Efesooni 6:9 - Kafa Linguistics Project

⁹ Dooninaꞌote, miichoon qayiichi, ittoshi guuninaꞌoyich ebiyoommi mooyon tuniibote. Boonoshinaa ittoshinon hajjiibeeti Doono shimaajj bi beemon, ashoon heppaanoon nalliibeeto bi tunoonoo ariibeeto ittoshine.

Efesooni 6:9 ပူးပေါင်းရင်းမြစ်များ

Nehimi 5:5

Andoo no maneenaꞌonaa noonna ikke meenonaa damoonon no tunetaa, no bushiisheenaꞌo boonoshi bushiishoomminaꞌo boonoshi tunetaanoona, ebiyoche no bushiisheenaꞌon guunonaa gonneena boonoshi tunemmoyich immaabeeto noone; no maache bushiisheenaꞌoocheenoo gonnee tunetinaꞌo beetinaꞌone. Bare asheenaꞌo no showoonaa no woyinee goyoonon boonoshi yechitoyich, hakka guutoon tuneto noone” ii beeheete.

Iyoobi 34:19

Bullin hallito bi, bi tunetoyich, Yeeri iraasheenaꞌo waan gaꞌeyaache; gaannechon girechoyee beshiiꞌi ciinaache.

Shoddo 140:12

Doono Yeeri girechoyich nalliibeeto, xukketinaꞌoyichoo neexeebeeto, bi tunoon ariihoye.

Dojjecho 5:8

Ikke showoochaa girecho xukketaa, dayinnetaalloon bi toommooch nalleeꞌi neexaa hajjee bi beetaa ne beegigaata, ebi mooyona worganeyaahine! Iraashoyich biin quyeebeeti, biyee dambee iraashoo beetone; wotta eboshich boonoshin quyeebeeti, boonoshiyee damboo tuneti bare iraashoo beetone.

Isiyaasi 47:6

Ta asheenaꞌon kaarehoye; boonoshin ne kishooch beshiyaa imona, ta hajjee asheenaꞌo giishemmoyich tuniihoye; newoo boonoshich ariqqeyaane neene; geeneenaꞌo toommooch waanjoon maggiihine.

Daaneeli 3:15

Andoo xurumbee qaaroon, tiree qaaroon, shumburee qaaroon, giishi ximbee qaaroon, ooge ximbee qaaroon, ebi duubbi qiiceenaꞌo bullichi qaaroon ittoshi waayemmona, ta neechiti misiloyich baroona guuferee goyinneya ittoshi qannigaata, gaawiye. Goyinno ittoshi qayigaata, aaxxeebeeti qaaqqee sheellooch bekkech duppeyemmo ittoshine. Ta kishoochee ittoshin wodiyemmi nuggishoo, konine?” iye.

Daaneeli 3:6

Baroona guufeꞌi goyinneyaano koniyoona bi beegaata, aaxxeebeeti qaaqqee sheellooch bekkech duppeyemmone’ itone” iye.

Leweenaꞌo 19:13

“ ‘Neenoommi ne manoon xuqqaahine. Biin boggaahine. “ ‘Shuunoon ne shuuniiti ashi caajjee gatiyoon qocaanoon qeejjiyaahine.

Milikiyaasi 3:5

“Ittoshi toommooch nalliya, ittoshi waan woyemmo taane; iicechinaꞌochi, shunimaayeenaꞌochi, kootoon wogee beetinaꞌochi, shuunechinaꞌochi shumaayoon bajjii beetinaꞌochi, xuumeenaꞌonaa nihaalleenaꞌonon xuqqii beetinaꞌochi, shiqqoon shiqqii beetinaꞌonaa taan shataaneenaꞌonochi toommooch nallemmo taane” iye Beshe Mawe Doono Yeeri.

Maatiyoosi 22:10

Ebina are wocheyechinaꞌo gommooch kechiꞌi boonoshi daneto bullin, gondeenaꞌonoo, deꞌeenaꞌonoo kiciyeete; gaaree kexooch gaarechinaꞌo ceenniyeete.

Maatiyoosi 22:8

“Ebiyee gubb, taatoo bare wocheyechinaꞌoyich ishichiye: ‘Gaaree gifiroo qannitone; tunetaa ceekkeetinaꞌo bedditinaꞌo tuneyaaneenaꞌone.

