Efesooni 6:12 - Kafa Linguistics Project

¹² No koyaabeeto, shimaajji xaaꞌooch beeti yinnee ginechinaꞌona tookkaa, ukkireenaꞌonaa iraasheenaꞌona tookkaa, hini manderee yemeenooch asheenaꞌon hajjiibeeti gonde ayaaneenaꞌona tookkaanalli, ashoona tookkaa toonoone.

Efesooni 6:12 ပူးပေါင်းရင်းမြစ်များ

Iyoobi 2:2

Doono Yeeriyoo Sheexaanoon “Amoocheeniye ne waabeeto?” iꞌi echehe. Sheexaanoo Doono Yeerich wochiꞌi, “Showee toommooch guuddaꞌa okk hach, desh damba shaꞌoocheeniye” iye.

Maatiyoosi 16:17

Yesuusiyoo wochiꞌi ishichiye: “Yoonichi bushoo Simoono, ebin neech bekkiito shimaayooch beeti ta Nihoani asho toonoone; ebich diireeto neene.

Maariqoosi 4:19

hini showeexi beemon gaboo, gijjee shaawona dacheyoonaa baribare mooyon dakoona boonoshi mullooch naaxiꞌi boonoshi waayeti qaaroon maahe. Ebichi naboona aafeyaanoon dobbeꞌi echeheete.

Luqaasi 13:24

“Xebbe kelloona gimoyich qiiccebote. Ittoshich gettoye: Meetinaꞌo gimoyich qaawemminaꞌone; tunebaani hakkaacheete.

Luqaasi 22:53

Yaafee kexooch bulli aaboon ittoshina tookkaa ta beehooba taan yeshaano ittoshine; tunebaani and ebi ittoshi aaboonaa manderee taatoochi aaboonane” iye.

Yowannisi 12:31

And hini alemee toommooch nalloo kindiya bedditone; and hini alemoon hajjiibeeti taatoo maach yookkeyemmone.

Yowannisi 14:30

Hini alemoon hajjiibeeti taatoo waabeeto bi tunetoyich, ebiyee gubb, ittoshina tookki woddii yibbaateyaachemmo taane. Tunetaa aroo taan hajjoon hakkaachemmone.

Yowannisi 16:11

Nalleechonoo, alemoon hajjiibeeto toommooch nalloo kinditoyichiye.

Mishiraachechinaꞌo 26:18

Neen ta daachiibeeto, boonoshi aafoon qechiree manderoochee bekkooch, Sheexaanoyich hajjeyoochee Yeerich hajjeyooch ne wochemmoyichiye. Arooba boonoshi axaaxoyich maaroon danemminaꞌone; wotta ta toommooch mulloon tooꞌiyoona yaafeeti asheenaꞌo deqqemmi wojjooch boonoshi ixoo haddeyemmone’ iye.

Roomi 8:38

Qitoo bi tunetaa, kasho bi tunetaa, maraakeenaꞌoo boonoshi tunetaa, shimaajji iraasheenaꞌoo boonoshi tunetaa, and beeto bi tunetaa, gubb woyemmo bi tunetaa, shimaajji giideenaꞌo boonoshi tunetaa,

1 Qorontoosi 15:50

Ta maneenaꞌote! Ittoshich ta gettemmo ebiniye: Meenonaa damoonoochee halleeti ashittino Yeerichi taatittineen woraashaachemmone. Oqqemmi ashittino oꞌaachemmon woraashaachemmone.

2 Qorontoosi 11:14

Ebiyoo worganikkiti mooyo toonoone; Sheexaanolla bekkee maraakoon shaahiya bi qelloon shaddii beetone.

2 Qorontoosi 4:4

Hini alemoon hajjiibeeti gonde nuggishoo Kiristoosi toommooch mulloon tooꞌiyaaneenaꞌo Yeerichi shaahoo tuneti Kiristoosichi oogee yiiree mishiraachee qaaree bekkoon boonoshi beegaachemmoyich, boonoshi gaboon wolliihe.

Galaati 1:16

Aageteenaꞌo daggooch bi Bushoochi mishiraachee qaaroon ta gettemmoyich, bi Bushoon taanna bekkiiya bi qaawiyooba, arooba asho koninolla boyeyaano taane.

Efesooni 1:21

Kiristoosin arooch bi kotiito, taatittino bulliyee, iraashittino bulliyee, giidoo bulliyee, doonjittino bulliyee, wotta and hini showoochaa baach tuneyaanoon, gubb woyemmi showoochaa ceekkeebeeti shigo bulliyee besho tuniiꞌiniye.

Efesooni 1:3

Kiristoosicho no tunetoyich shimaajji xaaꞌooch beeti Ayaanee diiroo bullina noon diiriti, no Doono Yesuus Kiristoosichi Nuggishoonaa Nihoona tuneti Yeeri galleteebe.

Efesooni 2:2

Arooba hini alemee asheenaꞌo beeti beemoommon, Yeerich deꞌa getaani asheenaꞌo toommooch and shuuneebeeti ayaanee daaggoommonoo beehote. Ebi ayaanoo yongee toommooch beeti gonde ayaaneenaꞌon hajjiibeeti gonde iraashoone.

Efesooni 3:10

Bi gabiton and kittinnee guupho waanaa bi shuunetaa, meeti baribare bi shalligoon shimaajji xaaꞌooch beeti iraasheenaꞌonaa ukkireenaꞌona ariyemmoyichiye;

Qolaasiyaasi 1:13

Biyoo manderee taatoo kishoochee noon kichiye; bi shuni Bushoochi taatittineech noon giijjiye.

Qolaasiyaasi 2:15

Hini are masqalee toommoochaa Kiristoosi gondoochi iraasheenaꞌonaa ukkireenaꞌonon kochii wochiꞌi, boonoshi giidoon shootona bulli aafooch cooqqireetinaꞌon tuniihe.

2 Ximootiyoosi 2:5

Wotta qiiccee kaachiibeeto koniyoona qiiccee doyoon quyeꞌi qiicco bi qayigaata, naadee wojjoon daneyaache.

Hibireena'o 12:1

Illa ebi shaahe miixeenaꞌo quboochoommon no guudoona boonoshi beetoyich, no wotta shaago bullin, kaafi noon yechemmi axaaxoonoo wokkiibone; no mullee tooꞌiyee shimboonaa tuggoonon tuneti Yesuusin ciinibee, noyee aaf beeti gommon haaꞌiyoona wocone. Biyoo gubb bi danemmi emiroon ciinniꞌi, masqalee toommooch qitoo yeelliibeeto bi tunetaanoona, yeelleyaanoon bi haaꞌiitoyee gubb and Yeerichi taatee qeenooch qanne badd kotetone.

Hibireena'o 12:4

Damoon ittoshi ukkimmi wottoon axaaxoona tookkii batt qiicceyaano ittoshine.

1 Pheexiroosi 3:22

Yesuus Kiristoosiyoo damba shimaayooch kechiꞌi Yeerichi qanne badd beetone; arooch beeti maraakeenaꞌo, shimaayeexi ukkireenaꞌonaa giidechinaꞌo bullina biich hajjee beetinaꞌone.