Efesooni 5:16 - Kafa Linguistics Project

¹⁶ Hini yemeeno gondo bi tunetoyich, shuunoyich kelloon ittoshi danemmi aabo bullin gaaweton shuunebote.

Efesooni 5:16 ပူးပေါင်းရင်းမြစ်များ

Halloo 29:7

Yaaqobiyoo “Batt showoo womikkeyaanoone; gijjeenaꞌo kiceyemmi saato toonoone. And bageenaꞌoyich aacon uchiꞌi, amoyich gaddooch wochaachote?” iye.

Shoddo 37:19

Gonde yemeenooba yeelleyaachemminaꞌone; shaacee yemeenooboo michemminaꞌone.

Dojjecho 11:2

Showee toommooch gonde mooyo amo tunemmo gaata, ariyaano ne tunetoyich, ne gijjoon shabaatte beera woyee shimitte beera qoodibe!

Dojjecho 12:1

Xuuxee gooroo waataan beetaa, “Taan emirikkaache” ne gettemmi natinaꞌo waataan beetaa, ne gurimaashittinee yemeenooch neen Halliton gabibe!

Dojjecho 9:10

Ebi ne hamma iyaabeeti maash shuunoonaa gaboona, ariyoonaa shalligoona aallo bi tunetoyich, ne shuunoo bullin neech beeti hakkoona shuunebe!

Daaneeli 2:8

Taatoo boonoshich ishichiye: “Ta getteti mooyo manjoo bi tunoon ittoshi ariitoyich, mooyon qeejjoyich gommon qaawiibeeto ittoshi tunoon ariito taane.

Amootsi 5:13

Illa ebich, gonde yemeeno bi tunetoyich, shalligechi asho ebiyooba cikkii qajjii beetone.

Maatiyoosi 25:17

Wotta gutte makilitoon deqqito ebiyoommon tuniiꞌi bare gutte makilitoon shiijjiye.

Yowannisi 12:35

Yesuusiyoo “Batt giisheche aabee wottoon bekko ittoshina tookki beeyemmone. Manderoona shaꞌeebeeto amooch bi hammiibeeto gaata ariyaanoone; ebich ittoshich bi mandereyaachemmoyich, bekke beetaa shaꞌebote.

Roomi 13:11

No wodee aabo, mulloon Kiristoosi toommooch no tooꞌiiti aaboyee beshoon and no waan katinnitone. Ebich tokketoochee no tiyemmi saato and shaggito bi tunoon, yemeenoon ariibote.

1 Qorontoosi 7:26

And hini yemeenooch beeti iritoochee tiyitona, taach gaaweto shaahiꞌi bekkaabeeto, asho bi beetooch bi beemone.

Galaati 1:4

Gondo meettiti hini yemeenooch beeti asheenaꞌon shaahiree no beetaachemmoyich, Kiristoosi noon wodiyoyich no Nuggishoonaa no Nihoona tuneti Yeerich deꞌa iꞌi no axaaxoyich deejjoon tunehe.

Galaati 6:10

Illa no hakkimmi aabo bullin asho bullich, ebiyeenoo boonoshi mulloon Yesuus Kiristoosi toommooch tooꞌiiꞌi ikke kechi ashoon tunetinaꞌoyich, gaawe mooyon tuniibone.

Efesooni 6:13

Ebich gonde mooyo ittoshi toommooch bi shaggimmi aabooba, koyeree bullinoo wochiree, gubb kisheyaanoon neexoon ittoshi hakkemmoyich, Yeeri ittoshich immiibeeti ginee qiico bullin tiijji cuyebote.

Efesooni 6:15

diggee mishiraachee qaaroon getoyich qannoon caammoochoommon gediree neexebote.

Qolaasiyaasi 4:5

Yeeri ittoshich immiibeeti gommo bullina Kiristoosichon miixebee Kiristoosi toommooch mulloon tooꞌiyaani asheenaꞌo daggooch ariyoona shaꞌebote.