Erimiyaasi 2:2 - Kafa Linguistics Project

² “Hamiree Yerusaalemi asheenaꞌochi waamooch awaajjibe; Doono Yeeri ishichiye gete: ‘Bushaa ne beehooba gibeneeti ne tunoon, woꞌee shunoommi ne shunoon, barahoochaa, amoonolla shakkiyaani showoochaa, taan ne dabboon shalligiyoye.

Erimiyaasi 2:2 ပူးပေါင်းရင်းမြစ်များ

Shoddo 129:1

Ta bushittinoochee tiijjii taan xuqqitinaꞌone; Israꞌeeleenaꞌo ishichibeete:

Keyo 14:31

Doono Yeeri Gibitseenaꞌo toommooch bi tuniiti ooge bi giidoon beeggiꞌi, Doono Yeerin shattiyeete; Doono Yeerinaa bi guuno Muusinon gibeneheete.

Keyo 16:8

Muusiyoo daakkiꞌi, “Bi toommooch ittoshi guruuxoon bi waayetoyich, xum ittoshi maayemmi meenon, maaddoona ittoshi qettee wottoon ittoshi maayemmi koshon ittoshich immemmo Doono Yeeriyani no amo noone? No toommooch ittoshi guruuxito, Doono Yeeri toommooch guruuxoone” iye.

Shaahiyoo 1:20

Shalligee, gommoochaa cookaa beetine; addibaaboochaa qaaroon oogichaꞌa bunnaa beetine.

Solomooni 3:11

Tsiyooni gidiideenaꞌote, wobote; bi gaarooba, bi oogichii emiriti aabooba, bi indee ukiiti gubbichoon uketi, Taatoo Solomoonin ciinote.

Solomooni 3:6

Hareboonaa ixaanoona, giixechinaꞌochi cinnechi qimaamo bullina qanniti shittoona cinneebee, cufee duulloochoommon duulliibee, barahoochee waabeeto amoone?

Isiyaasi 58:1

Doono Yeeri ishichiye: “Ne qaaroon qoophaanoon oogiiree cookibe; ne qaaroo shametoochoommon sharaalliibe; ta asheenaꞌoyich boonoshi xuꞌoon, Yaaqobichi yareenaꞌoyich boonoshi axaaxoon gete.

Erimiyaasi 11:6

Doono Yeeriyoo taach ishichiye: “Ebi qaaro bullin Yihudee katemeenaꞌonaa Yerusaalemi addibaaboonoochaa ishichi gete: ‘Ebi wogee qaaroon waayebote; ceechishoo getote;

Erimiyaasi 19:2

Aroochee Gochee Kellee gaꞌooch beeti Hinoomi bushoo bambooch hambe; aroochaa neech ta gettemmi qaaroon gete;

Erimiyaasi 2:1

Doono Yeeri taach ishichiye:

Erimiyaasi 2:6

‘Gibitsee showoochee noon deebiti, shuuꞌi showoona, barahoonaa oppechi showoona, wotta amichaalli showoonaa dunne manderoona, koniyoona aroona besheyaani showoona, arooch asho koteyaani showoonoo, noon yaabiti Doono Yeeri aaye?’ getaaneenaꞌone.

Erimiyaasi 3:4

“Andoo ‘Ta nihoocho, bushittinee ta xiboocho!’ iyaa taan ceeggehine.

Erimiyaasi 7:2

“Doono Yeerichi yaafee kechi kellooch neexebe; ebi qaaroonoo aroochaa ishichi gete: ‘Doono Yeerich goyinnoyich hini kelleenaꞌona giyiibeeti Yihudee asheenaꞌo bulloshite! Doono Yeerichi qaaroon waayebote.

Hiziqeeli 16:22

Ebi ciigiiti ne yahee yemeenooba, shokkaachee tunaa damoona wooraꞌa ne beehoobee ne bushittinee yemeenoon gabaane neene.

Hiziqeeli 16:60

Tunebaani ne bushittinooba neenna tookkii ta giyeti wogoon shalligemmo taane; neenna tookki bulli yemeenee wogoon manjiyemmo taane.

Hiziqeeli 16:8

“ ‘Wochinnoon ne gaꞌoona beshaabee neen ciinnaꞌa, shaakkeya ne bedon beeggeho; tawoo ta tahoon ne toommooch yaggii, ne achoon qeriyoye; wogaa neenna tookkii wogoon giyaꞌa neen taachi tuniihoye, iye Nuggishoo Doono Yeeri.

