4 Aroocheenoo ishichiyo: “Doono Yeerichi gommon, boonoshi Nuggishoochi sheeroonoo ariyaaneenaꞌo boonoshi tunetoyich, iberoochaa ebi girechinaꞌo mullaalleenaꞌone.
Michi ateenaꞌo boonoshi shuuꞌiyooba tiisheheete; maacheenaꞌo qaaqqooch shookka maciyeete; shalligaalli asheenaꞌo boonoshi tunetoyich, boonoshin Hallito boonoshich ariqqeyaachemmone; boonoshin Hallito boonoshin gaawe aafoona ciinaachemmone.
Shemmo hakkaanoyich, “Ebin shemmebe” iꞌi boonoshi imigaatoo, “Ta shemmoon hakkaache” gettemmone.
Mullaalleenaꞌonaa dookkeenaꞌona tuneꞌinalli, shahalloochee amo doyoo hakkeyehe?
Doono Yeeri ishichiye: “Ta asheenaꞌo taan boonoshi ariyee qayona mullaalleenaꞌone; gabaalli bushiisheenaꞌone; shalligoo boonoshich aalloone; gondoon shuunoona arichetinaꞌone; tunebaani gaawe shuunoon shuuno ariyaaneenaꞌone” iye.
“ ‘Ebiyoche gaacaalli duube qaaroon gibeneto ittoshine.
Maannaakkolla bi wottemmi gooroon arii beetone; daabbiche, yegeccoonaa maallinaayona boonoshi goojjemmi aaboon arii beetinaꞌone; tunebaani ta asheenaꞌo Doono Yeerichi doyoon ariyaaneenaꞌone.
“Kootoon kootoyich boonoshi heciyoon maꞌoochoommon ciixxiyeete; iberoo tuneyaanoon kooto showee toommooch taatehe; gondee gondee qeyiyeete; taanoo ariyaaneenaꞌone iye” Doono Yeeri.
Ta asheenaꞌo ariyee muccoochee tiyitona aalletinaꞌone. Ariyoon qaawoo ittoshi qajjitoyich, tawoo taach qeeshoo ittoshi tuneyaachemmoyich ittoshin qajjoye. Ittoshi Nuggishoo ta sheeroon ittoshi battetoyich tawoo wotta ittoshi bushiisheenaꞌon battemmo taane.
Aaf doogeenaꞌo ciinnii beetinaꞌone; baata yesheenaꞌo shaꞌee beetinaꞌone; qeddee shaddee biiyoona biiyetinaꞌo wodii beetinaꞌone; ulleenaꞌo waayee beetinaꞌone; qititinaꞌo tiyii beetinaꞌone; girechinaꞌoyichoo Yeerichi mishiraachee qaaro gettee beetone.