Erimiyaasi 5:3 - Kafa Linguistics Project

³ Doono Yeero, ibere mooyon qaawiibeeto neene; boonoshin naxehine; tunebaani aaxxiyaaneenaꞌone; boonoshin yiikkehine; tunebaani ne waan wottemmon qajjiyeete. Boonoshi baroon shiishee xaqqoyee beshoon kupphiiheete; gondoochee wottemmonoo qajjiyeete.

Erimiyaasi 5:3 ပူးပေါင်းရင်းမြစ်များ

Halloo 19:34

Bi dechara qaabbee guucheyich ishichiyan: “Yiich ta nihoo waan giyeti taane. Hanaachi xum wotta mashiibeeti woyinee uyoon biich uchibone. No nihoochi yaroo doogaachemmoyich, ne wotta hanaach bi waan gibe” iyan.

1 Taateenaꞌo 13:33

Ebiyee gubboo tunetaa, Yeroboꞌami gonde bi gommoochee wotteyaanoone. Guudi toommeexi goyinnee xaaꞌeenaꞌooch boonoshi maddemmoyich, asheenaꞌo bulliichee qeesheenaꞌon ukkiriihe; qeeshoo tunoyich qaawito bullin guudi toommeexi goyinnee xaaꞌeenaꞌooch bi maddemmoyich ukkirii beehe.

2 Taateenaꞌo 1:13

Taatoo wochinnoon bi waan keejjinnoochaa aache ginee iraashoon aache bi ginee naayinaꞌona tookkii daachiihe. Keejjinneexi aache ginee iraashoo damba hammiꞌi, Eliyaasi aafooch bi gutenoona dihiichii, “Yeer ashoocho, ta kasheenaa hini aache ne guuninaꞌochi kasheena ne aafoochaa gidoon bi danemmoyich neen qollehoye.

2 Kiinoo 16:9

Doono Yeeri boonoshi ceeni mulloona biin gibenee beetinaꞌon kupphiyoyich, bi aafoo showee toommo bulliich ciinnii beetone. Tun bedaani mooyon ne tuniitoyich, ebiyee bekk koyo ne waanee kuxeyaachemmone” iye.

2 Kiinoo 28:22

Taatoo Akaazi bi xuuxehooba, aafichoyee beshoon Doono Yeerich gibeneyoon qajjiye.

Shoddo 51:6

Ne, iberoon ne shunnaa beetoyich, mullecho tunoon taach dojjibe.

Shoddo 51:8

Ta emiremmonaa emiroona wucwuccemmonoyich tuniibe; ne tiicheti ta shaawusheenaꞌo emiremmoyich tuniibe.

Shoddo 55:20

Ta nuuchoo bi xibeenaꞌo toommooch bi kishoon tiijjiye; bi giyiti wogoonoo happiye.

Shaahiyoo 21:29

Gonde asho aafoon kupphehe; tunebaani kaame asho bi gommon manjii ciinniye.

Shaahiyoo 22:12

Doono Yeerichi aafo ariyoon quyehe; tunebaani gibeneyaaneenaꞌochi qaaroon aalliihe.

Shaahiyoo 23:35

Newoo, “Yexxiyeete; tunebaani taan biiyaanoone; xoobbiyeete; tunebaani taan sheewaanoone; aatane tokketoochee ta tiyemmo? Bare uyo taan gabiitone” gettemmo neene.

Shaahiyoo 27:22

Tuushe ashoon, bottoochaa maayoon bottoommon, bottee bushoona ne bottetaanona, bi tuushoo biin gawukkaache.

Isiyaasi 26:11

Doono Yeero, ne mochoo kaama tiyitone; tunebaani ne etteenaꞌo beegaaneenaꞌone. Ne asheenaꞌoyich am shaahoon ne qanaataabeeto gaata, ciiniree yeellebeete; boonoshich ne qanniiti qaaqqoo, ne etteenaꞌon mame.

