Efesooni 5:11 - Kafa Linguistics Project

¹¹ Aafaalli manderee shuunoona tookki ikkotteyaahote; beshoonoo ebi shuunoon bekkooch kichibote.

Efesooni 5:11 ပူးပေါင်းရင်းမြစ်များ

Halloo 20:16

Saarichoo “Ne manoo Abrahamich hume xure birewoon machaꞌa immeto taane; ebi nummoona neenna tookkii beetinaꞌo bulli xallee ne tunoon ariyemminaꞌone; ebina asho bullich miixeyemmone” iye.

Shoddo 141:5

Cadiqe asho ariqqoona taan kaare sheeribe; tunebaani gonde asho zayitoon ta shimbooch ciroona ukkaaye; bulli aabooch ta corootaabeeto gonde boonoshi shuunoon shixonane.

Shaahiyoo 1:10

Ta bushoocho, axaaxechinaꞌo neen dawushigaata, deꞌa gettaahine.

Shaahiyoo 1:31

boonoshi shuunetoommo boonoshi toommooch shuuneyemmone; ashi toommooch boonoshi koceeto boonoshin yechemmone.

Shaahiyoo 13:18

Kaaree ciicon shixxii beetinaꞌo toommooch giroonaa yeelloona shaggiye; tunebaani sheeroon deqqiibeeto oogehe.

Shaahiyoo 15:12

Cooqqirechi asho sheereyoon shunaache; mullechinaꞌo waanoo hamaache.

Shaahiyoo 19:25

Cooqirechon yexe; tuushoo mullechon tunemmone; mullechon ne kaaraa ciicigaata beshoon ariyecho tunemmone.

Shaahiyoo 25:12

Mullechi ashi kaaro, deꞌa ii waayemmi ashich, waajji aachoommo, xalle aachoochee shuuneeti shashoommone.

Shaahiyoo 28:4

Sheeroon qajjiibeeti asheenaꞌo gondeenaꞌon naadiyeete; tunebaani sheeroon quyee beetinaꞌo gondeenaꞌon shixxiyeete.

Shaahiyoo 29:1

Meeti aaboon getaa giyaani gajjechi asho, diqqoona tiishemmone; wodoonoo hakkaachemmone.

Isiyaasi 29:21

Ashoon gondii beetinaꞌo, taggee xaaꞌoochaa ashich olloon ollee beetinaꞌo, koote miixoona xalle ashi dayinnetoon dabii beetinaꞌo aallemminaꞌone.

Erimiyaasi 15:17

Emiroona kuufaareebeeti asheenaꞌona tookkii koteyaano taane; wottoo emiraano taane; ta ikkeeto kotehoye; ebiyoo ne kishoo ta toommooch bi tunetonaa ne kaaroona taan ne ceechitonoyichiye.

Leweenaꞌo 19:17

“ ‘Ne manoon mulloochee tiijjiree shixxaahine. Ne toommooch axaaxoo tuneree bi haddeyaachemmoyich, xalla biin ittibatebe.

Maatiyoosi 18:15

“Ne manoo neen bi xuꞌigaata, hamiree bi ikkeeton neennaa biinna guttoo tuneree, ‘Ebi ne shuuneti shuunoo gaawiye?’ getiree ittibatebe. Ne getaa bi waayegaata, ne hajjee manoon tuniyemmo neene.

Luqaasi 3:19

Asheenaꞌo aacona afaalleeheete; Yesuusi wotta aacona afaalleeꞌi kechii corootii bi beetaa, shimaayoo qecheehe; aroochee Yaafe Ayaano bi ashittinee halloo uggechoommon tuneꞌi Yesuusi toommooch kindiye. Wotta shimaayoochee “Ta shunnaabeeti ta bushoo neene; neenna emirito taane” ii beeti qaaro waayeehe. Galiilee iraashoo Heroodisi, bi manoochi mechee Heroodiyaadin bi shaaggitoyich, wotta bare meeti gonde mooyinaꞌon bi shuunetoyich, Yowannisi biin kaarehe; tunebaani Heroodisi ebi bulli gonde mooyinaꞌo toommooch daakkiꞌi Yowannisin yechii cuchiihe.

