Efesooni 4:5 - Kafa Linguistics Project

⁵ Ikke Doono, ikke mullee tooꞌiyoo, ikke aacona afaalleyoo beetone;

Efesooni 4:5 ပူးပေါင်းရင်းမြစ်များ

Zakaariyaasi 14:9

Doono Yeeri showoo bulli toommooch taatemmone. Ebiyooba Nuggishoo, Doono Yeeri baach, ceekkemmoo, bi shigo baach tunemmone.

Maatiyoosi 28:19

Illa tiyiree hambote; aageteenaꞌo bulliich beetinaꞌon Nihoo Yeeri, Bushoo Yeerinaa Yaafe Ayaanoonochi shigoona aacona afaalloonaa tuniibote iyaꞌa ittoshich ta getteto bullin boonoshich dojjoona ta dabbeenaꞌon tuniibote. Illa yemeenee ciirooch beddaahaa bulli aaboon ta ittoshina tookkaa beeto taane” iye.

Mishiraachechinaꞌo 10:36

Yeeri ‘Yesuus Kiristoosinane ittoshina tookki ta shunemmo’ iꞌi Israꞌeeleenaꞌoyich mishiraachee qaaroon deejjitone; hini Yesuus Kiristoosi bullichi Doonone.

Mishiraachechinaꞌo 2:36

“Illa Yeeri hini ittoshi yooddiiti Yesuusin, Doononaa Kiristoosinon bi tuniyoon Israꞌeelee asho bulli manjiiree ariibe” iye.

Roomi 3:30

Ebiyoo dokireeti Ayihudeenaꞌon Kiristoosi toommooch mulloon tooꞌiyoona, dokireyaani Aageteenaꞌonoo Kiristoosi toommooch mulloon tooꞌiyoona cadiqiibeeti ikke Nuggishoo baach beetoyichiye.

1 Qorontoosi 1:13

Halla Kiristoosi qoodeetone? Ittoshich yooddeto, Phawuloosine? Woyee Phawuloosichi shigoona aacona afaalleetote?

1 Qorontoosi 1:2

Qorontoos beeti Yeerichi kittinnee guuphoyich, Kiristoos Yesuusina Yeeri yaafitinaꞌonoyich, wotta noonnaa boonoshinoyich Doono tuneti no Doono Yesuus Kiristoosichi shigoon xaaꞌoo bullichaa ceeggii beetinaꞌo bullina tookkii yaafeenaꞌo tunoyich ceekketinaꞌoyich:

1 Qorontoosi 12:13

Ebiyoo Ayihudoon tunebon, Giriikoonoo tunebon, guunonoo tunebon, doononoo tunebon, ikke ashittinoon tunoyich ikke Yaafe Ayaanoona no afaalleetoyichiye; wotta Yeeri are ikke Yaafe Ayaanoochee no bullich bi uchitoyichiye.

1 Qorontoosi 12:5

No shuuni shuunee qoco baribaroone; tunebaani no shuunaabeeti shuunee Doono ikkoone.

1 Qorontoosi 8:6

nooch beeto, ikke Nuggishoo baachiye; biyoo Nihoo Yeerine; mooyo bullin hallito, biine; biichiye no beeto. Wotta kittinnoo nooch beeto, ikke Doono baachiye; biyoo Yesuus Kiristoosine; Yeeri bulli mooyon biinnane bi halliito; biinnane no beeto.

2 Qorontoosi 11:4

Eechaa ta shattaabeeti naboo, ikke asho ittoshi waan waaꞌi no getteti Yesuusin tuneyaanoon bare Yesuusin, woyee ittoshi deqqiti Yaafe Ayaanoon tuneyaanoon bare ayaanoon, woyee ittoshi deqqiti mishiraachee qaaroon tuneyaanoon bare qaaroon, ittoshich bi getaa, eehiiree cikki qajjemmo ittoshine iyaꞌaniye.

Galaati 5:6

Ebiyoo Kiristoos Yesuusina tunetoyich, dokireyoo woyee dokireyee qayo bi gaaccemmi gaaco amolla aallo bi tunetoyichiye; gaaccemmo shunoona shuuneebeeti, Kiristoosi toommooch mullee tooꞌiyoo baachiye.

Efesooni 4:13

Ebiyoo no bulli Yeeri Bushoo toommooch mullee tooꞌiyoonaa biin ariyoona daneebeeti ikkittinooch shagiree, kachiti ashoon tunoona, bullina Kiristoosin shaahooch no beddemmi wottooniye.

