Erimiyaasi 11:4 - Kafa Linguistics Project

⁴ ebiyoo boonoshi qaabbechinaꞌon Gibitsee, xuuroo wocciibeeti gemmoochee ta kichiyooba, “Ta qaaroon waayebote; ittoshich ta getteto bullin tuniibote; ebi tunegaata, ittoshi ta ashoon tunemmo ittoshine; tawoo ittoshi Nuggishoo tunemmo taane” iyaꞌa ta gettetone.

Erimiyaasi 11:4 ပူးပေါင်းရင်းမြစ်များ

Yibbaatoo 4:20

Tunebaani ittoshi and ebi ittoshich bi tunetoommon bi hajjee ashoon ittoshi tunemmoyich, ittoshi Nuggishoo Doono Yeeri xuuroon wociibeeti qaaqqee sheelloommi Gibitsee ittoshin kichiꞌi deebitone.

Leweenaꞌo 26:12

Ittoshi daggooch beeyemmo taane; ittoshichoo Nuggishoo tunemmo taane; ittoshiyoo ta asho tunemmo ittoshine.

2 Qorontoosi 6:16

Yeerichi yaafee kexonaa shahalloonoyich amee danittino beete? No, beeyechi Yeerichi yaafee kexo noone; Yeeri ishichiye: “Boonoshina tookki beeyemmo taane; boonoshi daggooch shaꞌemmo taane; boonoshi Nuggishoo tunemmo taane; boonoshiyoo ta macceenaꞌo tunemminaꞌone” iye.

Zakaariyaasi 8:8

Yerusaalem boonoshi beeyemmoyich boonoshin wochi deebemmo taane. Boonoshiyoo ta asheenaꞌo tunemminaꞌone; tawoo gibeneeti, cadiqe boonoshi Nuggishoo tunemmo taane” iye.

Erimiyaasi 24:7

Ta, Doono Yeeri ta tunoon ariyemmi mulloon boonoshich immemmo taane; boonoshi ceeni mulloona ta waan wottemminaꞌo boonoshi tunetoyich, ta asheenaꞌon tunemminaꞌone; tawoo boonoshich Nuggishoo tunemmo taane.

1 Taateenaꞌo 8:51

Xuuroon wociibeeti qaaqqee sheelloommi Gibitsee ne kichiti ne hajjee asheenaꞌone.

Zakaariyaasi 13:9

Ebi ikke beeroon qaaqqooch deebemmo taane; birewoon ukkoommon ukkiree boonoshin xalliyemmo taane; aachoon ukkoommonoo ukkiree boonoshin haattemmo taane. Boonoshiyoo ta waan corootemminaꞌone; tawoo boonoshi corootoon waayemmo taane. Boonoshin, ‘Ta asheenaꞌone’ gettemmo taane; boonoshiyoo ‘Doono Yeeri, no Nuggishoone’ gettemminaꞌone” iye.

Hiziqeeli 37:23

Ebiyee bekk boonoshi nuggisheenaꞌona, ciigiiti boonoshi mooyona, boonoshi xuꞌoonoo boonoshi qelloon eeꞌiyaachemminaꞌone. Taan qayona boonoshi shuuneti axaaxoochee boonoshin wodiyemmo taane; boonoshin xalliyemmo taane; ta asheenaꞌon tunemminaꞌone; tawoo boonoshi Nuggishoon tunemmo taane.

Hiziqeeli 36:28

Ittoshi qaabbechinaꞌoyich ta immeti showooch beeyemmo ittoshine; ta ashoon tunemmo ittoshine; tawoo ittoshi Nuggishoo tunemmo taane.

Hiziqeeli 14:11

Ebiyoo Israꞌeelee macceenaꞌo wotta tayee wohiree boonoshi muricaachemmonaa boonoshi axaaxoo bullina boonoshi eeꞌeyaachemmonoyichiye. Ebiyoo, boonoshiyoo taach maccoo boono tunemmoyich, tawoo boonoshich Nuggishoo ta tunemmoyichiye” iye Nuggishoo Doono Yeeri.

Hiziqeeli 11:20

Ebich ta qociyoommona shaaddemminaꞌone; ta getonoo quyemminaꞌone; aroyichoo deꞌa gettemminaꞌone; boonoshiyoo ta asheenaꞌon tunemminaꞌone; tawoo boonoshi Nuggishoon tunemmo taane.

Erimiyaasi 30:22

Ittoshi ta ashoon tunemmo ittoshine; ta ittoshi Nuggishoon tunemmo taane” iye.