Hiziqeeli 23:19

Tunebaani Gibitsee showoochaa shaddiibee bi echeti bi bushittinee yemeenoon gabiibee yahoon meechiyanalli ebin aaxxiyaaneene.

Hiziqeeli 23:3

Boonoshiyoo batt busheebee Gibitsee showooch beechii yahiyeete; aroochaa boonoshi xano huusheehe; aroochaa boonoshi gidiidoo aallehe.

Hiziqeeli 23:8

Gibitsee showooch bi beehooba bi doyiti yahoon qayaaneene; aroochaa bi bushittinoona anaaminaꞌo biinna tookkii qeyiyeete; gidiidittinee bi xanonoo huushiyeete; biin qeyiyeete; boonoshi yahoonoo bi toommooch woniiheete.

Hosee'i 11:1

Doono Yeeri ishichiye: “Israꞌeelin batt busha bi beetaa shunnehoye; ta bushoonoo Gibitsee ceeggehoye.

Hosee'i 2:15

Aroochee bi woyinee goyoon biich immemmo taane; Akoori bamboonoo gibenee kello biich tuniyemmo taane. Aroochaanoo, Gibitsee bi keyiyooba, bi bushittinee aabooba, bi tuniitoommon, taach eekkemmine.

Hosee'i 2:7

Bi shunechinaꞌon dabbi hammemmine; tunebaani yeshaachemmine; boonoshin qaawemmine; tunebaani daneyaachemmine. Aroochee biyoo ‘Aafi ta keno waan wottehoye; halla aafi ta beemo andichoyee beshiye’ gettemmine.

Hosee'i 8:1

Doono Yeeri ishichiye: “Shametoon huge! Ta asheenaꞌo boonoshina tookkii ta giyeti wogoon boonoshi biichitoyich, ta sheeroon boonoshi shaaddetoyich, etto booyochoommon Doono Yeeri ta yaafee kexooch yoobbii waa beetone.

Hosee'i 9:10

Doono Yeeri ishichiye: “Israꞌeeleenaꞌon ta dano, barahoochee woyinee aafoon danoommone. Ittoshi qaabbechinaꞌon ta beego, qaabbe balaasee aafoon beegoommone. Tunebaani Baꞌaal Feꞌoori boonoshi waahooba yeelliiti shahalleenaꞌoyich boonoshi qelloon beshiiꞌi immiyeete. Boonoshi shunniti shahalloochoommon ciigiitinaꞌo tuneheete.

Yoonaasi 1:2

“Tiyiree ooge katemoo Nanawa hambe; are katemeexi asheenaꞌochi axaaxoo ta aafooch bi bekketoyich, hamiree boonoshich ‘Magge axaaxoon shuuneto ittoshine’ gete” iye.

Maatiyoosi 11:15

Illa waayeebeeti waajjecho waayebe.

Luqaasi 12:13

Arooba dofee asheenaꞌo daggoochee ikke uro Yesuusich “Dojjechocho, eke no nihoochi iristoon ta manoo taach bi qoodemmoyich gete” iye.

Yibbaatoo 2:7

“Doono Yeeri am shaahoon ittoshi kishoona ittoshi shuuneti mooyo bullina ittoshin bi diirito gaata shalligibote. Ebi shaahe gamini barahoona ittoshi shaꞌee beehooba, ittoshich qaawiibeeti mooyon imona ittoshin gaachetone. Ebi aabbe naton ittoshina tookkii bi tunetoyich, amoonolla mucceyaano ittoshine.

Yibbaatoo 33:3

Iberoon Doono Yeeri bi asheenaꞌon shunnii beetone; biich yaafeetinaꞌo bulli bi kishoochiye boonoshi beeto; boonoshiyoo bi baatooch goyinneheete; bi getoonoo waayeheete.

Yibbaatoo 8:2

Ne Nuggishoo Doono Yeeri biich deꞌa ne gettemmoyich, iritoon ne toommooch deebii neen phirebee, besheti aabbe naton ebi genje gommon barahee daggoona neen bi yaaboon batteyaahine. Ebin bi tuniito, ne mullooch beeton beegoyich, ebiyoo bi getoon ne quyoonaa quyee qayonon beegoyichiye.

Yaaqobi 4:4

Yeerich gibeneyaaneenaꞌote! Hini alemoon shuno Yeerin shixo bi tunoon ariyaachote? Illa alemoon shuno Yeerina shixecho tunoone.

Yaaꞌoo 2:4

“Tunebaani neen ta ittibatemmi mooyo beetone: Ebiyee aafi ne shunoon qajjeto neene.