Efesooni 4:6 - Kafa Linguistics Project

⁶ bulliyee besho tuneto, bullina shuuneebeeto, bulli waan beeto, bullichoo Nihoo tuneti ikke Nuggishoo beetone.

Efesooni 4:6 ပူးပေါင်းရင်းမြစ်များ

Halloo 14:19

Ishichiinoo Abraamin diiriye: “Shimaayoonaa showoonon halliti, Beshe Nuggishoo Yeeri Abraamin diiribe.

Shoddo 95:3

Doono Yeeri ooge Nuggishoone; nuggisheenaꞌo bulli toommooch ooge Taatoone.

Isiyaasi 63:16

Abrahami noon ariyoo bi qajjitaa, Yaaqobi noon shalligoo bi qajjitaa, ne nooch Nihoo neene; Doono Yeero, ne nooch Nihoo neene; wonna beddaahaa noon Biishecho ne shigoone.

Milikiyaasi 2:10

No bulliyona ikke Nihoochi bushiishoo toono noone? Noon hallito ikke Nuggishoo toone? Ishigaata, noonnaa noonna gibeneyee qayona, Yeeri no qaabbechinaꞌona tookkii giyiti wogoon no happaabeeto amoyichiye?

Haddoo 16:22

Muusinaa Haroonina baroona showooch guufeechii, “Nuggishoo Yeero, asho kasho bulli Nuggishoocho, ikke uro shuuneti axaaxoona iiteenaꞌo bullin kaarenne?” iyeete.

Maatiyoosi 6:13

Gondoochi nihoo kishoochee noon quyeballi, bi dachooch noon geddaahine. [Taatittino, giidoo, oogee yiiroo bulli yemeenoon neechone. Ameena.’]

Maatiyoosi 6:9

“Illa ittoshi ishichi corootibote: ‘Shimaayooch beeti no Nihoocho, yaafe ne shigo oogebe.

Yowannisi 14:23

Yesuusi wochiꞌi biich ishichiye: “Taan shunniibeeto koniyoona bi beegaata, ta getteton ceechemmone; ta Nihoo biin shunnemmone; bi waanoo woyemmo noone; bi waanoo beeyemmo noone.

Yowannisi 17:26

Taanoo ne shunneti shunoona bareenaꞌon boonoshi shunnemmoyich, tawoo boonoshina ta beeyemmoyich neechon boonoshich arichiito taane; battoo arichiyemmo taane” iye.

Yowannisi 20:17

Yesuusiyoo “Taan yechaahine; batt Nihoo Yeer waan keyaan beeto taane. Tunebaani hamiree ta maneenaꞌoyich ‘ “Ta, ta Nihoonaa ittoshi Nihoona waan, ta Nuggishoonaa ittoshi Nuggishoona waan kechemmo taane” itone’ gete” iye.

Roomi 11:36

Bulli mooyo halleeto bi waanee, biinna, biichiye. Biichoo bulli yemeenoon oogee yiiroo tunebe! Ameena.

1 Qorontoosi 12:6

Shuunee gommo baribaroone; tunebaani shuunoo bullin bullina shuunee beeto ikke Yeerine.

1 Qorontoosi 8:6

nooch beeto, ikke Nuggishoo baachiye; biyoo Nihoo Yeerine; mooyo bullin hallito, biine; biichiye no beeto. Wotta kittinnoo nooch beeto, ikke Doono baachiye; biyoo Yesuus Kiristoosine; Yeeri bulli mooyon biinnane bi halliito; biinnane no beeto.

2 Qorontoosi 6:16

Yeerichi yaafee kexonaa shahalloonoyich amee danittino beete? No, beeyechi Yeerichi yaafee kexo noone; Yeeri ishichiye: “Boonoshina tookki beeyemmo taane; boonoshi daggooch shaꞌemmo taane; boonoshi Nuggishoo tunemmo taane; boonoshiyoo ta macceenaꞌo tunemminaꞌone” iye.

Efesooni 1:21

Kiristoosin arooch bi kotiito, taatittino bulliyee, iraashittino bulliyee, giidoo bulliyee, doonjittino bulliyee, wotta and hini showoochaa baach tuneyaanoon, gubb woyemmi showoochaa ceekkeebeeti shigo bulliyee besho tuniiꞌiniye.

Efesooni 2:22

ittoshiyoo wotta biinna Yeeri bi Ayaanoona beeyemmi kexon tunoyich, bareenaꞌo bullina tookkii hakkeebeeto ittoshine.

Efesooni 6:23

Nihoo Yeerinaa Doono Yesuus Kiristoosina waanee daneebeeti diggoonaa shunoona, Yeeri toommooch mullee tooꞌiyoona tookki kittinnee maneenaꞌoyich tunebe;

Yibbaatoo 6:4

“Israꞌeelo, elle waayebe. No Nuggishoo Doono Yeeri ikke Nuggishoone.

1 Yowannisi 3:24

Hini Yeeri gettiti mooyon tunii beetoyich Yeerina tookkii ikkittino beetone; Yeerichoo biinna tookkii ikkittino beetone. Noonna tookkii bi beemon nooch bi immiti bi Ayaanoona ariibeeto noone.