Erimiyaasi 3:3 - Kafa Linguistics Project

³ Ebich amichi kucho bachehe; naawee amiyoo dihemmon qajjiye; shunimaayeen shaahaꞌa yeellemmon qajjehine.

Erimiyaasi 3:3 ပူးပေါင်းရင်းမြစ်များ

Halloo 19:34

Bi dechara qaabbee guucheyich ishichiyan: “Yiich ta nihoo waan giyeti taane. Hanaachi xum wotta mashiibeeti woyinee uyoon biich uchibone. No nihoochi yaroo doogaachemmoyich, ne wotta hanaach bi waan gibe” iyan.

Nehimi 9:17

Ne getoyichoo deꞌa getaaneenaꞌone; boonoshi daggooch ne tuniiti gaakkechi shuunoon shalligaaneenaꞌone. Babbereheete; Gibitsee showooch, guuchittinooch wottoyich boonoshin yaabemmi ukkiroon kaacciyeete. Tunebaani ne, gondoon maarecho, shoodecho, ariqqecho, kaaroyich nibbechonaa wodde shunnechona tuneti Nuggishoo neene; ebich boonoshin qayaano neene.

Shaahiyoo 21:29

Gonde asho aafoon kupphehe; tunebaani kaame asho bi gommon manjii ciinniye.

Isiyaasi 5:6

Shokkoon echiyemmo taane; qepheyaachemmone; showoo ucheyaachemmone; guccinonaa angixona collemmone; amiyo dihaachemmoyich qubeenaꞌoyich gettemmo taane.

Erimiyaasi 14:1

Showee shuuꞌichon Doono Yeeri taach ishichiye:

Erimiyaasi 14:22

Iberoochaa aagetee nuggisheenaꞌo daggooch, amiyon dichoon hakkemmo danehe? Woyee shimaayoo amiyon dichoon hakkehe? No Nuggishoo Doono Yeeri ne toono neene? Ebi bullin tuniibeeto ne tunetoyich, no gibenaabeeto neeniye.

Erimiyaasi 14:3

Aricheti bi asheenaꞌo boonoshi maddechinaꞌon aacooch wocheheete; boonoshiyoo aacooch hammiyeete; tunebaani aacon mucceheete; boonoshi qiicoon shokkoon yechiꞌi wotteheete; yeelleheete; cooneeheete; boonoshi aafoon qoreddoona qeriyeete.

Erimiyaasi 14:4

Showooch amiyo dihoo bi qajjitoyich, showoo gaahetoyich, goyechinaꞌo yeelleheete; boonoshi aafoon qoreddoona qeriyeete.

Erimiyaasi 36:2

“Kooree natoon deebiree neech ta getteti aaboochee, ebiyoo Yosiyaasi taatee yemeenoochee tiijjii hanaach beddaahaa Yihudee asheenaꞌochon, Israꞌeelee asheenaꞌochonaa aagetee asheenaꞌo bullichonon ta getteti qaaro bullin kooribe.

Erimiyaasi 5:24

“Ittoshiyoo ‘Batti batti amiyonaa digeni amiyonon nooch dichiibeeti, marehoon bi gooroona nooch deebiibeeti, no Nuggishoo Doono Yeerin shatone’ getaano ittoshine.

Erimiyaasi 5:25

Eboshin ittoshi xuꞌo ittoshi waanee echiitone; ittoshi axaaxoo ebi deꞌe mooyinaꞌon ittoshich mucciitone.

Erimiyaasi 5:3

Doono Yeero, ibere mooyon qaawiibeeto neene; boonoshin naxehine; tunebaani aaxxiyaaneenaꞌone; boonoshin yiikkehine; tunebaani ne waan wottemmon qajjiyeete. Boonoshi baroon shiishee xaqqoyee beshoon kupphiiheete; gondoochee wottemmonoo qajjiyeete.

Erimiyaasi 6:15

Ciigiiti mooyon boonoshi tuniitoyich yeelleteete? Ciroona yeelleyaaneenaꞌone; yeello amo gaatoona ariyaaneenaꞌone; ebich bareenaꞌo dihoommon dihemminaꞌone; boonoshin ta naxehooba qiti aallemminaꞌone” iye Doono Yeeri.

Erimiyaasi 8:12

Ciigiiti mooyon boonoshi tuniitoyich yeelleteete? Ciroona yeelleyaaneenaꞌone; yeello amo gaatoona ariyaaneenaꞌone. Ebich bareenaꞌo dihoommon dihemminaꞌone; boonoshin ta naxehooboo qiti aallemminaꞌone” iye Doono Yeeri.

Erimiyaasi 9:12

Ebin shalligoyich ariyechi asho konine? Ebin bi awaajjemmoyich, Doono Yeeri gettito konichiye? Asho besheyaachemmoyich showoo amoyich duubehe? Shuuꞌi showoochoommon amoyich shuuqqiye?

Hiziqeeli 3:7

Tunebaani Israꞌeelee macceenaꞌo getaa giyaaneenaꞌonaa babbereenaꞌona boonoshi tunetoyich ta getoon waayoyich daaggaaneenaꞌone; neechonoo waayeyaachemminaꞌone.

Leweenaꞌo 26:19

Ittoshi geeciibeeti ooge geecoon aalliyemmo taane. Ittoshiyee damba beeti shimaayoochee amiyo aalletaa, ittoshi showoo gooshoo wogoommon wogemmone.

Amootsi 4:7

“Ittoshi maayo qecceyoyich batt keejje ageno echeechaa, amiyo dihaachemmoyich tuniihoye. Ikke katemooch bi dihemmoyich tuniichaa bare katemoochee aalliihoye. Ikke showooch dihiye; tunebaani dihaanoon bi qajjiti showoo shuuqqiye.

Amootsi 4:8

Meeti katemeexi asheenaꞌo shacheweꞌi, aachi qaawooch ikke katemooch hammiyeete; tunetaa bede aacon daneꞌi boonoshi shachewoon kuxaaneenaꞌone. Tunebaani ittoshi, ta waan wotteyaano ittoshine, iye Doono Yeeri.

Sofoniyaasi 2:1

Hini yeellaalli aagetee asheenaꞌote, yongo maaxxoon tiijjii daamoommon tiijjaa hamaani beechi, qaaqqoo aaxxoommon aaxxeebeeti Doono Yeeri kaaro ittoshi toommooch kindaan beetaa, Doono Yeerichi kaaree aabo shagaan beetaa, Doono Yeer waan wottebote.

Sofoniyaasi 3:5

Cadiqo tuneti Doono Yeeri ebi Yerusaalemi daggooch beetone. Biyoo tateyaani mooyon tuniyaache. Qemi qemona kuxaanoon dayinnetoona nallii beetone. Tunebaani gonde asheenaꞌo yeellaalleenaꞌone.

Haagi 1:11

Tawoo ittoshi goyoonaa geppeenaꞌochi toommooch, maayoonaa woyinee uyoonochi toommooch, zayitoonaa showee colliibeeti mooyo bullinochi toommooch, ashoonaa gijjoonochi toommooch, asho aajjiibeeti mooyo bulli toommoochoo aaboon deebeto taane” iye.

Hibireena'o 12:25

Gettiibeeti Yeerin waayeyaache ittoshi getaachemmoyich ittoshi qelloon ariibote! Ebi areenaꞌo showee toommoochaa Yeeri gettiton waayeyaachone boonoshi iyooba, Yeerichi nalloochee muricaaneenaꞌone; ebich no wotta shimaayoochaa gettiibeeti Yeer waanee gubb no shoki gaata, aabichiree Yeerichi nalloochee muriccehone?