Erimiyaasi 12:3 - Kafa Linguistics Project

³ Tunebaani Doono Yeero, taan ariibeeto neene; taan beeggaabeeto neene; neech ta gabii beeton boshaabeeto neene; basheyemmi bageenaꞌochoommon boonoshin geechi daambe; bashee aaboobich boonoshin bariree kotiibe.

Erimiyaasi 12:3 ပူးပေါင်းရင်းမြစ်များ

2 Taateenaꞌo 20:3

“Doono Yeero, gibeneeto ta tunoon, ceeni ta mulloona neech ta maddoon, ne aafooch gaawe mooyon ta tuniyoonoo and ne shalligemmoyich neen qollehoye” iye; girgittiinoo eeppiye.

1 Kiinoo 29:17

Ta Nuggishoocho, mulloon haattaabeeto ne tunoonaa kaamittinoon shunnaabeeto ne tunoonon ariyaabeeto taane. Tawoo ebi bullin ta immeto gaawe daaggoonaa kaame mulloonane. Andoo hiniich beeti ne asheenaꞌo gaawe boonoshi daaggoona emiroona boonoshi imon beeggeto taane.

Iyoobi 23:10

Tunetaa bi ta shaaddoon ariihe; taan bi phiretoyee gubb, aachoochoommon aaxxemmo taane.

Shoddo 11:5

Doono Yeeri cadiqe ashoonaa gonde ashoonon phiree beeggii beetone; tunebaani xuꞌoon shunnii beeton shixxiye.

Shoddo 139:23

Yeero, taan bosheree ta mulloonoo beege; taan phireree ta gaboonoo ariibe.

Shoddo 17:3

Ta mulloon beeggehine; xumoon ta waan waahine; taanoo phiree beeggehine; ta waanee gondoon daneyaano neene; ta heciyoo muricaanoone.

Shoddo 26:1

Doono Yeero, ta shaaddo kaamoo bi tunetoyich, taach nallibe. Okk hach getaanoon Doono Yeeri neen gibeneto taane.

Shoddo 7:9

Gaboonaa mulloonon ariyaabeeti cadiqe Nuggishoocho, gonde asheenaꞌon gonde shuunoon shuunoochee baye; tunebaani cadiqeenaꞌo manji neexemmoyich tuniibe.

Erimiyaasi 15:15

Tawoo ishichiyo: “Doono Yeero, ne ariibeeto neene; taan gabibe; gaacheshoo gete! Taan yookkii beetinaꞌo toommooch nichoon kichibe; ne haaꞌiyoon meechoona ta etteenaꞌo taan aalliyemmoyich tuniyaahine; neecha iyaꞌa naagoon ta haaꞌiyoon ariibe.

Erimiyaasi 17:16

Qiddoo tuneꞌi neech maddoochee gubb ikaano taane; xuuxee yemeeno boonoshi toommooch woyemmoyich qaataano taane; ebin ne ariyaabeeto neene; ta noonoochee kechito ne aafooch arichetone.

Erimiyaasi 17:18

Taan yookkii beetinaꞌo yeellebeete; tunebaani ta yeellayone; boonoshi keqqibeete; tunebaani ta keqqaayone; gonde aaboon boonoshi toommooch deebe; wochi wochishoo boonoshin aalliibe.

Erimiyaasi 20:12

Cadiqe ashoon phiree beeggaabeeti, mulloonaa gaboonon ciinnaabeeti, Beshe Mawe Doono Yeero! Ta taggoon neech ta waayiitoyich boonoshi toommooch nichoon ne kichoon beegone.

Erimiyaasi 48:15

Moꞌabi tiishetone; bi katemeenaꞌo kochee aalletinaꞌone; kaacceti boonoshi gurimaasheenaꞌoo guureya kinditinaꞌone” iye bi shigo Beshe Mawe Doono Yeeri getteebeeti Taatoo.

Erimiyaasi 50:27

Bi gubbeneenaꞌo bullin guuribote; guuree xaaꞌooch desh kindibeete; boonoshi naxeyemmi yemeeno, boonoshi aabo shaggitoyich boonoshich woowo!

Erimiyaasi 51:4

Boonoshiyoo bi gaddoochaa guureeree, bi gommoochaanoo mayeree dihemminaꞌone.

Yowannisi 21:17

Keejjinnoon “Yoonichi bushoo Simoono, taan shunnenne?” iꞌi echehe. Keejjinnoon “Taan shunnenne?” iꞌi bi echetoyich, Pheexiroosi ayiniꞌi, “Ta Doonocho, bullin ariibeeto neene; neen ta shunon ne ariibeeto neene” iye. Yesuusiyoo “Ta bageenaꞌon qiddebe.

Yaaqobi 5:5

Showee toommooch mashaamiti beemonaa emiroona beemoyich ittoshi qaatoon ceechito ittoshine. Gubb bi bashemmi maaꞌoon asho aangiyoommon, ebiyoommon ittoshi ashittinoon aangiito ittoshine.

2 Pheexiroosi 2:12

Ebi are asheenaꞌo boonoshi ariyaani mooyoyich naagee beetinaꞌone; olletaa aalloyich shiijjeti, boonoshi halloona shalligoon hakkaani kubbi cooxoomminaꞌone; kubbi cooxinaꞌoo olletaa aalloommon ebiyoommon aallemminaꞌone.