Efesooni 6:1 - Kafa Linguistics Project

¹ Bushiisheenaꞌote, Doono Yesuusicho ittoshi tunetoyich, ittoshi niheenaꞌonaa ittoshi indeenaꞌonoyich deꞌa getote. Ebiyoo ittoshi tuniiya bede mooyone.

Efesooni 6:1 ပူးပေါင်းရင်းမြစ်များ

Halloo 28:7

Yaaqobiyoo bi nihoonaa bi indeenochi getoon waayeꞌi, Mesopotaamee showooch bi hamonoo Esayi waayehe.

Halloo 37:13

Israꞌeeliyoo Yooseefich ishichiye: “Ne maneenaꞌo bageenaꞌonaa emmisheenaꞌonon Shekeemi gaꞌooch quyee beetinaꞌone. Ebich ne waataa boonoshi waan neen wochebona” iye. Yooseefiyoo deꞌa iye.

Halloo 48:12

Yooseefiyoo bi bushiishoon bi nihoo aafoochee badd wochiichii, baroona showooch guufeꞌi goyinnehe.

Halloo 50:12

Yaaqobi bushiisheenaꞌo boonoshi nihoo gettitoommon tuniiheete.

Nehimi 9:13

“Siini guudi toommooch kindihine; shimaayoochaanoo boonoshina tookkaa yibbaatehine; gaawe doyoonaa ibere sheeroonon, gaawe qociyoonaa getoonon boonoshich immehine.

Asteeri 2:20

Asteeriyoo Mordokiyoosi biich gettitoommon, Ayihudeche bi tunoon konichona kashaaneene. Ebin bi tuniito, Mordokiyoosi biin dichii beehooba, bushaabee biich deꞌa bi getoommon, andoo biich deꞌa iyaabeeti bi tunetoyichiye.

Iyoobi 33:27

Biyoo shoddebee asho bullich ishichemmone: ‘Ta, axaaxoon shuunaa, kaame mooyonoo xummiito taane; tunebaani taach tun bedoommon, Yeeri taan sheeraanoone.

Shoddo 119:128

Ebich ne geteenaꞌo bullin dabbiyoye; koote gommo bullinoo shixxehoye.

Shoddo 119:75

Doono Yeero, ne dayinneto tato bi tunoon ariyaabeeto taane; taan ne sheerito gibeneeto ne tunetoyichiye.

Shoddo 19:8

Doono Yeerichi doyoo kaamoone; mulloon emirikkiye; Doono Yeerichi geto xalloone; ashi aafoyich bekkoon immiye.

Shaahiyoo 1:8

Ta bushoocho, ne nihoochi ciicoon waayebe; ne indee dojjaa beetonoo qajjaahine.

Shaahiyoo 23:22

Neen shiyiti ne nihoochi ciicoon waayebe; neen shiyeti ne indee geenehooba biin hoxeyaahine.

Shaahiyoo 30:11

Boonoshi niheenaꞌon uppiibeeti, boonoshi indeenaꞌonoo diiraani shiijjereenaꞌo beetinaꞌone.

Shaahiyoo 30:17

Bi nihoon cooqqirii, bi indeechi getoonoo hoxeebeeto aafoon, bambeexi kurecheenaꞌo qoqenemminaꞌone; aakkeenaꞌo biin maayemminaꞌone.

Shaahiyoo 6:20

Ta bushoocho, ne nihoochi getoon waayebe; ne indee neech dojjitonoo batteyaahine.

Erimiyaasi 35:14

Rekaabichi bushoo Yonadaabichi yareenaꞌo uyoon boonoshi uyaachemmoyich bi gettito ceenniye; boonoshi qaabbechoyich deꞌa boonoshi itoyich hanaach beddaahaa uyaaneenaꞌone; ta ittoshich wochii wochii gettehoye; tunebaani waayeyaano ittoshine.

