Efesooni 5:15 - Kafa Linguistics Project

¹⁵ Illa aabichiree ittoshi beeyemmo gaata ariyoona ittoshi qelloon quyebote. Shalligechinaꞌoommonalli tuusheenaꞌoommon tuneree beeyaahote.

Efesooni 5:15 ပူးပေါင်းရင်းမြစ်များ

2 Saameeli 24:10

Asheenaꞌo haddeyemmon bi tuniitoyee gubb, Daawit mullo biin ittibatehe. Biyoo Doono Yeerich ishichiye: “Ebi ta tuniiti mooyona oogeti axaaxoon shuuneto taane. Doono Yeero, ne guuno ta gondoon maaribe; mullaalli ashi shuunoon shuuneto taane” iye.

Iyoobi 2:10

Biyoo wochiꞌi, “Ne yibbaatoo mullaalli maacheenaꞌochi yibbaatoommone. Yeer waanee deꞌe mooyon deqqeto noone; ishigaata, magge mooyon deꞌaache getona?” iye. Ebi bulli daggooch Iyoobichi noonoochee gonde mooyo keyaanoone.

Shoddo 73:22

mullaalli dookko tunehoye; ne aafoochaa miimo tunehoye.

Keyo 23:13

“Ta getteto bullin manjiiree quyebe. Bare nuggisheenaꞌo waan corootiyaahine. Boonoshi shigoonona ceeggaahine.

Shaahiyoo 14:8

Ariyechochi shalligoo, bi gommon bi muricaachemmoyich tuniihe; tunebaani tuushoon mullee mucco muriciihe.

Shaahiyoo 15:21

Mullaalli asho bi tuushoona emiriye; tunebaani gabechi asho tate mooyon tuniihe.

Maatiyoosi 10:16

Daakkiꞌi Yesuusi ishichiye: “Ellebote, bagoochoommon okereenaꞌo daggooch ittoshin wochemmo taane. Ebich dingeroochoommon accecho, uggechoommon duuroo tunebote.

Maatiyoosi 25:2

Boonoshi daggoochee uucheenaꞌo mullechinaꞌo, uucheenaꞌo mullaalleenaꞌone.

Maatiyoosi 27:24

Phelaaxoosiyoo hukkoon tiijjoyee beshetaa amolla gaacaallo bi tunoon beeggiꞌi, “Hini uroochi damoochee ta xalloo taane; ittoshi, ittoshi qelloon ariibote!” iꞌi dofee asheenaꞌo aafoochaa aacon tiijjii bi kishoon machehe.

Maatiyoosi 27:4

“Xalle uroon qitoyich beshii ta immetoyich, xuqqeto taane” iye. Boonoshiyoo “Noon amo qaaqqiye? Aroo ne qelli mooyone” iyeete.

Maatiyoosi 8:4

Yesuusiyoo “Ebi ne wodoon konichona gettaahine; ne qelloon ariibe. Tunebaani and hamiree ne ashittinoon qeeshoyich bekkiibe. Ne wodoon asheenaꞌo bulli xiishemmoyich, Muusi bi sheerooch deejjibote iꞌi bi kooriti deejjoon Yeerichi deejjibe” iꞌi daachiihe.

Luqaasi 24:25

Yesuusiyoo “Hini mullaalleenaꞌote, keemechinaꞌo gettito bullin iberiyaanoon amoyichiye ittoshi yagii beeto?

1 Qorontoosi 14:20

Ta maneenaꞌote! Gonde mooyoyich nallefoon tunebotalli, gabee shappoona gaggereyaahote; gaboona dicciti ashoon tunebote.

Galaati 3:1

Hini mullaalli Galaatee asheenaꞌote! Yesuus Kiristoosi masqalee toommooch bi yooddeyoo ittoshi aafooch xalla bekketone. Ishigaata ittoshin qaaxeꞌi moomito konine?

Galaati 3:3

Aabichiꞌi mullaalloon tunehote? Yaafe Ayaanee giidoona tiyiꞌi and meechi giidoona ciichiyote?