Filipphisiyoosi 2:11

heciyoo bulli Nihoo Yeerin oogiyoyich Yesuus Kiristoosi Doono bi tunoon bi miixemmonoyichiye.

Filipphisiyoosi 3:8

Ebi ikkeeto tuneyaanoon, bulliyee beshiton danoyich, ebiyoo Kiristoos Yesuusi ta Doonon ariyoyicha iyaꞌa ebi mooyinaꞌon ciroona gaacaachemminaꞌon tuniiꞌa haddito taane. Biicha iyaꞌa eboshi bullin qajjeto taane. Kiristoos Yesuusi toommooch mullee tooꞌiyoona daneebeeti cadiqoo, ebiyoo sheeroon ceechii ta quyoona daneti cadiqoo tuneyaanoon, mullee tooꞌiyoona Yeer waanee daneebeeti cadiqoo taach bi beeyemmoyich, Kiristoosin danoyicha iyaꞌa bullin guudoon shaahiiꞌa duppeto taane.

Titoosi 1:1

Yeeri kaaccitinaꞌo Kiristoosi toommooch mullee tooꞌiyoona boonoshi kupphemmoyich, wotta Yeerin oogiibeeti beemon beemooch bechiibeeti iberoon boonoshi ariyemmoyich tuniyoyich wocheeti, Yeerichi guuno, Yesuus Kiristoosichi mishiraachecho tuneti Phawuloosi waanee:

Titoosi 1:4

Kiristoos Yesuusi toommooch mulloon no tooꞌiyoona ibere ta bushoo tuneti Titoosich: Nihoo Yeerinaa noon Wodiyechi Kiristoos Yesuusina waanee wojjoonaa diggoona neech tunebe.

Hibireena'o 13:7

Yeerichi qaaroon ittoshich gettiti, ittoshi yaabii qeejjechinaꞌon gabibote. Boonoshi beemi qocoon ciiniree, Yeeri toommooch boonoshi mullee tooꞌiyoommon, ebiyoommon ittoshiyoo boonoshin shaahibote.

Hibireena'o 6:6

aroyee gubb qajjii wotteꞌi nookketinaꞌon, wochinnoon Yeer waan wochiꞌi boonoshin andiriyoo hakkeyaanoone. Ebiyoo, Yeerichi Bushoon wochinnoon boonoshi yooddii beetoyich, ashi aafoochoo boonoshi giishii beetoyichiye.

Yaaqobi 2:18

Tunebaani ikke asho “Neech mullee tooꞌiyoo beetone; taachoo shuunoo beetone” ii beeti asho bi beegaata, tawoo biich, “Eke ne mullee tooꞌiyoon shuunoyee bariiree bekkiibe; tawoo ta mullee tooꞌiyoon shuunoona bekkiyemmo taane” gettemmo taane.

1 Pheexiroosi 3:21

Ebi aaco wotta and noon wodiibeeti aacona afaalleyee shaahiyoone; ebiyoo ashi achooch beeti kiinoon machii bayona tuneyaanoon xalle mulloona Yeer waan giddemmi qolloonane; ebiyoo bi tuneebeeto, Yesuus Kiristoosi qitoochee timonane.

2 Pheexiroosi 1:1

Yesuus Kiristoosichi guunonaa mishiraachechona tuneti Simoon Pheexiroosi waanee, No Nuggishoonaa noon Wodiyechona tuneti Yesuus Kiristoosi cadiqo bi tunetoyich, Kiristoosi toommooch nooch beeti, aaxxoo tuneti mullee tooꞌiyoon no danetoommon danetinaꞌoyich:

Yihudi 1:20

Tunebaani ta shunechinaꞌote! Ittoshiyoo bulliyee beshoon yaafeeti gommona Yeeri toommooch mullee tooꞌiyoona dico ittoshich bi daakkeyemmoyich, ittoshinaa ittoshina gaacheyoona kupphebote; Yaafe Ayaanoona yaabeeree corootibote.

Yihudi 1:3

Ta shunechinaꞌote! No qoodeebeeti wodeechon ittoshich kooroyich oogeti gabee toommooch beechaa, Yeeri yaafeenaꞌoyich ikke wottoon bi immiti, shaddeyaani gibenoyich ittoshi qiiccemmoyich, ittoshin ciicciibee kooroo taach qaawiibeeto tuneꞌi bekkehe.