Erimiyaasi 38:3 - Kafa Linguistics Project

³ Doono Yeeri ishichiye: ‘Iberoochaa hini katemoo Baabloonee taatoo ginee naayinaꞌo kishooch beshiitaa ichemmone; biyoo yechemmone’ itone” iye.

Erimiyaasi 38:3 ပူးပေါင်းရင်းမြစ်များ

Erimiyaasi 21:10

Deꞌoyich tuneyaanoon gondoyich hini katemoon ciinneto taane, iye Doono Yeeri. Ebi katemoo Baabloonee taatoo kishooch beshiitaa ichemmone; biyoo qaaqqoona michemmone.

Erimiyaasi 21:4

“Sedeqiyaasich ishichi getote: Israꞌeelee Nuggishoo Doono Yeeri ishichiye: ‘Baabloonee taatoonaa uxeroyee maachaa ittoshin giichiti Baabloonee asheenaꞌonon ittoshi kochiibeeti, ittoshi kisheexi ginee qiicoon ittoshi toommooch wochi ballemmo taane; boonoshin kiciree hini katemee daggooch deebemmo taane.

Erimiyaasi 21:9

Hini katemooch yagimmo goraadoona, shaacoona, biiyoonoo qitemmone; tunebaani ittoshin giichiti Baabloonee asheenaꞌo waan hammiꞌi kishoon immimmo kashoona beeyemmone; bi kashoonoo wodiyemmone.

Erimiyaasi 29:16

Tunebaani Daawitichi taatee qeenooch koteti taatoochonaa ittoshina tookkii kecaa hamaani, wottoo hini katemooch koteti ittoshi xibeenaꞌo bullinochon Doono Yeeri gettii beeton waayebote.

Erimiyaasi 37:8

Baabloonee asheenaꞌo wochi waaree hini katemoon kochemminaꞌone; katemoonoo yechemminaꞌone; qaaqqoonoo michemminaꞌone” getote’ gete.

Erimiyaasi 38:18

Tunebaani Baabloonee ginee iraasheenaꞌoyich kishoon imo ne qayigaata, hini katemoo Baabloonee asheenaꞌoyich beshiitaa ichemmone; boonoshiyoo qaaqqoona michemminaꞌone; newoo boonoshi kishoochee muricaachemmo neene’ itone” iye.