Efesooni 5:19 - Kafa Linguistics Project

¹⁹ Shoddoonaa naadoona, Ayaanee shoddoonoo ittoshinaa ittoshina yibbaatebote; Doono Yeerich ittoshi mulloona shoddebote.

Efesooni 5:19 ပူးပေါင်းရင်းမြစ်များ

Shoddo 147:7

Doono Yeerich galletee shoddoon shoddebote; no Nuggishoyich ooge ximboon yexote.

Shoddo 62:8

Asheenaꞌote, bulli aaboon biin gibenebote; Yeeri nooch deebo bi tunetoyich, ittoshi mullee gaboo bullin biich getote.

Shoddo 86:12

Ta Doono ta Nuggishoocho, ta ceeni mulloona neen galletehoye; bulli yemeenoon ne shigoon oogiihoye.

Shoddo 95:2

Galletoona bi aafooch giddebone; galletee shoddoona biich ililibone.

Isiyaasi 65:14

ta guuninaꞌo mullee emiroochee tiyitona shoddemminaꞌone; tunebaani ittoshi mullee ayinoochee tiyitona cookemmo ittoshine; ittoshi mullo tiishetaa woowo gettemmo ittoshine.

Maatiyoosi 26:30

Boonoshiyoo Yeerichi shoddoon boonoshi shoddetoyee gubb tiyiꞌi, Zayitee Michi guudooch kechiꞌi hammiyeete.

Mishiraachechinaꞌo 16:25

Tunetaa xumee gutte qellimooch Phawuloosinaa Sillaasina corootiibee shoddoona Yeerin galletee beeheete; arooch beeti qoppeenaꞌoo ellee beeheete.

1 Qorontoosi 14:15

Ishigaata, aabichibote? Ta ayaanoona corootemmo taane; ta mulloona wotta ariibee corootemmo taane; ta ayaanoona Yeerich shoddemmo taane; ta mulloona wotta ariibee Yeerich shoddemmo taane.

1 Qorontoosi 14:26

Illa ta maneenaꞌote! Ikkooch ittoshi kiceehooba, ikkoo shoddehe; baroo wotta dojjiye; baroo Yeeri biich bekkiiti mooyon gettiye; baroo baribare noonoona yibbaatehe; baroo baribare noonoona yibbaateeton biichii wokkeelliye. Eboshi bulli kittinneenaꞌon eenniyoyich gaaccemminaꞌo tunebeete.

Qolaasiyaasi 3:16

Kiristoosichi qaaro ceenoona ittoshi mullooch beebe; ariyoo bullina ikkoo ikkoon dojjibee, ittoshinaa ittoshina ciiceebote. Shoddoonaa naadoona, Ayaanee shoddoona galletoonoo ittoshi mulloona Yeerich shoddebote.

Yaaqobi 5:13

Ittoshi daggoochee koniyoona iritoo bi toommooch shaggito bi beegaata, corootibe. Emiriibeeto koniyoona bi beegaata, galletee shoddoon shoddebe.

Yaaꞌoo 5:9

ishichiibee andire shoddoon shoddeheete: “Qoddeti macaafoon daamoyich maatemeenaꞌon gaxxoyichoo beddeto tunaꞌa daneto neene; guureeꞌa ne damoona Yeericho boonoshi tunemmoyich, ashi yoodo bulliichee, asho yibbaateebeeti noonoo bulliichee, ashi yaroo bulliichee, aagetoo bulliicheenoo asheenaꞌon biisheto neene;