Erimiyaasi 26:2 - Kafa Linguistics Project

² “Doono Yeerichi yaafee kechi addibaabooch neexebe; Doono Yeerichi yaafee kexooch goyinnoyich Yihudee katemeenaꞌoochee waabeeti asheenaꞌoyich ne gettemmoyich ta getteti qaaro bullin gete; ikke qaaroonolla shappiiyaahine.

Erimiyaasi 26:2 ပူးပေါင်းရင်းမြစ်များ

Erimiyaasi 1:17

Tunebaani ne, ne shimetoon cuyebe; tiyi hamiree, neech ta getteto bullin boonoshich gete; boonoshin shattaahine; ne shatigaata, beshoon boonoshich ne shattemmoyich tuniyemmo taane.

Erimiyaasi 1:7

Tunebaani Doono Yeeri taach ishichiye: “Ta wochemmo bulliich hammemmo ne tunetoyich, ta gettemmo bullin gettemmo ne tunetoyich, ‘Batt bushoo taane’ gettaahine.

Erimiyaasi 19:14

Aroochee Erimiyaasi keemoon bi keemmemmoyich Doono Yeeri biin daachiiti Tofeetee waahe; Doono Yeerichi yaafee kechi addibaabooch neexeechi asho bullich ishichiye:

Erimiyaasi 23:28

Gumon gummiti keemecho bi gumon maace; tunebaani ta qaaro bi waan beeto gibeneeton tunoona ta qaaroon gete; tulloonaa teepphoonon amo daniihe?” iye Doono Yeeri.

Erimiyaasi 25:2

Ebich tawoo Yihudee showeexi asho bullinaa Yerusaalem beeti asho bullinoyich ishichiyo:

Erimiyaasi 28:5

Tawoo qeesheenaꞌonaa Doono Yeerichi yaafee kexooch neexeti asho bullinochi aafoochaa keemechi Hanaaniyich ishichiyo:

Erimiyaasi 36:10

Baaruukiyoo Erimiyaasi gettiti qaaroon, Doono Yeerichi yaafee kexeexi damba qachi addibaaboochaa, Doono Yeerichi yaafee kexooch giyeebeeti Andire Kellooch beeti koorechi Shafaanichi bushoo Gemaariyichi gatoochaa asho bullich qoddeti macaafoon shemmehe.

Erimiyaasi 42:4

Keemechi Erimiyaasiyoo boonoshich ishichiye: “Waayeto taane; ittoshi echetoommon ittoshi Nuggishoo Doono Yeer waan corootemmo taane; Doono Yeeri wochimmo amoonolla ittoshich gettemmo taane; ittoshich aachaachemmo taane” iye.

Erimiyaasi 7:2

“Doono Yeerichi yaafee kechi kellooch neexebe; ebi qaaroonoo aroochaa ishichi gete: ‘Doono Yeerich goyinnoyich hini kelleenaꞌona giyiibeeti Yihudee asheenaꞌo bulloshite! Doono Yeerichi qaaroon waayebote.

Erimiyaasi 7:27

“Ebi qaaro bullin boonoshich gettemmo neene, tunebaani waayeyaachemminaꞌone; ceeggemmo neene, tunebaani neech eekkeyaachemminaꞌone.

Hiziqeeli 3:10

Daakkiꞌinoo taach ishichiye: “Ashi bushoocho, neech ta gettemmi ta qaaro bullin elle waayeree ne mullooch gede.

Hiziqeeli 33:7

“Ebich ashi bushoocho, neen Israꞌeelee macceenaꞌon qayecho tuniito taane; ebich ta qaaroon waayebe; neech ta gettemmi qaaroona boonoshin meeqqeqqiibe.

Hiziqeeli 40:4

Are uro taach “Ashi bushoocho, hiniich ne womi naboo ebin neech ta bekkiyemmoyichiye; ebich ne aafoona ciine; ne waamona waayebe; neech ta bekkii beeton ne mullooch gede; ne beeggemmo bullinoo Israꞌeelee macceenaꞌoyich gete” iye.

Luqaasi 19:47

Ebiyee gubb, qemi qemona asheenaꞌoyich yaafee kexoochaa dojjii beehe; tunebaani qeeshee ukkireenaꞌo, Muusichi Sheeree dojjechinaꞌonaa Ayihudee ukkireenaꞌona Yesuusin wuxiya qaawii beeheete.

Yowannisi 18:20

Yesuusiyoo wochiꞌi, “Asheenaꞌo bullich kaacha getteto taane; Ayihudeenaꞌo kiceebeeti kexonaa boonoshi bulli ikkooch kiceebeeti yaafee kexonoochaa bulli aaboon dojjito taane; aashoona gettaa ariyaano taane.

Yowannisi 8:2

Haree maaddoona wotta yaafee kexooch wotteꞌi hammiye. Asheenaꞌo bulli bi waan waaheete. Koteꞌinoo boonoshich dojjiye.

Mishiraachechinaꞌo 20:20

iitoonaa ittoshi kexi kexonooch ittoshich dojjaa ta beehooba, ittoshich deꞌo tunemmo bullin gettehoani ikkoonolla echiyaano taane.

Mishiraachechinaꞌo 20:27

Ebiyoo Yeerichi gaboochee amoonolla echiyaanoon bullin ittoshich ta gettetoyichiye.

Mishiraachechinaꞌo 5:25

Areegaata ikke uro waaꞌi, “Ebiyoche, yiich ittoshi yechii cuchiiti asheenaꞌo yaafee kexooch neexeꞌi, asheenaꞌoyich dojjii boonoshi beetaa beeggaꞌa waahoye” iꞌi gettiye.

Mishiraachechinaꞌo 5:42

Ebiyee gubb, qemi qemona yaafee kexonaa kexi kexonooch guuddiꞌi, “Yesuusi aroo Kiristoosine” iibee mishiraachee qaaroon asheenaꞌoyich dojjoonaa yibbaatoonon kuxaanoon beeheete.

Yibbaatoo 12:32

“Ebi neech ta getteti mooyo bullin tuniibe. Ebi arooch amoonolla daakkiyaahine. Wotta ebi aroochee amoonolla shappiiyaahine.

Yibbaatoo 12:5

Ittoshi Nuggishoo Doono Yeeri bi shigo ceekkemmonaa arooch bi danemmona tuneti xaaꞌoon ittoshi yoodeenaꞌo bulli daggoochee kaaccemmone. Are xaaꞌoon qaawiꞌi, arooch hammii biich goyinno ittoshich qaawiihe.

Yibbaatoo 4:2

Ebi ittoshich ta gettaabeeti qaaree toommooch amoonolla daakkiyaahote. Aroochee amoonolla shappiiyaahote. Ebi ittoshich ta gettaabeeti no Nuggishoo Doono Yeerichi getoon quyebote.

Yaasi 8:35

Yaasi maacheenaꞌo, nallefeenaꞌo, Israꞌeelee iiteenaꞌo bullinaa boonoshi daggooch beeti shiqqeenaꞌonochi aafoochaa shemmehe. Muusi gettiti sheeree qaaroochee ikkoonolla echiyaanoone.

Yaaꞌoo 22:19

Wotta koniyoona hini macaafooch kooreeti keemee qaaroochee amee mooyinona bi shappiigaata, hini macaafooch kooreeti kashoon immiibeeti michi aafoonaa yaafe katemeenoochee bi ixoon shappiyemmone.