Efesooni 6:18 - Kafa Linguistics Project

¹⁸ Yeerin qollebee bulli aaboon Yaafe Ayaano immiibeeti hakkoona corootibote. Ebi gaboonoo yaafeenaꞌo bullich Yeerin qollebee qaalliree corootoona kupphebote.

Efesooni 6:18 ပူးပေါင်းရင်းမြစ်များ

1 Taateenaꞌo 8:52

“Andoo ne guuno taannaa ne asheenaꞌo tuneti Israꞌeeleenaꞌona qollaabeeti qollo waan ne aafoon wochibe; ne waan boonoshi cookimmi aabo bulliich boonoshi cookoon waayebe.

1 Taateenaꞌo 8:54

Solomooni ebi bulli corootoonaa qolloonon Doono Yeerich giddii bi ciichitoyee gubb, bi kishoon shimaayooch yaggiꞌi bi guteneti, Doono Yeerichi deejjee gudee aafoochee tiyiye.

1 Taateenaꞌo 8:59

Bi guuno taannaa bi asheenaꞌo tuneti Israꞌeeleenaꞌonon qemi qemona qaawiibeeti mooyo bullina bi gaachemmoyich, hini Doono Yeer waan ta giddiiti ta qollo xumoonaa areddoonon Doono Yeeri aafoochaa gabeebe.

1 Taateenaꞌo 9:3

Doono Yeeriyoo biich ishichiye: “Ta aafooch ne giddiiti corootoonaa qolloonon waayeto taane. Ta shigo arooch bulli yemeenoon bi beeyemmoyich ne shuuneti hini kexon yaafito taane. Ta mulloonaa ta aafoona bulli yemeenoon arooch tunemmone.

Asteeri 4:8

Mordokiyoosi daakkiꞌi, Ayihudeenaꞌo wuxaa aallemmoyich Suusaa getteeti awaajjo kooreeti koorichoochee ikkoon immiye. Asteerich daami bi bekkiyemmonaa mooyon biich bi gettemmonoyich gettiye. Wotta “ ‘Taatoo waan giyiree, ne asheenaꞌochon qolle maaggebe’ gete” iye.

Iyoobi 27:10

Beshe Hakkechi Yeerina emirehe? Bulli aaboon Yeer waan corootehe?

Shoddo 4:1

Cadiqe ta Nuggishoo Yeero, ta qollegaata taach wochibe; xuuxaa ta beehooba taan gaachehine; taach ariqqebe; ta corootoon waayebe.

Shoddo 6:9

Doono Yeeri ta qolloon waayetone; Doono Yeeri ta corootoon deqqitone.

Isiyaasi 26:16

Doono Yeero, ne asheenaꞌo boonoshi xuuxehooba neen qaawiyeete; boonoshin ne sheeriyooboo shaashikkoona ne waan corootiyeete.

Daaneeli 6:10

Daaneeli ebi awaajjo kooreeti koorichee toommooch malletoo geddeyoon bi ariihooba, bi kexooch hammiꞌi, mallee kello Yerusaalem waan qecheebeeti kechi toommeexi bi kexoochaa, bulli aaboon bi tunii beetoommon, heeyooch keejje wottoon guteneꞌi bi Nuggishoo Yeer waan corootiye; biinoo galletehe.

Daaneeli 9:20

Tawoo corootii ta beetaa, ta axaaxoonaa ta asheenaꞌo tuneti Israꞌeeleenaꞌo axaaxoonon aannii ta beetaa, bi yaafe geppoochon ta Nuggishoo Doono Yeerin qollaabee

Hosee'i 12:4

Maraakoona tookkii qiicceꞌinoo beshiye. Diiroon danoyich eeppiꞌi qollehe. Beeteelaa Yeerina danehe. Aroochaanoo Yeeri biinna yibbaatehe.

Zakaariyaasi 12:10

“Daawitichi yareenaꞌonaa Yerusaalem beetinaꞌonochi toommooch ariqqee ayaanoonaa corootee ayaanoonon ta ukkaa, boonoshi kochiton boonoshi beegiyooba, ikke mixxe bi bushoyich asho eefoommon biich eeppemminaꞌone. Bi gutenee bushoyich asho tiittee eefoommon biich eeppemminaꞌone.

Maatiyoosi 17:21

[Coomii corootaanoon, ebiyoommi yinnoon yooho cir hakkeyaache]” iye.

Maatiyoosi 26:41

Gondoochi nihoo dawushooch ittoshi giyaachemmoyich, kuppheree quyebote; corootibote. Asho bi mulloona deꞌoon shuunoyich gabii beetone; tunetaa meenoyich yiingoo aalloone” iye.

Maariqoosi 13:33

Are aabo aata bi tunemmo gaata ariyaano ittoshine. Ebich qaalliree quyebote! [Corootibote!]

Maariqoosi 14:38

Daakkiꞌi, “Gondoochi nihoo dawushooch ittoshi giyaachemmoyich kuppheree quyebote; corootibote. Asho bi mulloona deꞌoon shuunoyich gabii beetone; tunetaa meenoyich yiingoo aalloone” iye.

Luqaasi 21:36

Illa hini shagg bedditi mooyoochee ittoshi muriccemmonaa Ashi Bushoo aafooch ittoshin neechemmi hakkoon ittoshi danemmonoyich corootibee, bulli aaboon qanniree quyebote” iye.

Luqaasi 22:46

“Amoyichiye ittoshi tokketeebeeto? Gondoochi nihoo dawushooch ittoshi giyaachemmoyich tiyiree corootibote” iye.

