Efesooni 5:28 - Kafa Linguistics Project

²⁸ Ebiyoommon keno wotta bi hajjee meenon tuniiꞌi bi mecheen shuno bi tuniiya bede mooyone; bi mecheen shunniibeeto bi qellooniye bi shunniibeeto.

Efesooni 5:28 ပူးပေါင်းရင်းမြစ်များ

Maatiyoosi 19:5

Ishichiinoo iye: ‘Asho bi nihoonaa bi indeenon qayiichi bi mecheena tookki ikkoo tunemmone; gutteenaꞌoo ikke meeno tunemminaꞌone’ ii beeti qaaroon shemmeyaachote?

Efesooni 5:25

Keneenaꞌote, Kiristoosi kittinnee guuphon bi shunoommon, biicha iꞌi bi kashoon beshii bi imoommon, ebiyoommon ittoshi mecheenaꞌon shunote.

Efesooni 5:29

Koniyoona bi hajjee meenon shixxiibeeto ciroona aalloone; bi ashittinee quumo no tunetoyich, Kiristoosi wotta kittinnee guuphoyich bi tunii beetoommon, asho koniyoona bi hajjee meenon shiimee beetone; quyeenoo beetone.

Efesooni 5:31

Yaafe Macaafoochaa bi getteetoommon, “Ebich asho bi nihoonaa bi indeenon qayiichi bi mecheena tookki ikkoo tunemmone; gutteenaꞌoo ikke meeno tunemminaꞌone.”

Efesooni 5:33

Tunetaa ebi qaaro wotta ittoshichoonane; asho bi ikkikkoona bi mecheen bi qelloommon tuniiree shune; mecheyoo bi kenoon oogiibuye.

1 Pheexiroosi 3:7

Keneenaꞌote! Ebiyoommon wotta hakka guuteenaꞌo boonoshi tunoon ariiree, gaawe shalligoona ittoshi mecheenaꞌona tookki beebote. Yeeri aafooch giddeꞌi corootoyich bajjiibeeti amee mooyolla bi beetaachemmoyich, boonoshiyoo wotta ittoshina tookki bulli yemeenee kashee wojjoon Yeer waanee danemminaꞌo boonoshi tunoon gabibee boonoshin oogiibote.