Efesooni 5:3 - Kafa Linguistics Project

³ Yaafoo tuneti ittoshich tato tuno bi qajjitoyich, yahoonaa eeꞌe mooyo bullina woyee hiriggoo ittoshi daggooch bi beemo ciroona waayeyaaye.

Efesooni 5:3 ပူးပေါင်းရင်းမြစ်များ

Shoddo 10:3

Gonde asho bi mullee qaatoona cooddiye; hiriggechi asho Doono Yeerin shixxii uppiye.

Shoddo 119:36

Gaanno waan tuneyaanoon, ne qaaro waan ta mulloon gaꞌiibe.

Keyo 18:21

Wotta asheenaꞌo bulli daggoochee ariyechinaꞌon kaace. Ebi asheenaꞌoo Yeerin shattii beetinaꞌo, gibeneetinaꞌonaa xuccoon maataaneenaꞌona tunebeete; eboshin humee iraasheenaꞌon, ballee iraasheenaꞌon, aachee iraasheenaꞌonaa aashiree iraasheenaꞌonon tuniiree ukkiriibe.

Keyo 20:17

“Ashi kexon, ashi mecheen, ashi guunon woyee bi gonneen, bi gattoon woyee bi kuroon, ashicho tuneto amoonolla qaatiyaahine” iye.

Keyo 23:13

“Ta getteto bullin manjiiree quyebe. Bare nuggisheenaꞌo waan corootiyaahine. Boonoshi shigoonona ceeggaahine.

Shaahiyoo 28:16

Gabaalli iraashoo xuꞌechi maaci manjoone; tunebaani tateyaani gommona gaacoon danoon shixxii beetochi eeno genjemmone.

Erimiyaasi 22:17

“Tunebaani ne mulloonaa ne aafoona tooqqito, tateyaani gommona gaacoon danoyich, xalle damoon ukkoyich, hukkoonaa xuꞌee shuunoonooch baachiye” iye.

Erimiyaasi 6:13

“Girechoochee tiijjii gaannechooch beddaahaa gijjoyich hiriggii beetinaꞌone; keemechoochee tiijjii qeeshooch beddaahaa bulliyona dawushechinaꞌone.

Erimiyaasi 8:10

Girechoochee tiijjii gaannechooch beddaahaa gijjoyich boonoshi hiriggii beetoyich, keemechoochee tiijjii qeeshooch beddaahaa bulliyona dawushoona boonoshi tunii beetoyich, boonoshi mecheenaꞌon bareenaꞌo shaaggemmonaa boonoshi goyoon bareenaꞌo iristo tuniiree hajjemmonoyich immemmo taane.

Hiziqeeli 33:31

Bulli aaboon boonoshi tunii beetoommon ta macceenaꞌo waaree ne aafooch kotemminaꞌone; ne gettaa beeton waayemminaꞌone; tunebaani tuniyaachemminaꞌone; boonoshi noonoona wodde shunoon bekkiiheete; tunebaani boono mulloona boono gaacoon dabbiyeete.

Leweenaꞌo 15:18

Ikke asho maacheena tookkii qeyiꞌi bi keeroon bi ukkigaata, boonoshi guttiyona boonoshi qeddoon machebeete; boonoshiyoo xumemmi wottoon eeꞌo tunemminaꞌone.

Mikiyaasi 2:2

Ashi budon boonoshi qaatigaata, boggii deqqiyeete; ashi kexon boonoshi qaawigaata, boonoshicho tuniiheete. Ashi yaaphoon, bi kechi asheenaꞌonoo boggii daammiyeete.

Haddoo 25:1

Israꞌeeleenaꞌo Shixiim beebee, Moꞌabee maacheenaꞌona tookkii shaddooch giyiyeete.

Maatiyoosi 15:19

Mulloochee kechii beetinaꞌo, gonde shalligoo, wuxoo, shunee mamo, yahoo, gaayo, kootee miixo, oono eboshine.

Luqaasi 12:15

Wotta Yesuusi daakkiꞌi ishichiye: “Ashich kasho geto bi gaannee woddo tuno bi qajjitoyich, ittoshi qelloon ariibote! Hiriggoo bulliicheenoo ittoshi qelloon quyebote” iye.

Luqaasi 16:14

Fariseenaꞌo gijja shuneenaꞌo boonoshi tunetoyich, ebi Yesuusi gettito bullin waayeꞌi cooqqiriyeete.

Mishiraachechinaꞌo 15:20

Tunebaani Muusi kooriti macaafoon aafi shiijjeroochee tiijjiꞌi, shambeti shambetooba Ayihudeenaꞌo kiceebeeti kexoochaa shemmee beetinaꞌonaa katemoo bulliichaa gettii beetinaꞌona beetoyich, ‘Shahalloyich deejjeeꞌi eeꞌeton maayaahote; shunee mamoochee wohote; guureyaanoon taaqqee qititon, damoonoo maayaahote’ getiree boonoshi waan kooribone” iye.

