Erimiyaasi 4:1 - Kafa Linguistics Project

¹ Doono Yeeri ishichiye: “Israꞌeelo! Ne wottemmo gaata, ta waan wottebe. Ciigiiti mooyon ta aafoochee ne wokkiigaata, yallyallimoon ne qayigaata,

Erimiyaasi 4:1 ပူးပေါင်းရင်းမြစ်များ

Halloo 35:2

Ebich Yaaqobi bi kechi asheenaꞌonaa biinna tookkii beetinaꞌo bullinoyich ishichiye: “Ittoshi waan beeti dallaawe nuggisheenaꞌon ittoshi waanee wokkiibote; xallebote; ittoshi tahoon shaddibote.

2 Taateenaꞌo 23:13

Ebiyoommon wotta Yerusaalemaa, aabi-keyo waan, ebiyoo Eeꞌee guudoochaa, deshi-waan beeti, Sidooneenaꞌochi ciigiiti nuggishee Ashitarootich, Moꞌabeenaꞌochi, ciigiiti nuggishoo Kemooshinaa Amooneenaꞌochi, ciigiiti nuggishoo Milikoominoyich taatoo Solomooni shuuniiti, guudi toommeexi goyinnee xaaꞌeenaꞌon eeꞌiihe.

2 Taateenaꞌo 23:24

Wotta qeeshoo Hiliqiyi yaafee kexoochee daneti macaafooch kooreeton ceechoyich, Yerusaaleminaa Yihudee showee bare katemeenaꞌonooch beeti, ciigiiti mooyo bullin, qititi ashoona yibbaatee beetinaꞌon, allaameenaꞌon, terafimeenaꞌonaa shahalleenaꞌonon taatoo Yosiyaasi aalliihe.

2 Kiinoo 15:8

Aasi Odeedi bushoo keemechi Azariyaasi keemmiti, ebi keemee qaaroon waayeꞌi goggehe. Yihudee showoochee, Biiniyaamee showoonaa geppechi Efreemee showoonoochee bi yechiti katemeenaꞌoochee ciigiiti shahalloon aalliihe. Doono Yeerichi yaafee kechi ciinooch beeti deejjee gudoon wochinnoon shuunehe.

2 Kiinoo 34:33

Yosiyaasi ciigiiti, shahalloo bullin Israꞌeelee showoo bulliichee aalliihe. Israꞌeelee showoo bulliich beetinaꞌo boonoshi Nuggishoo Doono Yeerich boonoshi goyinne maddemmoyich tuniihe. Kashoona bi beeti yemeenooch boonoshi qaabbechinaꞌochi Nuggishoo Doono Yeerin dabboochee gubb wotteyaaneenaꞌone.

Isiyaasi 31:6

“Israꞌeeleenaꞌote, kupphiiꞌi ittoshi hukketi ta waan wottebote.

Erimiyaasi 15:19

Ebich Doono Yeeri ishichiye: “Ne wottegaata, neen wochemmo taane; ta aafoochoo neexemmo neene; qocechi yibbaatoon qocaalloyee bariyaꞌa ne yibbaategaata, ta noonoommon tunemmo neene. Boonoshi ne waan wottebeetani, ne boonoshi waan wotteyaahine.

Erimiyaasi 15:4

Yihudee taatoo Hiziqiyaasichi bushoo Minaasi, Yerusaalemi daggooch bi tuniiti mooyoyich, showee toommeexi taatittino bulliichaa boonoshi xuuxemmoyich tuniyemmo taane.

Erimiyaasi 18:11

Andoo Yihudee asheenaꞌonaa Yerusaalem beeti asheenaꞌonoyich ishichibe: ‘Doono Yeeri ishichiye: Gonde mooyon ittoshi toommooch qanniibeeto taane; gondoonoo ittoshi toommooch gabiibeeto taane; andoo ittoshi bulli ittoshi gonde gommoochee wottebote; ittoshi shuunoonaa ittoshi gommonon kaachibote’ gete!

