Efesooni 6:20 - Kafa Linguistics Project

²⁰ And cuyee kexooch cuchaꞌa beeto ta tunetaanoona, hini mishiraachee qaaroon getoyich Doono Yesuus Kiristoosina wocheeti yakkirecho taane; ebich biichon geto taach qaawii beetoommon aafee kupphoona ta gettemmoyich corootibote.

Efesooni 6:20 ပူးပေါင်းရင်းမြစ်များ

Shaahiyoo 13:17

Gibeneyaani wocheyecho iritoon deebiye; tunebaani gibeneeti wocheyecho wodoon deebiye.

Isiyaasi 33:7

Ebiyoche, ginee anaaminaꞌo gommoochaa cookiyeete; diggee wocheyechinaꞌo tiittee eeppiyeete.

Isiyaasi 58:1

Doono Yeeri ishichiye: “Ne qaaroon qoophaanoon oogiiree cookibe; ne qaaroo shametoochoommon sharaalliibe; ta asheenaꞌoyich boonoshi xuꞌoon, Yaaqobichi yareenaꞌoyich boonoshi axaaxoon gete.

Erimiyaasi 1:17

Tunebaani ne, ne shimetoon cuyebe; tiyi hamiree, neech ta getteto bullin boonoshich gete; boonoshin shattaahine; ne shatigaata, beshoon boonoshich ne shattemmoyich tuniyemmo taane.

Erimiyaasi 40:1

Yerusaaleminaa Yihudee showoonoochee Baabloonee showooch kecaa hammii beetinaꞌona tookkii sansalatoona biin cuchii bi daamiyooba, quyee naayinaꞌochi iraashoo Naabuzaridaani Raamaa Erimiyaasin bi biichitoyee gubb, Doono Yeeri bi qaaroona Erimiyaasich gettiye.

Mishiraachechinaꞌo 21:33

Aroochee hume ginee iraashoo giddee Phawuloosin yechiꞌi, gutte sansalatoona bi cucheyemmoyich gettiye; aroochee are uro koni bi gaata, wotta amooni bi hallito gaatoo echehe.

Mishiraachechinaꞌo 26:29

Phawuloosi wochiꞌi, “Genjebe, qamine, ne ikkeeto tuneyaanoon, hanaach ta noonoochee waayee beetinaꞌo bulli, hini ta cucheyoyee damba, mooyo bullina taanoommon boonoshi tunemmoyich, Yeerin qollaabeeto taane” iye.

Mishiraachechinaꞌo 28:20

And ittoshin ta ceekkiito, ittoshin beegonaa ebin getonoyichiye; hini sansalatoona ta cucheto, Yeeri Israꞌeeleenaꞌoyich bi gibenikkiti gibenee naboonane” iye.

Mishiraachechinaꞌo 28:31

Koniyoona biin bayaanoon Yeerichi taatittineechon gettiibee, aafoon kuppheꞌi Doono Yesuus Kiristoosichon dojjii beehe.

Mishiraachechinaꞌo 5:29

Pheexiroosinaa bare mishiraachechinaꞌona wochiꞌi ishichiyeete: “Ashich deꞌa no getoyee Yeerich deꞌa no geto tunibede mooyone.

2 Qorontoosi 3:12

Illa ebiyoommi gibeno nooch beetoyich, aafoon kuppheꞌi getoyich shataachone.

2 Qorontoosi 5:20

Illa Yeeri no waanaa bi shoobbii beetoommon, Kiristoosichon getoyich wocheeti yakkirecho noone. “Yeerina tookki shunebote” iyaꞌa Kiristoosichi yakkirecho tunaꞌa ittoshin qollaabeeto noone.

Efesooni 3:1

Ebich ta Phawuloosi, Kiristoos Yesuusicho ta tunetoyich ta cucheto Aageteenaꞌo ittoshicha iiniye.

