Efesooni 6:11 - Kafa Linguistics Project

¹¹ Daabiloosichi dawushoon wochoo ittoshi hakkemmoyich, Yeeri ittoshich immiibeeti ginee qiico bullin cuyebote.

Efesooni 6:11 ပူးပေါင်းရင်းမြစ်များ

Nehimi 4:13

Ebich uxeree gubb waan, deshi qachi aahe xaaꞌooch boonoshi goraadoon, boonoshi ginoonaa boonoshi maꞌoonon yechiyaꞌa, asheenaꞌon boonoshi yaroona boonoshi yeshi yesh boonoshi neexemmoyich tuniiho.

Maariqoosi 13:22

‘Taane Kiristoosi’, wotta ‘Taane keemecho’ getibee muriciyemminaꞌo tiyemminaꞌone. Boonoshiyoo ‘Nooch bi hakkeegaata Yeeri kaaccitinaꞌon muriciibone’ getibee malletoonaa gaakkechi shuunoonon shuunemminaꞌone.

Roomi 13:12

Xumo beshetaa areddoo harii bekketoommone. Illa manderee shuunoon shooti dufiichi, bekkee ginee qiicoon cuyebone.

Roomi 13:14

Tunebaani Doono Yesuus Kiristoosin qoreddoochoommon tahebote; meeno qaatiibeeti mooyon ceechiya meenoyich gaboon qayote.

1 Qorontoosi 10:13

Ashi toommooch waabeeti qiiccoyee damba bare qiicco ittoshi toommooch waataanoone; ittoshi hakkoyee beshiti qiicco ittoshi toommooch bi woyemmoyich daaggaani Yeeri gibeneetone; qiiccee toommooch beebee qiiccoocheenoo ittoshi muriccemmi kelloon ittoshich qanniyemmone.

2 Qorontoosi 10:4

No koyee qiico hini alemeexo toonoone; tunebaani Yeer waanee daneebeeti giidoona mishigoon happoyich kupphoone.

2 Qorontoosi 11:3

Tunebaani dingero bi acona Hewaanin bi dawushoommon, diqqich ittoshi gaboo duubetaa Kiristoosich beeti ibere xalle ittoshi shunoon qajjemmo ittoshine iyaꞌa shattaabeeto taane.

2 Qorontoosi 2:11

Ebin ta tuniibeeto, Sheexaanoo noon bi dawushaachemmoyichiye; bi gabiibeeti gonde gaboon tuushaano noone.

2 Qorontoosi 4:4

Hini alemoon hajjiibeeti gonde nuggishoo Kiristoosi toommooch mulloon tooꞌiyaaneenaꞌo Yeerichi shaahoo tuneti Kiristoosichi oogee yiiree mishiraachee qaaree bekkoon boonoshi beegaachemmoyich, boonoshi gaboon wolliihe.

2 Qorontoosi 6:7

ibere yibbaatoona, Yeerichi hakkoona shuunoona, no qanne kishoonaa yooche kishoonooch ginee koyee qiicoommo tuneti cadiqoon yeshona, Yeerichi maddecho no tunoon bekkiibeeto noone.

Efesooni 4:14

Arooba acona muriciyoyich qanniti asheenaꞌochi dawushee naboona, yongoochoommon shaddeebeeti doyoona wullaawullebee aachi toommooch holliti kokeshoochoommon okk hach tegeggebee gubbich gaggere bushiishoon tuneyaachone.

Efesooni 4:24

Ibere cadiqittinoonaa yaafittinoona Yeerin shaahoyich halleeti andire ashoon tahebote.

Efesooni 6:13

Ebich gonde mooyo ittoshi toommooch bi shaggimmi aabooba, koyeree bullinoo wochiree, gubb kisheyaanoon neexoon ittoshi hakkemmoyich, Yeeri ittoshich immiibeeti ginee qiico bullin tiijji cuyebote.

Qolaasiyaasi 3:10

Ebi andire asho Yeeri bi hajjee shaahoon bi tunemmoyich, biinoo ariyooch bi beddemmoyich bi andiriibeeti ashoone.

1 Tasaloonqi 5:8

Tunebaani areddee asho no tunetoyich, mullee tooꞌiyoonaa shunoonon getee ginee tahoochoommon gediree, “Yeeri noon wodiyemmone” imi gibenoon xuuree ukoochoommon ukeree no qelloon quyoona beebone.

Hibireena'o 7:25

Biyoo boonoshicha iꞌi shoobba bulli aaboon kashoona beetone; ebich wotta bi waanaa Yeer waan giddee beetinaꞌon andoo bulli yemeenoonoo wodiyoon hakkiye.

Yaaqobi 4:7

Illa Yeerich hajjeebote; daabiloosinoo koyebote; biyoo ittoshi waanee wokkemmone.

1 Pheexiroosi 5:8

Ittoshi qelloon quyoona beebote; qaallibote. Ittoshi shixecho tuneti daabiloosi bi qooxxemmon qaawiꞌi, ciddiibeeti daaheroochoommon guuddii beetone.

Yihudi 1:24

Giinnii dihoochee ittoshin quyebee, bachaallo tuniiree bi oogee yiiree aafooch oogeti emiroona ittoshin neechoon hakkiibeeti,

Yaaꞌoo 12:9

Alemooch beeti asheenaꞌo bullin muricciibeeti daabiloosi woyee Sheexaanoo getteeti ooge dareboo, biyoo wonnee dingero, showee toommooch duppehe; bi hilleexi maraakkeenaꞌoo biinna tookkii duppeheete.

Yaaꞌoo 19:20

Cooxo yechehe; cooxo aafoochaa gaakkechi shuunoon bekkiibee, cooxochi malletoo geddetinaꞌon, biin shaahiitaa shuuneetoyich goyinnetinaꞌonoo muricciiti koote keemecho biinna tookkii yechehe. Gutteenaꞌoo kashoona beebee waageroo micciibeeti qaaqqee baharooch duppeheete.

Yaaꞌoo 2:24

Tunebaani ebi gonde doyoon dabbaani, ‘Sheexaanee maacee mooyo’ gettee beetonoo doyaani, Tiyaxiroon beeti ittoshi bullich ishichiyo: ‘Wottaa ta waammi wottoon ittoshich beeton manjiiree quyebote’ getoyee damba bare magge shaagoon ittoshi toommooch minjaache.