Efesooni 4:4 - Kafa Linguistics Project

⁴ Yeeri ittoshin bi ceegiyooba ikke gibenoyich bi ceeggitoommon, ittoshi bullich ikke Yaafe Ayaano beetoyich ikke ashittinee quumo ittoshine.

Efesooni 4:4 ပူးပေါင်းရင်းမြစ်များ

Shoddo 122:8

Ta maneenaꞌonaa ta xibeenaꞌonochi naboyich, “Diggoo ne daggooch tunebe” gettemmo taane.

Erimiyaasi 14:8

Israꞌeeleenaꞌochi Gibenoocho! Iritee aabooboo boonoshi Wodiyechocho! Showooch dallaawoochoommon; xum qeyi hammemmi gomma beshechoommon ne tunaabeeto amoyichiye?

Erimiyaasi 17:7

“Doono Yeerin gibeneto, bi gibeno Doono Yeeri tuneto, diireetone.

Maatiyoosi 28:19

Illa tiyiree hambote; aageteenaꞌo bulliich beetinaꞌon Nihoo Yeeri, Bushoo Yeerinaa Yaafe Ayaanoonochi shigoona aacona afaalloonaa tuniibote iyaꞌa ittoshich ta getteto bullin boonoshich dojjoona ta dabbeenaꞌon tuniibote. Illa yemeenee ciirooch beddaahaa bulli aaboon ta ittoshina tookkaa beeto taane” iye.

Mishiraachechinaꞌo 15:11

Tunebaani no boonoshichoommon Doono Yesuusichi wojjoona wodemmo no tunoon iberiibeeto noone” iye.

Roomi 11:29

Yeeri ashoon bi waan ceeggiꞌi bi wojjoon bi immitoyee gubb, “Aakkiya ebin tuniitote?” getaache.

1 Qorontoosi 10:17

Kosho ikkoo bi tunetoyich, hini are koshoochee qoodeebeeto no tunetoyich, no meettetaanona, ikke ashittino noone.

1 Qorontoosi 12:20

Quumeenaꞌo meetinaꞌo tuneechaa ashittino ikkoo bi tuneto illa ebichiye.

2 Qorontoosi 11:4

Eechaa ta shattaabeeti naboo, ikke asho ittoshi waan waaꞌi no getteti Yesuusin tuneyaanoon bare Yesuusin, woyee ittoshi deqqiti Yaafe Ayaanoon tuneyaanoon bare ayaanoon, woyee ittoshi deqqiti mishiraachee qaaroon tuneyaanoon bare qaaroon, ittoshich bi getaa, eehiiree cikki qajjemmo ittoshine iyaꞌaniye.

Efesooni 1:18

Wotta ta qollaabeetoo, ittoshi mullee aafo gaxxeeree ciinaa, ittoshin bi ceeggiti gibeno amo gaata, bi yaafeenaꞌoyich bi immemmi worganikkiti iristo amoommo gaata, no mulloon Kiristoosi toommooch tooꞌiibeeti nooch shuuneebeeti bi giidoo am shaahe ooge giidoo gaata ittoshi ariyemmoyichiye.

Efesooni 2:16

Kaaroonoo masqalooch bi qitoona wokkiiꞌi ebi masqaloona gutteenaꞌon ikkochiꞌi Yeerina tookkii shuniihe.

Efesooni 2:18

No bulli bi gommona Nihoo Yeer waan ikke Ayaanoona gimon hakkito noone.

Efesooni 2:22

ittoshiyoo wotta biinna Yeeri bi Ayaanoona beeyemmi kexon tunoyich, bareenaꞌo bullina tookkii hakkeebeeto ittoshine.

Efesooni 4:1

Illa Doono Yesuusichi maddecho ta tunetoyich, cuchaꞌa beeti ta, Kiristoosi toommooch mulloon ittoshi tooꞌiyemmoyich Yeeri ittoshin bi ceegiyooba bi gettitoommon, mooyo bullina biin emirikkiya biich bedditon tuneree ittoshi beeyemmoyich ittoshin qollaabeeto taane.

Qolaasiyaasi 3:15

Kiristoosichi diggoo ittoshi mullooch taatebe; ikke ashittinoochoommon ittoshi ceekketo ebi diggoyichiye; Yeerinoo galleteebeeto tunebote.

2 Tasaloonqi 2:16

Bi qelloona no Doono Yesuus Kiristoosinaa noon shunniti, bi wojjoona bulli yemeenee goggoonaa manje gibenoonon nooch immiti no Nihoo Yeerina ittoshi mulloon goggiibeete; gaawe mooyo bullin ittoshi shuunemmonaa yibbaatemmonoyich ittoshin kupphiibeete.

1 Ximootiyoosi 1:1

Noon Wodiyechi Yeerinaa no gibeno tuneti Kiristoos Yesuusina wocheeti, Kiristoos Yesuusichi mishiraachechi Phawuloosi waanee,

Titoosi 1:2

Ebi mullee tooꞌiyoonaa iberoon ariyoona bulli yemeenee kashoon danee gibenee toommooch neexetone; ebi kashoyichoo kootaani Yeeri, yemeeno bulliyee aaf gibenikkitone.

Titoosi 2:13

Ebina diireeti no gibeno tuneti ooge no Nuggishoo, noon Wodiyechi Yesuus Kiristoosi oogee yiiroona bi bekkoon quyaabeeto noone.

Titoosi 3:7

ebin bi tuniito, bi wojjoona cadiqiree gibenoona no quyeebeeti bulli yemeenee kashoon no woraashemmoyichiye.

1 Yowannisi 3:3

Illa Kiristoosina ebi gibenoon geddiibeeto bulli, Kiristoosi xalloo bi tunoommon bi qelloon xallii beetone.