Erimiyaasi 17:3 - Kafa Linguistics Project

³ Gaddooch beeti ta guudoocho! Ne gaannoon, ne hajjoo bullin, geppeenaꞌooch beeti ne goyinnee xaaꞌeenaꞌon ne axaaxee naboona ne etteenaꞌo boggemmoyich tuniyemmo taane.

Erimiyaasi 17:3 ပူးပေါင်းရင်းမြစ်များ

2 Taateenaꞌo 24:13

Taatee kexonaa yaafee kexonooch beeti gaanno bullin Baabloonee showooch daammiye. Shiichiꞌi Doono Yeeri gettiti qaaroommon, Doono Yeerichi yaafee kexooch beeti, ebiyoo taatoo Solomooni shuuniiti aachee qiico bullin daammiye.

Shoddo 78:58

Geppeexi boonoshi goyinnee xaaꞌoona biin ippiiheete; boonoshi shahalleenaꞌona bi qanaatemmoyich tuniiheete.

Isiyaasi 27:9

Illa Israꞌeeleenaꞌo boonoshi axaaxoyich maaroon dano boonoshi hakkemmo, aageteenaꞌochi deejjee gudee xaqqeenaꞌon tiichii boonoshi aalliigaata, ixaanee deejjee gudoonaa Asheeri misileenaꞌonon boonoshi aallii gaatane.

Erimiyaasi 12:12

Baraheexi shokkaache geppeenaꞌo bulliich bokkeenaꞌo waatinaꞌone; Doono Yeerichi goraado, ikke daaroochee tiijjii bare daarooch beddaahaa maabeeto bi tunetoyich, meeno taheto bullich diggoo aalloone.

Erimiyaasi 15:13

“Ittoshi showoo bulli toommooch ittoshi shuuneti axaaxoo bullich ittoshi gaannoonaa ittoshi hajjoonon gatiyaalloon ettoyich beshiiree immemmo taane.

Erimiyaasi 20:5

Ebiyoommon wotta katemeechi yaapho bullin, bi hajjoo bullin, gaacechi bi qiico bullinaa Yihudee taateenaꞌochi ginjabeeto bullinon boonoshi etteenaꞌo kishooch beshiiree immemmo taane; boonoshiyoo ebin bogiree Baabloonee showooch daammemminaꞌone.

Erimiyaasi 21:13

Bambee tookk koteti Yerusaaleme, gaddee toommeexi shiishe xaqqeene! Ne toommooch tiyeto taane, iye Doono Yeeri. Newoo “Koni waaree taan kindiiyehe? Koni ta gafooch giyehe?” ii beeti neene.

Erimiyaasi 26:18

“Moreshetee asho Mikiyaasi Yihudee taatoo Hiziqiyaasichi taatee yemeenooch, Yihudee asho bullich ishichiꞌi keemoon keemmitone: ‘Beshe Mawe Doono Yeeri ishichiye: Tsiyooni, budochoommon gocheyemmine; Yerusaalemi, buricee gutoon tunemmine; Yeerichi yaafee kexo shuuneeti geppoochoo eho collemmone’ itone.

Shoosho 1:10

Aaxxe bi qiico bullin, etto hokkii daammiye; ne iitee daggooch boonoshi giyaachemmoyich ne bajjeti aageteenaꞌo, bi yaafee duukkaanooch boonoshi giyaa, beeggahan.

Hiziqeeli 16:39

Ne shunimaayeenaꞌochi kishooch neen beshii immemmo taane; boonoshiyoo ne xoobe xaaꞌoonaa ne goyinnee xaaꞌoonon happemminaꞌone; ne tahoon shooti, ne shashoon daami neen shokke hulloo echiyemminaꞌone.

Hiziqeeli 23:46

Nuggishoo Doono Yeeri ishichiye: “Dofee ashoon boonoshi toommooch deebe; boonoshin keqqoonaa bosheeyoonoyich beshiiree imbe.

Hiziqeeli 6:3

Ishichishoo gete: Israꞌeelee guudinaꞌote, Nuggishoo Doono Yeerichi qaaroon waayebote; Nuggishoo Doono Yeeri guudinaꞌonaa geppeenaꞌonoyich, qaaꞌeenaꞌonaa bambeenaꞌonoyich ishichii beetone: ‘Ta, ittoshi toommooch ginoon deebemmo taane; ittoshi goyinnee xaaꞌeenaꞌon aalliyemmo taane.

Leweenaꞌo 26:30

Guudi toommeexi ittoshi goyinnee xaaꞌoon happemmo taane; ixaanoon ittoshi giddiibeeti deejjee gudoon happi bajjemmo taane; ittoshi dubenoonoo dubenoochoommon dihiti ittoshi shahalleenaꞌo toommooch duppemmo taane; tawoo ittoshin tiyaaremmo taane.

Mikiyaasi 3:12

Ebich, ittoshi naboona Tsiyooni budo gocheyoommon gocheyemmine; Yerusaalemiyoo xaqqee gutoon tunemmine. Yaafee kexo beeti geppoochoo kubbo collemmone.

Sofoniyaasi 1:13

Boonoshi gaanno kecceyemmone; boonoshi kexoo tiishemmone. Kexon haggemminaꞌone; tunebaani arooch beetaachemminaꞌone. Woyinoon bechemminaꞌone; tunebaani woyinee uyoon uyaachemminaꞌone” iye.