Erimiyaasi 4:8 - Kafa Linguistics Project

⁸ Doono Yeerichi kupphe kaaro, no waanee wottoo bi qajjitoyich, dookoon tahebote; eefebote; woowo, getote” iye.

Erimiyaasi 4:8 ပူးပေါင်းရင်းမြစ်များ

Erimiyaasi 6:26

Ta asheenaꞌote, dookoon tahebote; tulloochoo gederebote; aalliyecho diqqoona ittoshi toommooch woyemmo bi tunetoyich, ikke mixxe bushoyich eeppeyoommon caame eefon eefote.

Isiyaasi 22:12

Arooba Beshe Mawe Nuggishoo Doono Yeeri, qelloon cakke dookoon taheree, eefi ittoshi cookemmoyich ittoshin ceeggitone.

Isiyaasi 32:11

Hini mashaamiti beemon beeti maacheenaꞌote, qewebote; hini keqqaalloon kotetinaꞌote, qewebote; ittoshi tahoon shooti shokkaachoon tunebote; ittoshi shimetooch dookoon eddebote.

Isiyaasi 10:4

Qoppeenaꞌo daggooch gutenoyee, guureetinaꞌo daggooch dihoyee besh, ittoshich echeto amolla aalloone; ebi bulli tunetaanoona Doono Yeeri kaaro besheyaanoone; andoo bi mochoon tiijjiꞌiniye bi beeto.

Isiyaasi 5:25

Doono Yeeri kaaro bi asheenaꞌo toommooch cufiye; bi mochoon tiijjiꞌi boonoshin yexxiye; guudinaꞌo qeweheete; asheenaꞌochi dubenoo guudoochoommon gommooch dihitone; ebi bulli tunetaanoona Doono Yeeri kaaro besheyaanoone; andoo bi mochoon tiijjiꞌiniye bi beeto.

Amootsi 8:10

Ittoshi emiree baaroon eefooch, ittoshi duubonoo shooshooch wochemmo taane. Qelloon cakkeree dookoon ittoshi tahemmoyich tuniyemmo taane. Ikke mixxe boonoshi bushoyich nihoonaa indeena eefoommon eeppeebeeti aabo tunemmone. Ebi arooba mooyo bulli ciirooch beddaahaa, caammito tunemmone” itone.

Hiziqeeli 30:2

“Ashi bushoocho, ishichi keemoon keembe: ‘Nuggishoo Doono Yeeri ishichii beetone: “Ebi aaboyich woowo!” getibee eefe.

Hiziqeeli 21:12

Ashi bushoocho, ebi mooyo ta asheenaꞌochi toommooch, Israꞌeelee iraasheenaꞌo bulli toommooch, bi waatoyich cookibe; woowo, gete. Eboshi ta asheenaꞌona tookkii beshiitaa goraadoyich ichetinaꞌone; ebich ne getoon qice.

Erimiyaasi 48:20

Moꞌabi bi happeyoona yeelletone; woowo, geti cookibote; Moꞌabi tiisheto tunoon Arinooni aacoochaa yibbaatebote.

Erimiyaasi 30:24

Doono Yeerichi kupphe kaaro, bi mullee gaboon bi ceechimmi wottoon wotteyaachemmone; woyemmi yemeenooch ebin shalligemmo ittoshine.

Isiyaasi 13:6

Doono Yeerichi aabo katinnitoyich, eefebote; Beshe Hakkechi Yeer waanee aallo woyemmone.

Isiyaasi 9:21

Minaasi Efreemin, Efreemiyoo Minaasin maayemmone; Yihudi toommoochoo ikkittinoona tiyemminaꞌone; ebi bulli tunetaanoona Doono Yeeri kaaro besheyaanoone; andoo bi mochoon tiijjiꞌiniye bi beeto.

Isiyaasi 9:17

Ebich Doono Yeeri gurimaasheenaꞌona emiraachemmone; nihaalli bushiisheenaꞌonaa kenaalli maacheenaꞌonoyichoo ariqqeyaachemmone; bulliyona Yeerich qeyaaneenaꞌonaa gonde shuunechinaꞌonane; boonoshi bulli noonoochee gonde yibbaatoo kechiye; ebi bulli tunetaanoona Doono Yeeri kaaro besheyaanoone; andoo bi mochoon tiijjiꞌiniye bi beeto.

Isiyaasi 9:12

Aabi-keyo waanee Sooriyeenaꞌon, aabi-gimo waanee Filsixeemeenaꞌon bi deejjaa Israꞌeeleenaꞌon qooxxiyeete; ebi bulli tunetaanoona Doono Yeeri kaaro besheyaanoone; andoo bi mochoon tiijjiꞌiniye bi beeto.

Shoddo 78:49

Aalloon deebiibeeti maraakoon deejjiꞌi, naxoona, aalliyoonaa xuuxiyoona, bi kaaree shiixxoon boonoshi toommooch kindiihe.

Haddoo 25:4

Aroochee Doono Yeeri Muusich “Doono Yeeri ta kaaree shiixxoo Israꞌeeleenaꞌo waanee bi wokkemmoyich asheenaꞌochi ukkireenaꞌon daamiree, aabooch Doono Yeeri ta aafooch yoode” iye.

Shoosho 1:12

Yerusaalemiyoo ishichiyan: “Gommo besheebeeti asheenaꞌote, Doono Yeerichi kupphe kaaree aabooba duꞌoon ta toommooch deebiꞌi taan bi xuuxiitoommi xuuxo bee ariihe? Ebi ittoshi bullich kette mooyo shaahii beete? Eke ebin manjii ciinote!

Yoꞌeeli 1:13

Maayi buuroonaa woyinee uyee deejjoona, ittoshi Nuggishoochi yaafee kexoochee bi kuxetoyich, qeesheenaꞌote, dookoon taheree eefote! Deejjee gudee aafooch maddee beetinaꞌote, cooki eefote! Ta Nuggishoochi maddechinaꞌote, dookoon tahe waaree qebote!

Erimiyaasi 25:34

Qiddeenaꞌote, eefote; cookishoo getote; hini bageenaꞌochi dooninaꞌote, tullooch gederebote; ebiyoo ittoshi guureyemmi aabo bi shaggitoyich, macecikkiti nuuqqee qiico buricoommon dihi buricemmo ittoshi tunetoyichiye.

Mikiyaasi 1:16

Yihudee asheenaꞌote, ittoshi bushiisheenaꞌo kecceyemminaꞌo boonoshi tunetoyich, ebi ittoshi shuni bushiisheenaꞌoyich eefoyich ittoshi qelloon maachebote; xooroochoommon ittoshi qelloon hulloo tuniibote!