Isiyaasi 42:25

Ebich bi kaaree shiixxoonaa giidechi koyoonon, no toommooch deejjiye; no guudoona qaaqqoon yeshiihe; tunebaani no ariyaano noone; noon michiye; tunebaani ebi nooch giyaanoone.

Isiyaasi 48:4

Getaa giyaani, xuuroommi gajjechonaa gooshoommi barechona, ittoshi tunoon ariyaabeeto taane.

Isiyaasi 9:13

Tunebaani asheenaꞌo boonoshin sheerito waan boonoshi aafoon wochaaneenaꞌone; Beshe Mawe Doono Yeerinoo qaawaaneenaꞌone.

Erimiyaasi 15:7

Ittoshi gonde gommoochee wotto ittoshi qajjitoyich, katemee kello bulliich yooppoona ittoshin shaccehoye; ittoshi bushiishoon wuxaꞌa kishoon tiqqiihoye; ta asho ittoshin aalliihoye.

Erimiyaasi 17:23

Tunebaani ittoshi qaabbechinaꞌo ta qaaroon waayeyaaneenaꞌone; boonoshi waamonoo ta waan gaꞌiyaaneenaꞌone; waayeree doyoon ta waanee boonoshi deꞌaachemmoyich boonoshi gajjoon manjiiheete.

Erimiyaasi 19:15

“Israꞌeelee Nuggishoo Beshe Mawe Doono Yeeri ishichiye: ‘Ta qaaroon boonoshi waayee qayoyich mulloon boonoshi babberiitoyich, hini katemoonaa bi gafeenaꞌo bullinochi toommooch ta getteti gonde mooyon deebemmo taane’ itone” iye.

Erimiyaasi 2:30

“Ittoshin ta sheerito duubooniye; ta sheeroon deꞌaano ittoshine. Ittoshi goraado shaaceti daaheroochoommon, ittoshi keemechinaꞌon maatone.

Erimiyaasi 3:3

Ebich amichi kucho bachehe; naawee amiyoo dihemmon qajjiye; shunimaayeen shaahaꞌa yeellemmon qajjehine.

Erimiyaasi 32:19

Gaboona oogoo, shuunoonoo hakkecho neene; asho bullich bi gommoommonaa bi shuunee aafoommonon qocoyich, ne aafo asho bullichi gommon ciinnii beetone.

Erimiyaasi 35:13

“Israꞌeelee Nuggishoo, Beshe Mawe Doono Yeeri ishichiye: Hamiree Yihudee showeexi asheenaꞌonaa Yerusaalemi katemeexi asheenaꞌonoyich ishichi gete: ‘Ta qaaroon waayoyich ta qociyoon deꞌaachehote? iye Doono Yeeri.

Erimiyaasi 44:10

Hanaach beddaahaa boonoshi qelloon giishiyaaneenaꞌone; shataaneenaꞌone; ittoshinaa ittoshi qaabbechinaꞌonochi aafooch ta kotiiti qociyoona hamaaneenaꞌone.

Erimiyaasi 7:26

Tunebaani boonoshi mulloon muumiiheetani taachon waayeyaaneenaꞌone; boonoshi waamon gaꞌiyaaneenaꞌone; halla boonoshi qaabbechinaꞌo tuniitoyee beshe gonde mooyon tuniiheete.

Erimiyaasi 7:28

Newoo boonoshich: ‘Boonoshi Nuggishoo Doono Yeerich deꞌa getaani, sheerenoo deꞌaani asheenaꞌo hinoshine; iberoo aalletone; boonoshi noonoocheenoo kuxetone.

Erimiyaasi 8:5

Ishigaata hini Yerusaalemi asheenaꞌo amoyich gubb wotteꞌi qappooch hammiyeete? Xumme mooyon shunnitinaꞌone; ta waan wottemmonoo qajjitinaꞌone.