Erimiyaasi 24:9

Showee taatittino bulliichaa, wuche getteetinaꞌo tuniyemmo taane; boonoshin ta yookketi xaaꞌoo bulliichaa tocheyoyich, shixxeyoonaa ufonoyich tuniyemmo taane.

Erimiyaasi 25:5

Ebi keemechinaꞌo ‘Ittoshi bulliyona ittoshi gonde gommonaa ittoshi gonde shuunoonoochee wottebote; Doono Yeeri ittoshinaa ittoshi qaabbechinaꞌonoyich wonnee tiijjiꞌi bulli aaboyich bi immiti showooch kotemmo ittoshine;

Erimiyaasi 3:1

“Ikke asho bi mecheen bi gawukkaa, areyoo bi waanee hammaa bare kenoon bi shaagigaata, biin wochi deebi shaaggehe? Showoo ciroona eeꞌeyaachehe? Ne, meetinaꞌona tookkii shunoon maabee echaꞌa, and ta waan wottoon qaawii beetine?” iye Doono Yeeri.

Erimiyaasi 3:12

Dambi-waan hamiree ebi qaaroon ishichi awaajjibe: ‘Gibeneyaani Israꞌeele, ta waan wottebe’ iye Doono Yeeri. ‘Ariqqecho ta tunetoyich kaaroona neen ciinaachemmo taane; bulli aabooch kaareyaachemmo taane’ iye Doono Yeeri.

Erimiyaasi 3:14

“ ‘Hini gibeneyaani bushiisheenaꞌote, ta ittoshi Doono ta tunetoyich ta waan wottebote; ikke katemoochee ikkoon, ikke yaroochee guttoon Tsiyooni guudooch deebemmo taane’ iye Doono Yeeri.

Erimiyaasi 3:22

“Gibeneyaani bushiisheenaꞌote, ta waan wottebote; gibeneyaano tunoochee ittoshin shiwemmo taane” iye. Ebiyoche ne, no Nuggishoo Doono Yeeri ne tunetoyich, ne waan waato noone.

Erimiyaasi 35:15

Keemechinaꞌo tuneti ta guuninaꞌo bullin wochii wochii ittoshi waan deejjaꞌa, boonoshina “Ittoshi ikkikkoona ittoshi gonde gommoochee wottebote; ittoshi shuunoon gaawichibote; boonoshich goyinnoyich bare nuggisheenaꞌon dabbiyaahote; ittoshinaa ittoshi qaabbechinaꞌonoyich ta immeti showooch kotemmo ittoshine” iyoye; tunebaani ittoshi, ittoshi waamon ta waan gaꞌiyaano ittoshine; taachonoo waayeyaano ittoshine.

Erimiyaasi 36:3

Diqqich Yihudee asheenaꞌo boonoshi toommooch tuniiya ta gabiti gonde mooyon waayeree boonoshi ikkikkoona boonoshi gonde gommoochee wottemminaꞌone; tawoo boonoshi gondoonaa boonoshi axaaxoonon echebe gettemmo taane” iye.

Erimiyaasi 4:4

Yihudee asheenaꞌonaa Yerusaalemi beeyechinaꞌonote! Ittoshi gonde shuunoyich koniyoona takkoon hakkaachemmi ta kaaro qaaqqoochoommon aaxxemmo bi tunetoyich, ittoshi mulloon dokireeree, Doono Yeeri taach hajjeebote.

Erimiyaasi 7:3

Israꞌeelee Nuggishoo Beshe Mawe Doono Yeeri ishichiye: Ittoshi gommonaa ittoshi shuunoonon gaawichibote; hini xaaꞌooch ittoshin kotiyemmo taane.

Erimiyaasi 7:5

“ ‘Iberoon ittoshi gommonaa ittoshi shuunoonon ittoshi kaachigaata, ikkoonaa ikkoonochi daggooch dayinnetoona ittoshi nalligaata,

Erimiyaasi 7:7

ittoshi qaabbechinaꞌoyich bulli yemeenoyich ta immeti xaaꞌoo hini showooch ittoshin kotiyemmo taane.