Erimiyaasi 26:13

Andoo ittoshi gommonaa ittoshi shuunoonon gaawichibote; ittoshi Nuggishoo Doono Yeerichi qaaroon waayebote; Doono Yeeri ittoshi toommooch tuniiya bi iti gonde mooyon qajjemmone.

Yibbaatoo 11:27

Diiroo ittoshich bi tunemmo, hanaach ittoshich ta gettaabeeti, ittoshi Nuggishoo Doono Yeerichi getoon ittoshi ceechi gaatane.

Leweenaꞌo 26:3

“ ‘Ta qociiti qociyoona ittoshi beegaata, ta geteenaꞌonoo manjii ittoshi quyegaata,

Halloo 17:8

Ebi and dallaawoo tunaꞌa ne beeti Kanaanee showoo bullin, bulli yemeenoon ittoshi hajjoo bi tunemmoyich, neennaa neyee gubbi ne shiijjereenaꞌonoyich immemmo taane; boonoshichoo Nuggishoo tunemmo taane” iye.

Hibireena'o 5:9

Ebi bullin bi ceechitoyee gubb, biich deꞌa ii beeto bullich, bulli yemeenee wodoon immiibeeto tunetone.

Zakaariyaasi 6:15

Wohooch beetinaꞌo waaree Doono Yeerichi yaafee kechi shuunoon gaachemminaꞌone. Beshe Mawe Doono Yeeri taan wocheto bi tunoon ebiyooba ariyemo ittoshine. Ittoshi Nuggishoo Doono Yeerichi qaaroyich mulloochee tiijjiꞌi deꞌa ittoshi getigaata ebi tunemmone” iye.

Hiziqeeli 37:27

Ta beeyi xaaꞌoo boonoshina tookki tunemmone; ta boonoshi Nuggishoon tunemmo taane; boonoshiyoo taach ta asheenaꞌon tunemminaꞌone.

Erimiyaasi 32:28

Ebich Doono Yeeri ta, ishichiyoye: Hini katemoon Baabloonee asheenaꞌo kishoonaa Baabloonee taatoo Nabukadinatsorichi kishoonooch beshiiree immemmo taane; biyoo koyi yechemmone.

Isiyaasi 48:10

Birewoon ukkoommon tuneyaanoon, iritee qaaqqoona ittoshin haattito taane; xuuxee sheelloona ittoshin haattito taane.

1 Saameeli 15:22

Saameeliyoo ishichiye: “Doono Yeeri bi qaaroyich deꞌa getona bi emiroommon, deejjoonaa buuroonon giddiyoona emirehe? Iberoon biich deꞌa geto deejjoon deejjoyee, bi getoon waayoo bagee baaddoochi awuyon deejjoyee beshoone.

Keyo 20:6

Tunebaani taan shunnii beetinaꞌonaa ta getoon quyee beetinaꞌonoyich, hume shiijjerooch beddaahaa ta shoodoon bekkiibeeto taane.

Isiyaasi 30:6

Negeeb beeti cooxinaꞌochon Doono Yeer waanee getteeti wocho ebine: “Daahereenaa daaheroona, xekereenaa awureebeeti dingeroona beeti iritee showoonaa xuuxee showoonon besheree, boonoshi gaannoon kuree toommooch, boonoshi yaaphoon gaalee toommooch xaaniree boonoshich gaacaani asheenaꞌo waan hammemminaꞌone.

Erimiyaasi 11:7

ittoshi qaabbechinaꞌon Gibitsee ta kichitoochee tiijjii hanaach beddaahaa “Taach deꞌa getote” iyaꞌa wochii wochii kupphii gettehoye;

Erimiyaasi 38:20

Erimiyaasi ishichiye: “Boonoshich beshiitaa icheyaachemmo neene; neech ta gettemmi Doono Yeerichi qaaroyich deꞌa gete; neech diggoo tunemmone; ne kasho muriccemmone.

Daaneeli 3:26

Nabukadinatsoriyoo qaaqqee sheellee kellooch giddeꞌi, “Beshe Nuggishoo Yeeri guuno tuneti Sidiraaq, Misaaq, Abidinago! Waa keyote; hach wobote” iye. Boonoshiyoo kechiyeete.

Yibbaatoo 5:6

‘Gibitsee showeexi guuchittinoochee kichaꞌa neen deebeti ne Nuggishoo Doono Yeeri taane.

2 Taateenaꞌo 18:6

Doono Yeerich gibeneeton tunehe. Biin dabboochee gubb wotteyaanoone. Doono Yeeri Muusich gettiti geteenaꞌon quyehe.