Efesooni 5:2

Kiristoosiyoo wotta noon bi shunnitoommon, Yeerin emirikkiibeeti cinnechi buuroommonaa deejjoommonon tuniiꞌi noocha ii bi qelloon beshiiꞌi bi immitoommon, shunoona beebote.

Efesooni 5:33

Tunetaa ebi qaaro wotta ittoshichoonane; asho bi ikkikkoona bi mecheen bi qelloommon tuniiree shune; mecheyoo bi kenoon oogiibuye.

Filipphisiyoosi 1:27

Illa Kiristoosichi mishiraachee qaaroyich baach bedditon tuneree beebote. Ebi tunegaata, waa ittoshin ta beeggetaa woyee ittoshiyee ta wokketaa, ikke mulloona mishiraachee qaaree gibenoyich qiicceebee ikke ayaanoona manjiꞌi ittoshi neexoon waayemmo taane.

Qolaasiyaasi 1:9

Ebich no wotta ishin no waayeti aaboochee tiijjaꞌa, Yeeri bi Ayaanoochee daneebeeti ariyoonaa shalligoo bullinon ittoshich ceenoona imiree bi daaggoon ittoshich bi arichiyemmoyich, qollaabee ittoshich corootoon kuxaano noone.

Qolaasiyaasi 4:5

Yeeri ittoshich immiibeeti gommo bullina Kiristoosichon miixebee Kiristoosi toommooch mulloon tooꞌiyaani asheenaꞌo daggooch ariyoona shaꞌebote.

1 Tasaloonqi 5:15

Ittoshi daggoochee koniyoona baroyich gondoochi qoodoon gondoona bi wochaachemmoyich bayote. Tunebaani bulli aaboon ittoshinaa ittoshina, wotta asho bullich gaaweton tuniyoyich qiiccebote.

1 Ximootiyoosi 6:9

Tunebaani “Gaannechon tunebone” iꞌi gabii beetinaꞌo gondoochi nihoona dacheeree, bi shaachiti ollooch yeche dihemminaꞌone; yeche boonoshi dihemmi ollo, mulloon muccii beetonaa qaakkiibeeti meeti qaatoonane; ebi qaatoo keyo hakkeyaani aalloochiye bi shakkiyemmo.

Hibireena'o 12:25

Gettiibeeti Yeerin waayeyaache ittoshi getaachemmoyich ittoshi qelloon ariibote! Ebi areenaꞌo showee toommoochaa Yeeri gettiton waayeyaachone boonoshi iyooba, Yeerichi nalloochee muricaaneenaꞌone; ebich no wotta shimaayoochaa gettiibeeti Yeer waanee gubb no shoki gaata, aabichiree Yeerichi nalloochee muriccehone?

Yaaqobi 3:13

Ittoshi daggoochee ariyechonaa shalligechona konine? Shalligoonaa shiimoona deꞌe shuunoon shuunebee gaawe bi qocoona ebin bekkiibe.

1 Pheexiroosi 1:22

Guttinnoon ittoshi shiijjeto, kashechonaa bulli yemeenoon beeyechona tuneti Yeerichi qaaroocheeniye; ebiyoo aalleyaani yaroocheenalli aallemmi yaroochee toonoone; and iberee qaaroyich deꞌa getona xalleꞌi ittoshi maneenaꞌoyich ibere shuno ittoshich beetone; ebich mulloochee tiijjiree ittoshinaa ittoshina manjiiree shunebote.

Yaaꞌoo 19:10

Hini are maraakoyich goyinneya bi baatooch dihiyo; tunebaani aroo “Neen ariibe! Eechiyaahine! Neechoommon, Yesuusi miixeti iberoon yechiti ne maneenaꞌochoommonoo Yeerichi guuno taane; Yeerich baachiye ne goyinnemmo. Yesuusi miixeti iberoo Yeerichi wochoon boonoshi gettemmoyich asheenaꞌon shuurikkii beeti ayaanoone” iye.