Erimiyaasi 35:18

Aroochee Erimiyaasi Rekaabichi Yareenaꞌoyich ishichiye: “Israꞌeelee Nuggishoo, Beshe Mawe Doono Yeeri ishichiye: ‘Ittoshi qaabbechi Yonadaabich deꞌa ittoshi itoyich, bi geto bullin ittoshi quyetoyich, ittoshich bi gettito bullinoo ittoshi ceechitoyich,

Erimiyaasi 35:8

Nowoo no qaabbechi Rekaabichi bushoo Yonadaabi nooch gettiti qaaro bullin ceechito noone; no, no mecheenaꞌoo, no anaami bushiisheenaꞌonaa no maache bushiisheenaꞌonoo no yemeeno bulliich woyinee uyoon uyaano noone;

Hosee'i 14:9

Ariyechi asho ebi mooyinaꞌon shalligibe. Shalligechoo ebi mooyinaꞌon ariibe. Doono Yeerichi gommo kaamoone; cadiqeenaꞌo aroona hammemminaꞌone; tunebaani axaaxechinaꞌo tepheeree dihemminaꞌone.

Leweenaꞌo 19:3

“ ‘Ittoshi daggoochee asho bi ikkikkoona bi indeenaa bi nihoonon oogiibe. Ta shambetoon quyebote. Ta, ittoshi Nuggishoo Doono Yeeri taane.

Luqaasi 2:51

Aroochee boonoshina tookkii wotteꞌi Naazireet hammiye. Boonoshichoo deꞌa iꞌi wochee beehe. Bi indeyoo hini mooyo bullin bi mullooch kotii beehan.

Roomi 12:2

Gaawetonaa biin emirikkii beetona, shappaalloonoo tuneti Yeerichi daaggoon xiishii ariyoon ittoshi hakkemmoyich, Yeeri andire mulloon bi imaa andirebotalli, hini alemeexi asheenaꞌochi mooyon dabbiyaahote.

Roomi 16:2

Kittinneenaꞌo yaafeenaꞌon iibbii beetoommon, biinoo wotta ittoshi iibbiyemmoyich ittoshich shalligichaabeeto taane. Biyoo meetinaꞌon deggaabeeti, taachoo dege tuneti maneene. Ebich ittoshiyoo wotta biich qaawiibeeti mooyo bullina biin degote.

Roomi 7:12

Ebich Yeerichi sheeroo yaafoone; sheeroo gettiibeeti mooyoo yaafoone; kaamoonaa gaawetonane.

1 Qorontoosi 15:58

Illa ta shunnaabeeti ta maneenaꞌote! Manjiree neexebote, shuuriyaahote; Doono Yesuus Kiristoosich ittoshi aajjiibeeti aayo duubo bi tunee qayon ariito ittoshine. Ebich bulli aaboon Doono Yesuus Kiristoosichi shuunoyich ittoshi qelloon guudiiree imbote.

Yibbaatoo 21:18

Muusi Israꞌeeleenaꞌoyich ishichiye: “Ikke ashoyich bi nihoochi woyee bi indeechi getoon waayeyaache ii beeti, biin boonoshi sheeritaanona getaa giyaani babbere bushoo bi beegaata,

1 Ximootiyoosi 5:4

Xuumee tuneti ureyich bushoo woyee bushaa bushiishoo beegaata, are bushiisheenaꞌo Yeerin boonoshi oogiyoon shiichiꞌi boonoshi kechi asheenaꞌoyich bekkiyoonaa boonoshi indeenaa nihoonoyich keree gaaconon doyibeete. Ebi Yeeri aafoochaa shucheti mooyone.

1 Pheexiroosi 2:13

Doono Yesuus Kiristoosicha getiree ukkireenaꞌo bullich deꞌa getote; wotta bulliyee besho tuneꞌi qeejjiibeeti taatoyich,

Ruuti 3:5

Ruutiyoo Naꞌoomich “Ebi ne getteto bullin tuniyemmi taane” iyan.

1 Saameeli 17:20

Daawiti bi dechara maaddoona tiyiꞌi, bageenaꞌon bare ashoona quyiichii, Iseyi gettitoommon, maayoon yechiꞌi hammiye. Biyoo ginee naayinaꞌo kokkorii cookiibee, yaaroona koyooch boonoshi kechaahaa, boonoshi kaambooch shaggiye.