Efesooni 4:1

Illa Doono Yesuusichi maddecho ta tunetoyich, cuchaꞌa beeti ta, Kiristoosi toommooch mulloon ittoshi tooꞌiyemmoyich Yeeri ittoshin bi ceegiyooba bi gettitoommon, mooyo bullina biin emirikkiya biich bedditon tuneree ittoshi beeyemmoyich ittoshin qollaabeeto taane.

Efesooni 6:19

Wotta mishiraachee qaaree maacee mooyon aafee kupphoona getoyich ta noonoon ta qechaa qaaroon taach Yeeri immemmoyich qollebote.

Filipphisiyoosi 1:20

Kashoona ta beemo Kiristoosichiye; ta qitenoo gaacechi mooyone. Ebich kashoona ta beetaa woyee ta qititaa, ikke mooyonona yeelleyaanoon aafoon kupphaꞌa gettaabee ebiyee aafichoommon andoo wotta ta tuniyaabeeti mooyo bullina Kiristoosin oogiyoo ta qaatoonaa ta gibenoonane.

Filipphisiyoosi 1:7

And cuyee kexooch cuchaꞌa ta beetaa, wotta mishiraachee qaaree iberoyich taggaa, aroonoo manjii ta beetaa, ittoshi bulli ebi shuunoyich taanna tookkii Yeerichi wojjee qoodeyecho ittoshi tunetoyich ta mulloochee batteyaachote. Ebichoo ebi ittoshi bullichon ta gaboo tatoone.

Qolaasiyaasi 4:3

Yeerichi qaaroon ta getti naboonane and cuyee kexooch cuchaꞌa ta beeto; ebich ittoshi corootii beegaata, Kiristoosichi qaaree maacee mooyon gaxxi no gettemmi bi qaaree kelloon Yeeri qechemmoyich, noochoo corootibote.

Qolaasiyaasi 4:4

Wotta ta getti bedoommon xallayiree geton ta hakkemmoyich taachoo corootibote.

1 Tasaloonqi 2:2

Ittoshi waan no womoyee shiichaꞌa Filipphisiyoosaa wodde xuuxoon no beegonaa no naakkeyoonon ariibeeto ittoshine; kupphe qiicco no toommooch bi shaggitaanona, Yeeri immiti mishiraachoon ittoshich no gettemmoyich no Nuggishoo no waanee shaton bi wokkiitaa aafoon kuppheto noone.

2 Ximootiyoosi 1:16

Doono Yesuusi Honesifoori kechi asheenaꞌoyich deꞌoon wojjibe. Bi, meeti aaboonoo taan kupphiitone; ta cuchoyichoo yeelleyaanoone.

2 Ximootiyoosi 2:9

Hini mishiraachee qaaroon ashich ta gettetoyich gondoon shuunetochoommon ta cuchemmi wottoon xuuxoon beeggaabeeto taane; tunebaani Yeerichi qaaro cucheyaachemmone.

Filimooni 1:10

Hini cuyee kexooch beechaa ta shiyeti ta bushoo Anaasimoosichon neen qollaabeeto taane.

Filimooni 1:9

geeno tuneti ta Phawuloosi, andoo wotta Kiristoos Yesuusichi qaaroon ta getti naboona cucheto, neen ta shunnaa beetoyich neen qollehoye.

1 Yowannisi 3:16

Kiristoosi no keroyich bi kashoon beshiiꞌi immitone; ebina ashoon shuno amo gaata beeggeto noone. Ebich, no maneenaꞌochi keroyich no kashoon beshiiꞌi imo nooch qaawiihe.

Yihudi 1:3

Ta shunechinaꞌote! No qoodeebeeti wodeechon ittoshich kooroyich oogeti gabee toommooch beechaa, Yeeri yaafeenaꞌoyich ikke wottoon bi immiti, shaddeyaani gibenoyich ittoshi qiiccemmoyich, ittoshin ciicciibee kooroo taach qaawiibeeto tuneꞌi bekkehe.