Luqaasi 3:26

Maati bushoo, Matatiyaasi bushoo, Semeeni bushoo, Yoseeki bushoo, Yoodi bushoo,

Luqaasi 3:37

Matusaali bushoo, Henooki bushoo, Yaareedi bushoo, Mahaleeli bushoo, Qenaani bushoo,

Mishiraachechinaꞌo 1:14

Eboshi bulli genneenaꞌonaa Yesuusichi indee Maariyamina tookkii, wotta Yesuusichi maneenaꞌona tookkii bulli aaboon ikkottee kiceeꞌi corootii beeheete.

Mishiraachechinaꞌo 10:2

Qorineloosi bi kechi asheenaꞌo bullina tookkii Yeerich qeyii beetone; biichoo hajjee beetone; iriteetinaꞌon oogichii gaacheebeeto, kuxaanoonoo Yeer waan corootii beeti uroone.

Mishiraachechinaꞌo 12:5

Ebichi naboona Pheexiroosi cuyee kexooch quyee beehe. Tunebaani arooba kittinnee guuphi asheenaꞌo kiceeꞌi biich Yeerin manjii qollee beeheete.

Mishiraachechinaꞌo 6:4

No, corootoonaa Yeerichi qaaroon dojjoonoyich no mulloon ikkochibone” iyeete.

Roomi 12:12

Gibeno ittoshich beetoyich emiribote; iritoon haaꞌiibote; corootoona kupphebote.

Roomi 8:15

Ittoshin bi bushoo tuniiti Ayaanoon ittoshich immiyalli, wochinnoon ittoshi shattemmoyich guuchittinee ayaanoon ittoshich imaanoone; ebich ebi are Ayaano noon yaabaa, Yeerin “Taabbo, ta Nihoocho!” iyaꞌa ceeggaabeeto noone.

Galaati 4:6

Ittoshiyoo Yeerichi bushiishoo ittoshi tunetoyich, “Taabbo, ta Nihoocho!” getiree ittoshi ceeggemmi bi Bushoochi Ayaanoon ittoshi mullooch deejjitone.

Efesooni 1:16

bulli aaboon ittoshi naboyich Yeerin galletaabeeto taane; ta corootaabeeti aabo bullin ittoshichon Yeerich shalligichaabeeto taane.

Efesooni 2:22

ittoshiyoo wotta biinna Yeeri bi Ayaanoona beeyemmi kexon tunoyich, bareenaꞌo bullina tookkii hakkeebeeto ittoshine.

Efesooni 3:8

Yaafeenaꞌo bulliyee desho taane; tunebaani koniyoona maqqiꞌi ariyoon hakkaani Kiristoosichi wojjeechon Aageteenaꞌoyich ta gettemmoyich, bullinoo halliti Yeeri wonnee yemeenoochee aacheeti, shuuneya bi gabiti mooyo amo gaata asho bullich gaxxi ta gettemmoyich, hini wojjoon taach immiye.

Efesooni 6:19

Wotta mishiraachee qaaree maacee mooyon aafee kupphoona getoyich ta noonoon ta qechaa qaaroon taach Yeeri immemmoyich qollebote.

Filipphisiyoosi 4:6

Mooyo bullich corootibee, maaggebee, galletebeeshoo, Yeeri aafooch ittoshi qolloon arichiibotalli, ikke mooyoyichona xuuxeyaahote.

Qolaasiyaasi 1:3

Shiichiꞌi ebi mishiraachee iberee wochoon ittoshi waayehooba, shimaajji kexooch ittoshich qanniti gibeneechi naboyich Kiristoos Yesuusi toommooch mulloon ittoshi tooꞌiyoonaa yaafeenaꞌo bullin ittoshi shunonon waayeto noone; ebich ittoshich Yeerin no qollaa beegaata, no Doono Yesuus Kiristoosichi Nihoo Yeerin bulli aaboon galletaabeeto noone.

Qolaasiyaasi 4:2

Yeerin galletebee qaalliree corootoona kupphebote.

1 Tasaloonqi 5:17

kuxaanoonoo corootibote;

1 Ximootiyoosi 2:1

Illa bulliyee shiichiree, Yeerin oogiibee, yaafeeti keqqaalli beemon diggoona no beeyemmoyich, asho bullich, taateenaꞌoyich, iraasheenaꞌonaa ukkireenaꞌo bullinoyich Yeerin ittoshi qollemmonaa corootemmonoyich, ittoshi maaggemmonaa galletemmonoyich boyaabeeto taane.

2 Ximootiyoosi 1:3

Ta qaabbechinaꞌochoommon axaaxoon tiyaareebeeti xalle mulloona ta goyinnaabeeti Yeerin ne naboyich galletaabee, xumoonaa areddoonon ta qollaa beegaata kuxaanoon neen gabaabeeto taane.

Hibireena'o 5:7

Yesuusiyoo hini showee toommooch bi beehooba, qitoochee biin wodiyoon hakkemmi Yeer waan oogeti cookoonaa acimoona corootoonaa qolloonon giddiihe; bi qelloon giishiiꞌi Yeerich bi hajjeetoyich, Yeeriyoo waayehe.

1 Pheexiroosi 4:7

And illa bulli moochi ciiro katinnitone. Ebich corootoon ittoshi hakkemmoyich ittoshi qelloon quyoona qaalliree beebote.

Yihudi 1:20

Tunebaani ta shunechinaꞌote! Ittoshiyoo bulliyee beshoon yaafeeti gommona Yeeri toommooch mullee tooꞌiyoona dico ittoshich bi daakkeyemmoyich, ittoshinaa ittoshina gaacheyoona kupphebote; Yaafe Ayaanoona yaabeeree corootibote.

1 Saameeli 1:12

Haanni kuxaanoon Doono Yeer waan corootaa bi beetaa, Eeli bi noonoon ciinnii beehe.