Erimiyaasi 3:4 - Kafa Linguistics Project

⁴ “Andoo ‘Ta nihoocho, bushittinee ta xiboocho!’ iyaa taan ceeggehine.

Erimiyaasi 3:4 ပူးပေါင်းရင်းမြစ်များ

Shoddo 119:9

Gurimaashoo xallittinoona beemon bi hakkemmo aabichireeshiye? Ne qaaroon quyoonane.

Shoddo 48:14

Ebi Nuggishoo bulli yemeenoon no Nuggishoone; bulli yemeenoon noon yaabemmone.

Shoddo 71:17

Yeero, ta bushittinoochee tiijjaa taan dojjito neene; tawoo and beddaahaa worganeeti ne shuunoon awaajjaabeeto taane.

Shoddo 71:5

Nuggishoo Doono Yeero, ta gibeno neene; ta bushittinoochee tiijjaꞌa neen gibeneto taane.

Shaahiyoo 1:4

Ariyaaneenaꞌon accechinaꞌo, gurimaasheenaꞌon ariyechinaꞌonaa mullechinaꞌonon tuniiheete.

Shaahiyoo 2:17

Ebi ure bi bushittinee kenoon qajjeti, bi Nuggishoo aafooch bi giyeti wogoonoo battetine;

Erimiyaasi 2:2

“Hamiree Yerusaalemi asheenaꞌochi waamooch awaajjibe; Doono Yeeri ishichiye gete: ‘Bushaa ne beehooba gibeneeti ne tunoon, woꞌee shunoommi ne shunoon, barahoochaa, amoonolla shakkiyaani showoochaa, taan ne dabboon shalligiyoye.

Erimiyaasi 2:27

Mixon ‘Ne, ta nihoo neene’ xaqqoonoo ‘Taan shiyeto neene’ iyeete. Boonoshi aafoon tuneyaanoon boonoshi gubboon ta waan wochiyeete. Tunebaani boonoshi iritee aabooba ‘Tiyiree noon wodiibe’ iyeete.

Erimiyaasi 3:19

Israꞌeele, ta neen ta busha haddiya, gaawe showoon neech imma, showoo bulliyee beshe qeemi showoon neech woraashiya, qaawiyoye. Wotta “Ta Nihoocho, geti ceeggemmi neene; taan dabboocheenoo wotteyaachemmi neene” iyaꞌanoo, gabiyoye.

Erimiyaasi 31:22

Hini gibeneyaani asheenaꞌote, axiraache ittoshi beeyemmo aati wottooniye? Doono Yeeri ta, showee toommooch andire mooyon hallito taane; maachee anaamoyich deeboon tunemmine” iye.

Erimiyaasi 31:9

Eefona woyemminaꞌone; boonoshin goggiyoona yaabemmo taane; aachi gashoona, boonoshi tephaachemmi kaame gommona, boonoshi hammemmoyich tuniyemmo taane; ebiyoo Israꞌeelich nihoo ta tunetoyich, Efreemiyoo taach gutenee bushoo bi tunetonoyichiye.

Hosee'i 2:15

Aroochee bi woyinee goyoon biich immemmo taane; Akoori bamboonoo gibenee kello biich tuniyemmo taane. Aroochaanoo, Gibitsee bi keyiyooba, bi bushittinee aabooba, bi tuniitoommon, taach eekkemmine.

Milikiyaasi 1:6

Beshe Mawe Doono Yeeri ishichiye: “Ta shigoon giishiibeeti qeesheenaꞌote, bushoo bi nihoon, guuno bi doonon oogii beetone. Ta, ittoshi nihoo taane; ishigaata amoyich taan oogiyaachote? Ta ittoshi doono taane; ishigaata amoyich taach shataachote? “Tunebaani ittoshi ‘Aabichaꞌa ne shigoon giishiihone?’ iyote.

Milikiyaasi 2:14

Ittoshiyoo “No deejjoon deqqemmon bi qajjito amoyichiye?” geti echemmo ittoshine; ebiyoo ne bushittinee mecheyich ne wogeti wogoon ne biishon bi ariitoyichiye. Ne mechee neech nuucheenaa ne wogee mecheena tunaa bi beetaa, Doono Yeeri aafoochaa ne wogeti wogoon biicheto neene.