Efesooni 5:13 - Kafa Linguistics Project

^13-14 Bekkiibeeto bulli bekko bi tunetoyich, bulli mooyo bekkooch bi keyigaata, amo bi tuno bekkee beetone. Ebich ikkikkeenaꞌo gettii beetoommon, “Hini tokketaa beetocho, qaallibe; qitoocheenoo tibe! Kiristoosiyoo bi bekkoon neech ceechi bekkiyemmone.”

Efesooni 5:13 ပူးပေါင်းရင်းမြစ်များ

Shoosho 2:14

Ittoshi keemechinaꞌochi yaaꞌoo kootoonaa maroonane; boonoshiyoo, ittoshi kecoon wochoyich, ittoshi xuꞌoon gaxxii beekkiyaaneenaꞌone; tunebaani muricoonaa kootoona tuneti yaaꞌoon, ittoshich beeggiyeete.

Hosee'i 2:10

Bi shunechinaꞌo aafoochaa shokkoon biin echiyemmo taane. Ta kishoochee biin wodiyemmo koniyoona aalloone.

Hosee'i 7:1

“Ta asheenaꞌon kecoochee wochiya ta iyooba, Israꞌeeleenaꞌon wodiiya ta iyooba, Efreemichi axaaxoo, Shamaari katemee asheenaꞌochi gonde shuunoo bekkehe. Boonoshinaa boonoshina kootoon yibbaateheete; kexon tiichii giyiꞌi gaajjiyeete; bokkoo tuneꞌinoo gommoochaa boggiyeete.

Mikiyaasi 7:9

Doono Yeerin xuqqeto taane; ta mooyon bi taggemmi wottoon, nalloon taach bi kichimmi wottoonoo Doono Yeeri kaaroon haaꞌiyemmo taane. Biyoo bekkooch taan kichemmone; bi wodiyoonoo beeggemmo taane.

1 Qorontoosi 4:5

Ebich Doono Yesuusi waataan beetaa, aabaalli nalloon koni toommoochona nalliyaahote. Doono Yesuusi bi waahooba, and manderooch aacheeton xallooch kichemmone; ashi mullooch beeti gaboon gaxxemmone. Arooba Yeeri asho bullin bi shuuni shuunoommona bi qelli qelloona galletemmone.

Efesooni 5:12

Yeerich deꞌa getaani asheenaꞌo aashoona boonoshi tuniibeeti mooyon yibbaatolla yeellii beetone.

Hibireena'o 1:13

Tunebaani maraakeenaꞌo daggoochee konichiye Yeeri, “Ne etteenaꞌon ne baatee dechiich ta tuniimmi wottoon, ta qannooch kotebe” bi ito?