoshi tuniiti ittoshi qaabbechinaꞌochi gondoon, Yihudee taateenaꞌochi gondoon, boonoshi mecheenaꞌochi gondoon, ittoshi gondoon, ittoshi mecheenaꞌochi gondoon battetote?

Erimiyaasi 48:35

Geppeexi goyinnee xaaꞌoochaa deejjoon giddii beeton, bi nuggishoyich ixaanoon shookkii beeton Moꞌabee showoochee aalliyemmo taane, iye Doono Yeeri.

Erimiyaasi 5:2

‘Beeyechi Doono Yeeri beege’ ii boonoshi wogeebeeto kootooniye” iye.

Erimiyaasi 5:7

“Taan qajjiyote; nuggisheenaꞌo tuneyaaneenaꞌona wogehote; ittoshin ta michiitoyee gubb shunoo maahote; yahechinaꞌo kexoochoo kiceehote. Ebich ittoshin ta maaremmo aabichireeshiye?

Erimiyaasi 7:6

dallaawoon, nihaalloonaa xuumeenon xuꞌo ittoshi qayigaata, hini xaaꞌoochaa xalle damoon ukkoo ittoshi qayigaata, ittoshich aalloon deebemmi bare nuggishoon dabboo ittoshi qayigaata,

Hiziqeeli 18:18

Tunebaani bi nihoo bi xuqqitoyich, bi manoon bi boggitoyich, bi asheenaꞌo daggooch gonde mooyon bi tuniitoyich, aroo bi axaaxoona qitemmone.

Hiziqeeli 20:30

“Ebich Israꞌeelee macceenaꞌoyich ishichi gete: ‘Nuggishoo Doono Yeeri ishichiye: Ittoshi qaabbechinaꞌochoommon ittoshi qelloon eeꞌii beeyehote? Ciigiiti shahalleenaꞌoyich goyinnoona muricibee yahechi maacheen shaahi beeyehote?

Hiziqeeli 23:39

Boonoshi bushiishoon shahalloyich boonoshi deejjiyooba, eeꞌiyoyich ta yaafee kexooch giyiyeete; ebiyoommi mooyon ta kexooch tuniiheete.

Hiziqeeli 5:11

“Ebich beeyecho ta tunoona wogaꞌa Nuggishoo Doono Yeeri ta ishichiyoye: Ciigiiti ne mooyona, ne eeꞌoonoo ta yaafee kexon ne eeꞌitoyich, neen giishiyemmo taane; neech ayini ariqqeyaachemmo taane.

Hosee'i 2:13

Taan battaachaa bi shashoon shashaꞌa bi shunechinaꞌon bi dabbitoyich, wotta Baꞌaaleenaꞌoyich ixaanoon bi shookketi baaree aabeenaꞌoyich, biin naxemmo taane” iye Doono Yeeri.

Hosee'i 6:9

Bokkeenaꞌo ashoon wuxiya ottii quyoommon, qeesheenaꞌo ebiyoommon tuniiheete; Shekeemi gommoochaa ashoon wuxiyeete. Yeelliibeeti gondoonoo shuuneheete.

Amootsi 4:5

Koshon galletee deejjoyich giddii beebote! Ittoshi mullee daaggoona ebin ittoshi giddii beetoyich naadee beebote! Ittoshi qaawiibeeto ebin tuniyooniye, iye Nuggishoo Doono Yeeri.

Sofoniyaasi 1:5

Kechi toommooch kechiichii aabeyich, ageneenaa xojjenoonoyich goyinnee beetinaꞌon aalliyemmo taane. Doono Yeeri taach goyinnee ta shigoona wogeechii, hammii Milikoomi getteebeeti nuggishoochi shigoona wogee beetinaꞌonoo aalliyemmo taane.

Milikiyaasi 3:5

“Ittoshi toommooch nalliya, ittoshi waan woyemmo taane; iicechinaꞌochi, shunimaayeenaꞌochi, kootoon wogee beetinaꞌochi, shuunechinaꞌochi shumaayoon bajjii beetinaꞌochi, xuumeenaꞌonaa nihaalleenaꞌonon xuqqii beetinaꞌochi, shiqqoon shiqqii beetinaꞌonaa taan shataaneenaꞌonochi toommooch nallemmo taane” iye Beshe Mawe Doono Yeeri.

Roomi 2:2

Ebiyoommi mooyon tunii beetinaꞌo toommooch Yeeri iberittinee nalloon nallemmo bi tunoon ariibeeto noone.

Yibbaatoo 32:17

Nuggisheenaꞌo tuneyaani yinneenaꞌoyich, ittoshi ariyaani nuggisheenaꞌoyich, katinoon ittoshi ariiti dallaaweenaꞌoyich, ittoshi qaabbechinaꞌo goyinneyaani nuggisheenaꞌoyich, deejjoon giddiihote.

Yaaꞌoo 21:8

Tunebaani shateenaꞌo, Kiristoosi toommooch mulloon tooꞌiyaaneenaꞌo, gonde mooyon shuunoona eeꞌetinaꞌo, ashoon wuxitinaꞌo, shunimaayeenaꞌo, iicechinaꞌo (qaaxechinaꞌo), shahalloyich goyinnee beetinaꞌo, kooteenaꞌo bulliyoo duppeyemmi xaaꞌoo qaaqqoonaa waageroona micciibeeti baharoochiye; ebiyoo guttinnee qitoone” iye.

Yaaꞌoo 22:15

Kunaaneenaꞌo, kaayechinaꞌo, shunimaayeenaꞌo, ashoon wuxii beetinaꞌo, shahalloyich goyinnee beetinaꞌo, kootee kooton shunnii beetinaꞌonaa kootee kooton doyitinaꞌo bullinoyich hini are katemeech gimo ciroona daaggeyaache.

Woraaferasheenaꞌo 5:8

Dallaawe nuggisheenaꞌon Israꞌeeleenaꞌo shunnitoyich, gino boonoshi kellooch shaggiye; aabbe hume Israꞌeeleenaꞌo daggoochee, ginoon woyee gaachoon yechiti ikke asholla aalloone.