Efesooni 5:18 - Kafa Linguistics Project

¹⁸ Yaafe Ayaano ittoshi kashooch ceenalli, woyinee uyoona masheyaahote; masho bechiibeeto cooneyoochiye.

Efesooni 5:18 ပူးပေါင်းရင်းမြစ်များ

Halloo 9:21

Ikke areddoon ebi bi bechiti woyinoochee duucheti woyinee uyoon uchii mashehe; bi tahoon shoottiꞌi, duukkaanee daggooch shokkaachoon tokketehe.

Shoddo 69:12

Ta mooyon, addibaabooch kotetinaꞌo yibbaateheete; mashechinaꞌoo shoddeheete.

Shaahiyoo 20:1

Woyinee uyo ashoon cooqqirecho, kashi uyo yexecho tuniihe; eboshina muriccito bulli ariyecho toonoone.

Solomooni 1:4

Taan yaabi daambe; tookki wocone; taatoo bi gatooch taan deebiye. Nowoo tookki emiribone; emiroonoo wucwucone; ne shunoo woyinee uyoyee beshoon emirikkii beetone; ebich neen gennoo shuno tatoone.

Solomooni 7:9

ne noonoo gaawe woyinoommon, taach tunebe. Woyinee uyo toolibee, ta shiiqqichi noonoonaa gashoonooch kindibe.

Isiyaasi 25:6

Beshe Mawe Doono Yeeri, hini Tsiyooni guudooch aagetoo bullich oogeti gifiroon qanniyemmone; ebi gifirooch gaaweti, awuyi meenonaa gaawe woyinee uyoonon qanniyemmone.

Isiyaasi 5:22

Woyinee uyoon uyoyich beelleenaꞌo, mashiibeeti uyoon baccoyichoo kuppho tunetinaꞌoyich woowo!

Isiyaasi 55:1

“Shachewetinaꞌote, ittoshi bulli aacooch wobote; ittoshi kememmi gijjaalleenaꞌote, waaree keme mamote. Woyinoonaa ejjoonon gijjaalloon, gatiyaalloon kemebote.

Leweenaꞌo 10:9

“Ittoshi qitaachemmoyich, neennaa ne anaami bushiishoona danee duukkaanooch ittoshi giyii beegaata, woyinee uyoon woyee mashiibeeti uyoon uchaahote. Ebiyoo gubbi ittoshi shiijjeroo bulliich beddaahaa, bulli yemeenee qociyoo tunebe.

Maatiyoosi 23:25

“Hini ittoshi maacoon xalloo shaahiibeeti Muusichi Sheeree dojjechinaꞌonaa Fariseenaꞌonote, ittoshich woowo! Xoofoonaa shaatoonochi qeddoon machiyote; tunebaani boonoshi maacooch ittoshi shuuneti bogoonaa hiriggoona arooch ceennitone.

Maatiyoosi 24:49

biinoommi wochee bushiisheenaꞌon yexooch, mashechinaꞌona tookkii uchii mamooch bi giyigaata,

Luqaasi 1:15

Biyoo Doonochi aafooch oogemmone; wotta woyinee uyoonaa mashiibeeti bare uyo bullinon uyaachemmone; shiijjeyaanoon bi indee maacooch beebee, Yaafe Ayaanoona ceennemmone.

Luqaasi 11:13

Gondo ittoshi tunetaanoona, ittoshi bushiisheenaꞌoyich deꞌe mooyon imon ariibeeto ittoshine. Illa shimaayooch beeti ittoshi Nihoo Yeeri biin qollee beetinaꞌoyich Yaafe Ayaanoon am shaahoon beshaa beshiiree immehe!” iye.

Luqaasi 12:45

Tunetaa are wochee bushoo ‘Ta doono kaate waataachemmone; yagemmone’ ii bi mulloona gabiꞌi, bi doonoyich maddeebeeti anaaminaꞌonaa maacheenaꞌonon yexooch, mamonaa uyonooch, mashoochoo bi giyigaata,

Luqaasi 21:34

“Tunebaani ittoshi mullo miyona, mashoonaa mashaamiti beemi qaatoona dingiraate bi beetaa, Ashi Bushoochi aabo diqqoona shaachoochoommon ittoshin bi yeshaachemmoyich, ittoshi qelloon quyebote.

Yowannisi 2:10

“Asho bulli shiichiꞌi bi giddiibeeto shaawi wuure uyooniye; iibbeenaꞌo uchii michitoyee gubbiye waaroon bi giddiibeeto; tunebaani ebi shaawi woyinee uyoon and beddaahaa asheenaꞌoyich imaano neene” iye.

Mishiraachechinaꞌo 11:24

Yaafe Ayaanoona ceennitonaa gaabbaanoon mulloon Yeeri toommooch tooꞌiibeeti deꞌe uroonane. Arooba meeti asheenaꞌo Doono waan wotteheete.

Roomi 13:13

Areddee bekkoona shaꞌeebeeti asheenaꞌochoommon gaawe qocoona beebone; qelloon battiibeeti duubonaa mashoona tunaaye; shunee mamonaa yeelliibeeti kaayona tunaaye; kaaroonaa qanaatoona tunaaye.

1 Qorontoosi 11:21

Ittoshi maa beegaata iibaareyaano ittoshine; bulli bi qelli qellee maacee miyoniye bi gabiibeeto; ebich ikkikkeenaꞌo maayemmon mucceꞌi shaacee beetaa, bareenaꞌo maa michiꞌi mashee beetinaꞌone.

1 Qorontoosi 5:11

Tunebaani “Kittinnee maneenaꞌo getteetinaꞌo daggoochee ikkoo shunimaayo woyee hiriggecho woyee shahalloyich goyinnecho woyee naagecho woyee mashecho woyee boggecho bi tunegaata, biinna tookki ikkotteyaahote. Ebiyoommi ashoona tookkiree maayoonolla maayaahote” iyaꞌaniye ta koorito.

1 Qorontoosi 6:10

gaayeenaꞌo, hiriggechinaꞌo, mashechinaꞌo, naagechinaꞌo, boggechinaꞌo, eboshi daggoochee ikkolla Yeerichi taatittineen woraashaachemmone.

Yibbaatoo 21:20

Boonoshiyoo geeneenaꞌoyich, ‘Hini no bushoo babberoonaa getaa giyaanoonane. No getoon waayeyaache itone. Biyoo gijjoon shaccechonaa mashechonane’ geteete.

1 Tasaloonqi 5:7

Tokketee beetinaꞌo xumoonane boonoshi tokketeebeeto; mashee beetinaꞌoo xumoonane boonoshi masheebeeto.

Titoosi 1:6

Kittinnee guuphi geeno tunemmi asho, gonde mooyona oonneyaano, ikke mechecho, boonoshi mulloon Kiristoosi toommooch tooꞌiiti, wotta gonde qocoonaa wochee waayee qayona taggeyaani bushiishecho tunebe.