Maatiyoosi 24:48

Tunetaa are gonde wochee bushoo ‘Ta doono kaate wotteyaachemmone; yagemmone’ ii bi mulloona gabiꞌi,

Maatiyoosi 24:51

Biin yeshiree gutte beera gaakkemmone; bi ixoonoo kaamoo shaahiibeeti xummeenaꞌochi ixooch haddemmone. Aroochaa eefonaa gashee qaayona tunemmone” iye.

Maatiyoosi 7:12

Ebich ‘Asho taach tuniibe’ iꞌi ittoshi shunniibeeto bullin, ittoshiyoo wotta ebiyoommon bare ashich tuniibote. Ebin tuniyoona Muusichi Sheeroonaa keemechinaꞌona dojjiton ceechemmo ittoshine” iye.

Luqaasi 6:31

‘Asho taach tuniibe’ iꞌi ittoshi shunnii beetoommon, ittoshiyoo wotta ebiyoommon bare ashoyich tuniibote.

Yowannisi 13:13

Ittoshi taan ‘Dojjechone, Doonone’ ii beetote; eeha taane. Ebich ittoshi gettito iberoone.

Mishiraachechinaꞌo 10:34

Aree hillooch Pheexiroosi yibbaateya tiyiꞌi, “Iberoone; Yeeri ashoon beshaa shappiiꞌi heppee bi qayon ta mulloona ariito taane;

Roomi 2:11

Ebiyoo Yeeri ashi aafoon ciinniꞌi heppaano bi tunetoyichiye.

1 Qorontoosi 1:2

Qorontoos beeti Yeerichi kittinnee guuphoyich, Kiristoos Yesuusina Yeeri yaafitinaꞌonoyich, wotta noonnaa boonoshinoyich Doono tuneti no Doono Yesuus Kiristoosichi shigoon xaaꞌoo bullichaa ceeggii beetinaꞌo bullina tookkii yaafeenaꞌo tunoyich ceekketinaꞌoyich:

1 Qorontoosi 7:22

Guuchittinooch beechii ceekketo, Doono Yesuus Kiristoosina guuchittinoochee kechitone; ebiyoommon wotta guuchittinoyich hajjeyaan beechii ceekketo Kiristoosichi guunone.

Yibbaatoo 10:17

Ittoshi Nuggishoo Doono Yeeri, nuggisheenaꞌochi Nuggishoonaa dooninaꞌochi Doononane. Biyoo giidecho, hakkechonaa shattiitona tuneti Nuggishoone. Ashoon barbariiꞌi heppaache; xuccoonoo maataache.

Qolaasiyaasi 3:25

Yeeri ashoon ciinniꞌi heppaache; ebich xuqqiibeeto bullich bi xuꞌee gaacoon qoccemmone.

Qolaasiyaasi 4:1

Dooninaꞌote, ittoshi wotta shimaayooch Doono ittoshich beemon ariiree, ittoshi guuninaꞌoyich kaamoonaa tate mooyonon tuniibote.

Yaaqobi 2:13

Yeeri bi nallemmi aabooba ashoon maaraani ashi toommooch maaraalli nalloon nallemmone; maaroo nallee toommooch giidemmone.

Yaaqobi 2:8

Yaafe Macaafoochaa “Neenoommi ne manoon neenna tachiree shune” ii beeti Taatoo Yeerichi sheeroon ittoshi ceechigaata, gaaweton shuuneebeeto ittoshine.

Yaaqobi 5:4

Ittoshi maayoon qecciti shuunechinaꞌochi shumaayoon bajjii boggito ittoshine. Ittoshi toommooch boonoshi cookii beeton eke elebote. Ebi ittoshi maayoon qeccii beetinaꞌochi qaaroon Beshe Mawe Doono Yeeri waayetone.

1 Saameeli 15:17

Saameeliyoo ishichiye: “Ne qelloon wochaꞌa ne qallayitaanona, Israꞌeelee yoodeenaꞌo toommooch iraashoo tuneto neene. Doono Yeeri Israꞌeelee taatoo ne tunemmoyich neen huuttitone.