Hiziqeeli 2:4

Boonoshi getaa giyaaneenaꞌonaa babbereenaꞌonane; newoo boonoshich, ‘Nuggishoo Doono Yeeri ishichiye’ ne gettemmoyich neen daachiibeeto taane.

Hiziqeeli 24:13

“Yerusaaleme, shunee mamona eeꞌeti neene; neen xalliiya ta qaawitaanona ne xalleyaane neene; ta kaaree shiixxoo kindii beshemmi wottoon ne eeꞌoochee xalleyaachemmi neene.

Daaneeli 9:13

Muusichi Sheerooch bi kooreetoommon, ebi bulli naxo no toommooch shaggiye; tunebaani axaaxoon shuunoon qajjaa, iberoo tuneti ne qaaroon waayaꞌa, no Nuggishoo Doono Yeeri ne waanee maaroon qaawaano noone.

Leweenaꞌo 26:23

“ ‘Ebi bulli naxo ittoshi toommooch shaggitaanona ta waan wottoon qajjiꞌi, andoo taan shixxiibeeto ittoshi tunegaata,

Amootsi 4:10

“Gibitsee showoon ta yexoommon, biiyoona ittoshi showoon yexxehoye. Ittoshi gurimaasheenaꞌo ginoochaa qitemmoyich, ittoshi haresheenaꞌoo kecaa hammemmoyich tuniihoye. Ittoshi kaamboochaa qititi asheenaꞌochi dubeno ittoshi muddooch bi shaaqqemmoyich tuniihoye. Tunebaani ta waan wotteyaano ittoshine, iye Doono Yeeri.

Amootsi 4:11

“Sodoominaa Gomoorinon ta aalliyoommon ittoshi daggoochee ikkikkeenaꞌon aalliihoye; ebi aroochee muricciꞌi ittoshi kechito, ciifo qaaqqee daggoochee keyoommoniye. Tunebaani ta waan wotteyaano ittoshine, iye Doono Yeeri.

Amootsi 4:6

“Katemoo bulliich manjeyemmi maayo aallemmoyich tuniyaꞌa, ittoshi gammo gawemmoyich tuniito, ta qelloona taane. Tunebaani ittoshi, ta waan wotteyaano ittoshine, iye Doono Yeeri.

Amootsi 4:8

Meeti katemeexi asheenaꞌo shacheweꞌi, aachi qaawooch ikke katemooch hammiyeete; tunetaa bede aacon daneꞌi boonoshi shachewoon kuxaaneenaꞌone. Tunebaani ittoshi, ta waan wotteyaano ittoshine, iye Doono Yeeri.

Amootsi 4:9

“Wooqoonaa cindoonon deejjaꞌa ittoshi maayoon aalliihoye. Ittoshi daaddee goyoonaa woyinee goyoonon, balaasee mixonaa zayitee mixonon gechoo aalliihe. Tunebaani ta waan wotteyaano ittoshine, iye Doono Yeeri.

Sofoniyaasi 3:7

Ebi bullin tuniyoona ‘Ta asheenaꞌo taan shattemminaꞌone; ta sheeroyichoo deꞌa gettemminaꞌone; ta sheeriti sheeroon ciroona batteyaachemminaꞌone’ iyaꞌa gabiyoye. Tunebaani boonoshi aafichoommon gonde mooyo bullin kuxaanoon shuunooch giyiyeete” iye.

Roomi 2:2

Ebiyoommi mooyon tunii beetinaꞌo toommooch Yeeri iberittinee nalloon nallemmo bi tunoon ariibeeto noone.

Hibireena'o 12:9

Ebiyee aaf wotta noon sheeriibeeti no niheenaꞌo nooch beetinaꞌone; boonoshinoo oogiibeeto noone. Ebich wotta shimaajji no Nihoo Yeerich amoyich beshoon hajjeeꞌa kashoona beetaachone?