Erimiyaasi 40:3 - Kafa Linguistics Project

³ ebi naxoonoo Doono Yeeri deebitone; bi gettitoommonoo tuniitone; Doono Yeeri toommooch axaaxoon ittoshi shuunetonaa bi qaaroyich deꞌa geto ittoshi qajjitonoyich, ebi mooyo ittoshi toommooch tunetone.

Erimiyaasi 40:3 ပူးပေါင်းရင်းမြစ်များ

Nehimi 9:28

“Tunebaani boonoshi kashehooba, ne aafooch axaaxoon wochinnoon shuuneheete. Ebich boonoshi etteenaꞌo kishooch boonoshin ne dufaa, boonoshin hajjiyeete. Wochinnoon ne waan boonoshi cookiyooba, shimaayoochaa waayehine; ne ariqqee woddoommona wochaa wochaa boonoshin wodiihine.

Nehimi 9:33

Gibeneeto tunaꞌa ibere mooyon tuniito neene; tunebaani no, axaaxoon shuuneto noone; ebich no toommooch shaggiti iritoo bullich, ne cadiqo neene.

Erimiyaasi 11:17

Israꞌeelee asheenaꞌonaa Yihudee asheenaꞌona ixaanoon Baꞌaaloyich shoohona taan ippiyoyich boonoshi tuniiti gondoyich, ebi zayitee mixon bechiti Beshe Mawe Doono Yeeri ta, aalloon bi toommooch awaajjito taane” iye.

Erimiyaasi 22:8

“Meeti aageteenaꞌo ebi katemee gaꞌoona beshebee, boonoshinaa boonoshina ‘Doono Yeeri ebi ooge katemooch ebiyoommon amoyich tuniihe?’ gettemminaꞌone.

Erimiyaasi 39:16

“Hamiree Topphiyee asho Ebeedmeleekich ishichi gete: ‘Israꞌeelee Nuggishoo, Beshe Mawe Doono Yeeri ishichiye: Hini katemee toommooch deꞌoon tuneyaanoon gondoon deebemmo taane; ebiyooba ne aafoochaa ebi mooyo ceennemmone.

Erimiyaasi 44:23

Ixaanoon ittoshi shokkitoyich, Doono Yeerin ittoshi xuqqitoyich, Doono Yeerichi qaaroyich deꞌa geto ittoshi qajjitoyich, bi sheeroona, bi qociyoona, bi getoonoo hamo ittoshi qajjitoyich, and ittoshi beeggii beetoommon, gonde mooyo ittoshi toommooch waatone” iye.

Erimiyaasi 50:7

Boonoshin daneto bulli maahe; boonoshi etteenaꞌoo ‘No xuꞌaano noone; boonoshi, ibere boonoshi beeyi xaaꞌoo, boonoshi qaabbechinaꞌochi gibeno tuneti boonoshi Nuggishoo Doono Yeerin xuqqitinaꞌone’ itinaꞌone.

Shoosho 2:17

Doono Yeeri bi gabiton tuniitone; wonnee yemeenooch bi gettitoommon ariqqaalloon ittoshin happiye; ittoshi etteenaꞌo ittoshi toommooch emiremmoyich tuniihe; ittoshi etteenaꞌochi hakkoon kupphiihe.

Roomi 2:5

Tunebaani “Axaaxee gommoochee Yeer waan wotteyaache” ii beeti mulli manjoo ne tunetoommon, Yeeri kaamittinee nalloon bi bekkiyehoobinaa kaaree shiixxoon bi kindiyemmi aaboobinoyich kaaree shiixxoon ne toommooch kicaabeeto neene.

Roomi 3:19

Asho bulli noonoo bi wochaachemmoyich, alemo bulli toommooch Yeeri nallemmoyich, Muusichi Sheerooch kooreeto bulli ebi are sheeroyich hajjee beetinaꞌoyich gettiibeeto bi tunoon ariyaabeeto noone.

Yibbaatoo 29:25

“Boonoshichoo ishichaa getteyemmone: ‘Boonoshi qaabbechinaꞌochi Nuggishoo Doono Yeeri boonoshin Gibitsee kichiyooba, boonoshina tookkii bi giyiti wogoon boonoshi biichitoyichiye.