Hiziqeeli 11:18

“Arooch boonoshi waahooba ciigiitonaa eeꞌoona tuneti mooyon bi daggoochee wokkiyemminaꞌone.

Hiziqeeli 18:13

bi koyitiigaata, shimon bi deꞌigaata, iberoochaa kashoona beeyehe? Kashoona beetaachemmone. Ebi bulli ciigiiti mooyon bi tuniitoyich iberoochaa qitemmone; bi damoo bi toommooch tunemmone.

Hiziqeeli 43:9

Andoo boonoshi yahoonaa qititi boonoshi taateenaꞌoyich boonoshi tuniibeeti mooyonon ta waanee wokkiibeete; tawoo boonoshi daggooch bulli aaboon beeyemmo taane” iye.

Hosee'i 14:1

Israꞌeeleenaꞌote, ittoshi axaaxee naboona ittoshi dihitoyich ittoshi Nuggishoo Doono Yeer waan wottebote!

Hosee'i 2:2

“Ciicote, ittoshi indeen ciicote. Are ta mechee tuno bi qajjetoyich, tawoo bi keno toono taane. Shunee mamonaa yahoonon bi waanee wokkiibuye.

Hosee'i 7:16

Gonde mooyo waan wotteheete. Muricciti shangoommon tuneheete. Boonoshi ukkireenaꞌo boonoshi heciyoochee kechiti gonde moochi naboona goraadoona qitemminaꞌone. Ebichi naboona Gibitseenaꞌona cooneyemminaꞌone” iye.

Yoꞌeeli 2:12

Doono Yeeri ishichiye: “Andoo tunetaa coomoona, eefona, muushenoona, ceeni ittoshi mulloona ta waan wottebote” iye.

Zakaariyaasi 1:4

Ittoshi qaabbechinaꞌon shaahiyaahote. Ebiyee aafi keemechinaꞌo boonoshich, ‘Beshe Mawe Doono Yeeri, ittoshi gonde gommonaa gonde shuunoonoochee wottebote, itone’ iꞌi gettiyeete; tunebaani boonoshi waayemmon qajjiꞌi ta getoonoo aaxxiyaache iyeete.

Yibbaatoo 27:15

“ ‘Ariyechi ashi kishoona shuuneeti, Doono Yeeri aafoochaa shicheti, xaqqoochee, mixoochee woyee xuuroochee shahalloon shuuneꞌi aashoona goyinneebeeto uppeton tunebe’ geteete. “Asheenaꞌo bulliyoo ‘Ameena’ geteete.

Yibbaatoo 4:30

Iritoo ittoshi toommooch shagiyooba, ebi mooyo bulli ittoshi toommooch tunehooboo ciiroochaa ittoshi Nuggishoo Doono Yeer waan wotteree biich deꞌa gettemmo ittoshine.

Yaasi 24:14

“Andoo Doono Yeerin shatote; ibere mulloona gibeneeton tuneree biich maddebote; ittoshi qaabbechinaꞌo Efiraaxisee beqach Mesopotaamee showooch boonoshi beehooba, wotta aroyee gubb Gibits boonoshi beehooba, boonoshi goyinnee maddeti nuggisheenaꞌon ittoshi waanee wokkiibote. Doono Yeeri ikkeetoyich baach goyinne maddebote.

Woraaferasheenaꞌo 10:16

Aroochee dallaawe nuggisheenaꞌon boonoshi daggoochee wokkiichii, Doono Yeerich goyinnee maddeheete. Doono Yeeriyoo Israꞌeeleenaꞌochi duꞌoyich oogeton ayiniye.

1 Saameeli 7:3

Aroochee Saameeli Israꞌeeleenaꞌo bullich ishichiye: “Ibere mulloona Doono Yeer waan wottoon ittoshi qaawigaata, dallaawe nuggisheenaꞌonaa Ashitarooti misileenaꞌonon ittoshi waanee wokkiibote; ittoshi mulloonoo Doono Yeer waan wochibote; biich baach goyinne maddebote; biyoo Filsixeemeenaꞌo kishoochee ittoshin wodiyemmone” iye.