Mishiraachechinaꞌo 20:33

Ta konichi birewoon woyee aachoon woyee tahoon qaataano taane;

Roomi 1:29

Axaaxoona, xuꞌoona, hiriggoona, gondo bullinoo ceenniyeete; qanaato, ashoon wuxoo, kaaro, dawushoo, baroon gondiyoo boonoshi mullooch ceenniye. Ashi shigoon gondii beetinaꞌo,

Roomi 16:2

Kittinneenaꞌo yaafeenaꞌon iibbii beetoommon, biinoo wotta ittoshi iibbiyemmoyich ittoshich shalligichaabeeto taane. Biyoo meetinaꞌon deggaabeeti, taachoo dege tuneti maneene. Ebich ittoshiyoo wotta biich qaawiibeeti mooyo bullina biin degote.

Roomi 6:13

Qitoochee tiyiꞌi kashechon tuneꞌi beetoommon, ittoshi qelloon Yeerich giddiibote. Ittoshi ashittinee quumo bullin cadiqee ginee qiicoon tuniiree Yeerich giddiibotalli, xumme mooyon ittoshin bi shuuniyemmoyich, ittoshi ashittinee quumoon ginee qiicoon tuniiree axaaxoyich giddiyaahote.

1 Qorontoosi 10:8

No wotta boonoshichoommon shunoon maayaayone; boonoshi daggoochee ikkikkeenaꞌo shunoon maaꞌi ikke areddoon hiyaa keejje hume asheenaꞌo qitii ciiretinaꞌone.

1 Qorontoosi 5:1

Ittoshi daggooch shunee mamo beemo waayee beetone; ebiyoo bi nihoochi mecheen shaaggiti asho beemone. Ebiyoommi yeelliibeeti mooyo Yeerich goyinneyaani asheenaꞌo daggoocholla aalloone.

1 Qorontoosi 6:13

Wotta “Maayo maacoyichiye; maacoo maayoyichiye;” tunebaani Yeeri maayoonoo, maacoonoo aalliyemmone. Tunetaa ashittino Doonoyichalli shunee mamoyich toonoone; Donoo ashittinoyichiye.

1 Qorontoosi 6:18

Ebich shunee mamoochee wohote. Asho bi shuuneebeeti bare axaaxoo bulli bi meenoyee maachiye; tunebaani shunoon maabeeto, axaaxoon bi shuuneebeeto bi hajjee meechi toommoochiye.

2 Qorontoosi 12:21

Wochinnoon ittoshi waan ta waahooba, ta Nuggishoo ittoshi aafooch taan cooniyemmone iyaꞌa shattaabeeto taane; ebiyee aaf boonoshi shuuneti axaaxoochee, ebiyoo tiyaariibeeti mooyoochee, shunee mamoochee, yeelliibeeti kaayoocheenoo Yeer waan wotteyaani meetinaꞌochi naboona diqqich ayini eeppemmo taane iyaꞌa shattaabeeto taane.

Efesooni 5:12

Yeerich deꞌa getaani asheenaꞌo aashoona boonoshi tuniibeeti mooyon yibbaatolla yeellii beetone.

Efesooni 5:5

Ebin ariibote: Shunimaayo woyee eeꞌe shuunecho woyee hiriggecho Kiristoosinaa Yeerinochi taatittinee daggooch iristoon daneyaachemmone; hiriggoo shahalloyich goyinnoommone.

Filipphisiyoosi 1:27

Illa Kiristoosichi mishiraachee qaaroyich baach bedditon tuneree beebote. Ebi tunegaata, waa ittoshin ta beeggetaa woyee ittoshiyee ta wokketaa, ikke mulloona mishiraachee qaaree gibenoyich qiicceebee ikke ayaanoona manjiꞌi ittoshi neexoon waayemmo taane.

Qolaasiyaasi 3:5

Illa ittoshi meechi qaatoon wuxibote. Eboshiyoo: yahoo, eeꞌe shuunoo, bushittinee cakkoo, gonde qaatoonaa hiriggoonane. (Hiriggoo, bi hiriggiti mooyon nuggishoommon tuniiꞌi goyinnoone.)

1 Tasaloonqi 4:3

Yeerichi daaggoo shunee mamo bulliichee wokkiꞌi yaafittinoona ittoshi beemone.

1 Tasaloonqi 4:7

Yeeri noon bi ceeggito, yaafittinoona no beeyemmoyichalli, eeꞌe mooyon no shuunemmoyich toonoone.

1 Ximootiyoosi 3:3

masheyaano, damoo gufeyaano, shiimecho, hayeyaano (nabeyaano), gijjoyich dakaano,

1 Ximootiyoosi 6:10

Ebi gijjee shuno meeti gonde mooyon shuunooch bechemmone; ebiyoommon ikkikkeenaꞌo gijjoon qaatiibee, Kiristoosi toommooch mullee tooꞌiyoon qajjiꞌi shattii giiriiti ayinee daggooch boonoshi hajjee kishoona giyitinaꞌone.

