Erimiyaasi 5:1 - Kafa Linguistics Project

¹ “Dayinnetoona nalliibeeti, ibere mooyonoo qaawiibeeti ashoon, danemmo ittoshi tunegaata, Yerusaalemi gommona okk hach shaꞌebote; xiishi ciinote; bi addibaaboochoo qaawibote; ittoshi danegaata, Yerusaalemin maaremmo taane.

Erimiyaasi 5:1 ပူးပေါင်းရင်းမြစ်များ

Hiziqeeli 22:30

“Showoon ta aalliyaachemmoyich, uxeroon wochi uxeremmi, tiishetoochaa ta aafooch neexemmi ashoon boonoshi daggooch qaawiyoye; tunebaani daneyaano taane.

2 Kiinoo 16:9

Doono Yeeri boonoshi ceeni mulloona biin gibenee beetinaꞌon kupphiyoyich, bi aafoo showee toommo bulliich ciinnii beetone. Tun bedaani mooyon ne tuniitoyich, ebiyee bekk koyo ne waanee kuxeyaachemmone” iye.

Isiyaasi 59:4

Dayinnetoon qaawiibeeto, nallee gabberooch iberittinoona hammiibeeto aalloone; gaacaalli mooyon gibenetinaꞌone; kootoon yibbaateheete; gondoon yeqqefeꞌi axaaxoon shiyiheete.

Shoddo 14:3

Bulliyona muriccitinaꞌone; ikkittinoona duubetinaꞌone; gaawe mooyon tuniibeeto ikkolla aalloone.

Shaahiyoo 20:6

Meeti asheenaꞌo shoodechinaꞌo boonoshi tunoon yibbaateheete; tunebaani ebiyoommi gibeneeti ashoon koni danoon hakkehe?

Shoddo 12:1

Doono Yeero, noon gaachebe; deꞌe asho ciiretone; ashi bushiisheenaꞌo daggooch gibeneeto aalletone.

2 Tasaloonqi 2:10

Ebiyoommon wotta, boonoshi wodemmi iberee qaaroon shunniꞌi deꞌon qayona aallemminaꞌon dachemmi baribare gonde shuunoon shuunoonane.

Luqaasi 14:21

“Ebich are wochee bushoo kexooch wottee hammiꞌi ebi bullin bi doonoyich gettiye. Arooba kechi doono kaareꞌi tiyii, wochee bushoon ‘Wochinnoon kaateree katemee daggeexi keejje kaattoonaa gommo bullinooch keyiree girechinaꞌon, kisha kuxeenaꞌonaa baata kuxeenaꞌonon, aaf doogeenaꞌonaa baata yesheenaꞌonon ataalliree hach deebe’ iꞌi daachiihe.

Zakaariyaasi 2:4

Biichoo ishichiye: “Woci hamiree qeellee woderoon yechiti ebi gurimaashoyich, ‘Bi daggooch beeti ashoonaa gijjoonochi meetoochee tiyitona Yerusaalemi uxeraalli katemoon tunemmine’ gete!

Amootsi 8:12

Asheenaꞌo Kiikki baharoochee Meditiraanee baharooch beddaahaa, dambi-waanee aabi-keyooch beddaahaa yallyallimemminaꞌone. Doono Yeeri ta qaaroon qaawiree okk hach woccemminaꞌone; tunebaani daneyaachemminaꞌone.

Yoꞌeeli 2:9

Katemoon tuqqemminaꞌone; uxeree toommona capphi beshemminaꞌone; kexinaꞌooch deshee damba kechemminaꞌone; gaayoochomonoo mallee kelloona giyemminaꞌone.

Daaneeli 12:4

“Daaneelo, yemeenee ciiree wottoon macaafoon qodi nashi dookkibe! Meetinaꞌo ariyoon daakkiya okk hach wocemminaꞌone” iye.

Solomooni 3:2

And tiyi katemee gommonaa addibaaboonon guuddemmi taane; kashoona ta shunnaa beeton qaawemmi taane; biin qaawiyoye; tunebaani daneyaane taane.

Shaahiyoo 23:23

Iberoon kemeballi kemmaahine; shalligoon, gaawe ciicoonaa gabii deꞌonon kemebe.

Shaahiyoo 8:3

Katemooch gimi kellee gaꞌoochaa ishichaꞌa cookaa beetine:

1 Taateenaꞌo 19:10

Biyoo, “Beshe Mawe Nuggishoo Doono Yeeri neech oogichaa qanaateto taane. Israꞌeeleenaꞌo neenna tookkii boonoshi giyiti wogoon biichitinaꞌone; ne deejjee gudeenaꞌon happitinaꞌone; ne keemechinaꞌonoo goraadoona wuxitinaꞌone. Ta ikkeeto baach, echeto taane. Taanoo wuxoyich qaawii beetinaꞌone” iye.

Erimiyaasi 2:29

Taanna ittoshi gajjiteebeeto amoyichiye? Ittoshi bulliyona ta toommooch tiyito ittoshine” iye Doono Yeeri.

Erimiyaasi 44:15

Boonoshi mecheenaꞌo bare nuggisheenaꞌoyich ixaanoon shoohon ariibeeti doonjeenaꞌo bulli, arooch neexeti maacheenaꞌo bulli, Gibitsee showooch beeti Phaxiroos koteti Israꞌeeleenaꞌooch beddaahaa ooge kicoo tuneꞌi, Erimiyaasich ishichiyeete:

Shoddo 14:2

Shalligecho, Yeerinoo qaawiibeeto beegaata beegoyich, Doono Yeeri shimaayoochaa dugilla ashi bushiisheenaꞌo waan ciinniye.

Shoddo 94:16

Gondeenaꞌon shixoyich taach tiyito konine? Gonde shuunechinaꞌona tookkii ta qoodoon taggeto konine?

Erimiyaasi 8:6

Tawoo manjii ellehoye; ibere mooyon yibbaateyaaneenaꞌone; koniyoona ‘Ebi ta tuniito amooniye?’ iꞌi gondoochee wotteto aalloone. Koyee xaaꞌooch wocciibeeti hareshoochoommon bi ikkikkoona bi gommi gommona hammiye.

Erimiyaasi 9:2

Boonoshi bulliyona shunimaayeenaꞌo, dawushechinaꞌochi guupho boonoshi tunetoyich, ta asheenaꞌon qayi wohi ta hammemmoyich, gommechinaꞌo kasheebeeti baraheexi xaaꞌoon, koni taach imba?

Erimiyaasi 9:7

Illa ebich, Beshe Mawe Doono Yeeri ishichiye: “Xuuroo wociyoommon boonoshin wociyemmo taane; boonoshin phiremmo taane; ta asheenaꞌochi xuꞌoyich, ebiyee besh amoon tuniibote?

Hiziqeeli 9:9

Aroochee taach ishichiye: “Israꞌeelee macceenaꞌonaa Yihudee macceenaꞌonochi xuꞌo oogichii woddetone; showoo damoona wooretone; katemoochoo hukkoo woddetone; ‘Doono Yeeri showoon duppitone; biyoo wottee ciinaanoone’ itinaꞌone.