Mishiraachechinaꞌo 26:18

Neen ta daachiibeeto, boonoshi aafoon qechiree manderoochee bekkooch, Sheexaanoyich hajjeyoochee Yeerich hajjeyooch ne wochemmoyichiye. Arooba boonoshi axaaxoyich maaroon danemminaꞌone; wotta ta toommooch mulloon tooꞌiyoona yaafeeti asheenaꞌo deqqemmi wojjooch boonoshi ixoo haddeyemmone’ iye.

Roomi 13:12

Xumo beshetaa areddoo harii bekketoommone. Illa manderee shuunoon shooti dufiichi, bekkee ginee qiicoon cuyebone.

Roomi 16:17

Illa ta maneenaꞌote! Ittoshi doyiti doyoon shixona ashoonaa ashoonochi daggooch barbarittinoon hallii beetinaꞌo waanee, xugo tuneebeeti asheenaꞌo waaneenoo ittoshi qelloon ittoshi quyemmoyich ittoshin qollaabeeto taane; eboshi waanee baribote.

Roomi 6:21

Illa hanaach ittoshi yeelleebeeti mooyinaꞌoochee arooba amee gaacoonolla daneyaano ittoshine. Ebi mooyinaꞌo ciiroochaa qitoochiye boonoshi shakkiibeeto.

Galaati 6:8

Bi hajjee meenon emirikkiya shookkiibeeto, meenoochee oꞌon qeccemmone; tunebaani Yaafe Ayaanoon emirikkiya shookkiibeeto, Yaafe Ayaanoochee bulli yemeenee kashoon qeccemmone.

Efesooni 4:22

Ebich aafi ittoshi beemon gabibee dachiibeeti qaatoona duubeebeeti wonnee qocoon ittoshi waanee shootote.

Efesooni 5:12

Yeerich deꞌa getaani asheenaꞌo aashoona boonoshi tuniibeeti mooyon yibbaatolla yeellii beetone.

Efesooni 5:7

Illa ebiyoommi asheenaꞌona tookki ikkotteyaahote.

1 Tasaloonqi 5:7

Tokketee beetinaꞌo xumoonane boonoshi tokketeebeeto; mashee beetinaꞌoo xumoonane boonoshi masheebeeto.

2 Tasaloonqi 3:14

Hini wochooch kooraꞌa no daachiiti qaaroyich deꞌa getaani ashoon ariibote; bi yeellemmoyich biinna tookki ikkotteyaahote.

2 Tasaloonqi 3:6

No maneenaꞌote! Shuuna biisheenaꞌonaa ittoshich no dojjiti doyoona hamaani maneenaꞌona waanee ittoshi wokkemmoyich, no Doono Yesuus Kiristoosichi yakkirecho tunaꞌa ittoshich gettaabeeto noone.

1 Ximootiyoosi 5:20

Bareenaꞌo wotta shattemmoyich, axaaxoon shuunetinaꞌon asho bulli aafoochaa kaare ciice.

1 Ximootiyoosi 5:22

Ne kishoon ashi toommooch kotiiree koninolla afaafinoona ukkiriyaahine. Bareenaꞌo shuuneebeeti axaaxooch giyiree guuphiyaahine; kiinaalli xallittinoona ne qelloon quyebe.

1 Ximootiyoosi 6:5

kuxeyaani kaaree tiijjoo, eboshi kechemminaꞌone. Gaboon hakkaaneenaꞌo tuneꞌi dacheebee, “Yeerin oogiibeeti beemon beemo gaanniyemmone” ii gabiꞌi iberoon muccetinaꞌone.

2 Ximootiyoosi 3:5

Boonoshiyoo Yeerich goyinnee beetinaꞌon shaahibeetani, goyinneechi giidoon nookketinaꞌone; eboshi waanee wohe.

2 Ximootiyoosi 4:2

Yeerichi qaaroon awaajjibe; yemeeno mashaamitaa, mashaamoo bi qajjitaa, kuppheree ebin tuniibe; ittibatebee, kaare ciicibeeshoo, oogeti haaꞌiyoona dojjibe.

Titoosi 2:15

Illa ebi mooyinaꞌon dojjibe; ceeni hakkoona ciici ittibatebe; koniyoona neen hoxaaye.

Yaaꞌoo 18:4

Aroochee daakkiꞌi ishichiibeeti bare qaaroon shimaayoochee waayeho: “Ta macceenaꞌote! Bi axaaxee daggooch ittoshi bacceyaachemmoyich, bi toommooch kindemmi naxoo ittoshin bi xaaqqaachemmoyich, bi waanee bari keyote!