Erimiyaasi 7:3 - Kafa Linguistics Project

³ Israꞌeelee Nuggishoo Beshe Mawe Doono Yeeri ishichiye: Ittoshi gommonaa ittoshi shuunoonon gaawichibote; hini xaaꞌooch ittoshin kotiyemmo taane.

Erimiyaasi 7:3 ပူးပေါင်းရင်းမြစ်များ

2 Taateenaꞌo 17:13

Doono Yeeri, “Gonde ittoshi gommoochee wottebote. Ittoshi qaabbechinaꞌoyich ta getteti sheeroo bulliyoommon, keemechi ta guuninaꞌona ittoshich ta deejjiti ta getoonaa ta qociyoonon quyebote” iꞌi bi wocheyechinaꞌo bullinaa bi keemechinaꞌo bullina Israꞌeeleenaꞌonaa Yihudee asheenaꞌonoyich kupphiiꞌi gettitone.

Iziri 10:11

Andoo ittoshi qaabbechinaꞌochi Nuggishoo Doono Yeerich aannibote; bi daaggoon ceechibote. Showee toommeexi aageteenaꞌonaa dallaawe maacheenaꞌonoyee baribote” iye.

Shaahiyoo 28:13

Bi axaaxoon aachiibeeto aafeyaachemmone; tunebaani bi axaaxoon aanniꞌi, axaaxee shuunoon qajjiibeeto maareyemmone.

Isiyaasi 55:7

Gonde asho bi gommon, axaaxecho bi gaboon qaye; no Nuggishoochi ariqqo woddoo bi tunetoyich, biinoo bi maaremmoyich Doono Yeer waan wottebe.

Erimiyaasi 17:25

Daawitichi taatee qeenooch kotemmi taateenaꞌo haresheenaꞌonaa gaarinaꞌonon yebberee hini katemee kelloona giyemminaꞌone; boonoshi, boonoshi iraasheenaꞌo, Yihudee showee asheenaꞌonaa Yerusaalem beetinaꞌona giyemminaꞌone; hini katemoo bulli aabooch ashi beeyi xaaꞌoo tunemmone.

Erimiyaasi 18:11

Andoo Yihudee asheenaꞌonaa Yerusaalem beeti asheenaꞌonoyich ishichibe: ‘Doono Yeeri ishichiye: Gonde mooyon ittoshi toommooch qanniibeeto taane; gondoonoo ittoshi toommooch gabiibeeto taane; andoo ittoshi bulli ittoshi gonde gommoochee wottebote; ittoshi shuunoonaa ittoshi gommonon kaachibote’ gete!

Erimiyaasi 18:8

biichon ta getteti ebi aagetee showoo bi gondoochee bi wottegaata, bi toommooch tuniiya ta gabiti gonde mooyon tuniyaachemmo taane.

Erimiyaasi 26:13

Andoo ittoshi gommonaa ittoshi shuunoonon gaawichibote; ittoshi Nuggishoo Doono Yeerichi qaaroon waayebote; Doono Yeeri ittoshi toommooch tuniiya bi iti gonde mooyon qajjemmone.

Erimiyaasi 35:15

Keemechinaꞌo tuneti ta guuninaꞌo bullin wochii wochii ittoshi waan deejjaꞌa, boonoshina “Ittoshi ikkikkoona ittoshi gonde gommoochee wottebote; ittoshi shuunoon gaawichibote; boonoshich goyinnoyich bare nuggisheenaꞌon dabbiyaahote; ittoshinaa ittoshi qaabbechinaꞌonoyich ta immeti showooch kotemmo ittoshine” iyoye; tunebaani ittoshi, ittoshi waamon ta waan gaꞌiyaano ittoshine; taachonoo waayeyaano ittoshine.

Erimiyaasi 35:16

Rekaabichi bushoo Yonadaabichi yareenaꞌo boonoshi qaabbecho boonoshich gettiton ceechitinaꞌone; tunebaani hini asheenaꞌo taach deꞌa getaaneenaꞌone.

Erimiyaasi 4:1

Doono Yeeri ishichiye: “Israꞌeelo! Ne wottemmo gaata, ta waan wottebe. Ciigiiti mooyon ta aafoochee ne wokkiigaata, yallyallimoon ne qayigaata,

Erimiyaasi 6:16

Doono Yeeri ishichiye: “ ‘Kaattooch neexebote; ciinishoo getote; batti batti gommonoo echebote; gaawe gommo aabi gaata, aroona hambote; ittoshi kashe kashemmoyich tuniyemmo ittoshine’ iyoye. “Tunebaani ittoshi ‘Aroona hamaachone’ iyote.

Yaaqobi 4:8

Yeer waan katinote; biyoo ittoshi waan katinnemmone. Hini axaaxechinaꞌote, ittoshi kishoon xalliibote. Gutte gabechinaꞌote, ittoshiyoo wotta ittoshi mulloon xalliibote.