2 Ximootiyoosi 3:2

Asheenaꞌo boonoshi qelloon shunnii beetinaꞌo tunemminaꞌone; gijje shuneenaꞌo, naadeyechinaꞌo, geecechinaꞌo, naagechinaꞌo, boonoshi nihoonaa indeenoyich deꞌa getaaneenaꞌo, galleteyaaneenaꞌo, yaafe mooyon eeꞌii beetinaꞌo,

Titoosi 1:11

Eboshi cikki qajjemmoyich tuniyoo qaawiihee; ebiyoo yeelliibeeti gaboona gaacoon danoyich tuneyaani mooyon ashich dojjiibee kechi asheenaꞌo bullin boonoshi shuurikkii beetoyichiye.

Titoosi 1:7

Hini are kittinnee guuphon yaabii qeejjiibeeti geeno Yeerichi shuunoon kaachi bi shuunemmoyich, gonde mooyona oonneyaano, geecaano, kaatee kaareyaano, masheyaano, damoo gufeyaano, gijjoon hiriggaano tunebe.

Titoosi 2:3

Ebiyoommon wotta geene genneenaꞌo boonoshi qocoona Yeerich diireetinaꞌo, oonaaneenaꞌo, wodde woyinee uyoon wotaaneenaꞌo, deꞌe mooyon dojjii beetinaꞌo boonoshi tunemmoyich ciice.

Hibireena'o 12:16

ittoshi daggooch yahiibeeti asho bi daneyaachemmoyich woyee ikke wottoon bi maayemmi maayoyicha iꞌi bi qaabbittinoon kemmiti Esayichoommon, yaafe mooyinaꞌon qallayemmi asho bi daneyaachemmoyich, ittoshi qelloon ariibot!

Yaasi 7:21

Kecceti qiiceenaꞌo daggoochee Shinaaree showoochee waati ikke macecikkiti gaaboon, gutte balle sheqeelee birewoonaa aache sheqeelee nuuppheti aachoonon ciinnaꞌa dakiyoye; eboshin daammoye. Ebi qiicoon, birewoon dechiich geddaa ta duukkaanee maac showooch duukkaꞌa aachito taane” iye.

1 Pheexiroosi 5:2

Asho bi bagoon bi quyoommon, ittoshi waan beeti Yeerichi asheenaꞌon quyebote. Asho ittoshin shuunebote iꞌi iritiitoyich tuneyaanoon, Yeeri daaggitoommon ittoshi mulloochee tiijji shuniree shuunebote. Gaacoon danoyich hiriggoona tuneyaanoon, deꞌe ittoshi daaggoona quyebote.

2 Pheexiroosi 2:14

Maacheen beeggii beshiiyaaneenaꞌone; beddiye iꞌi axaaxee shuunoochee wotteyaaneenaꞌone. Ikke gaboona manjaani asheenaꞌon dawushii beetinaꞌone; hiriggoon doyiti mullo boonoshich beetone; uppeti shiijjereenaꞌone.

2 Pheexiroosi 2:3

Gijjoon boonoshi hiriggoochee tiyitona boonoshi halliti mooyon getibee ittoshin boggemminaꞌone; wonnee tiijjiꞌi Yeerichi nalloo boonoshi toommooch kindiya qannitone; boonoshi aallo yagaachemmone.

Yaaꞌoo 2:14

“Tunebaani neen ta ittibatemmi giisheche mooyo beete: Shahalloyich deejjeya basheeti meenon mamonaa shunee mamona Israꞌeeleenaꞌo Yeerichi gommoochee boonoshi dihemmoyich tuniiya taatoo Balaaqich kocciti Balaamichi doyoon dabbiibeeti ikkikke asheenaꞌo ne daggooch beetinaꞌone.

Yaaꞌoo 2:21

Ebi ure bi shunee mamon qayiree Yeer waan bi wottemmoyich haaꞌiito taane; tunebaani aree ebin qaawaaneene.

Yaaꞌoo 21:8

Tunebaani shateenaꞌo, Kiristoosi toommooch mulloon tooꞌiyaaneenaꞌo, gonde mooyon shuunoona eeꞌetinaꞌo, ashoon wuxitinaꞌo, shunimaayeenaꞌo, iicechinaꞌo (qaaxechinaꞌo), shahalloyich goyinnee beetinaꞌo, kooteenaꞌo bulliyoo duppeyemmi xaaꞌoo qaaqqoonaa waageroona micciibeeti baharoochiye; ebiyoo guttinnee qitoone” iye.

Yaaꞌoo 22:15

Kunaaneenaꞌo, kaayechinaꞌo, shunimaayeenaꞌo, ashoon wuxii beetinaꞌo, shahalloyich goyinnee beetinaꞌo, kootee kooton shunnii beetinaꞌonaa kootee kooton doyitinaꞌo bullinoyich hini are katemeech gimo ciroona daaggeyaache.

Yaaꞌoo 9:21

wotta ashoon wuxoon woyee iicoon (qaaxoon) woyee shunee mamon woyee gaayon qajjiꞌi axaaxee gommoochee Yeer waan wotteyaaneenaꞌone.

1 Saameeli 8:3

Tunebaani bi bushiisheenaꞌo boonoshi nihoochi gommon dabbaaneenaꞌone. Boonoshiyoo gaacoon dano waan guuddiyeete. Xuccoon maabee dayinnetoon dabii beeheete.