Efesooni 4:31 - Kafa Linguistics Project

³¹ Caamittino, ippo, kaaro, caagoonaa naagoona, gondo bullina tookki ittoshi waanee ciroona wohe.

Efesooni 4:31 ပူးပေါင်းရင်းမြစ်များ

Halloo 27:41

Bi nihoo Yaaqobin bi diiritoyich, Esayi Yaaqobin shixxiye. Esayi bi mulloona “Ta nihoo and qitiya bedditone. Eefoyee gubb ta manoo Yaaqobin wuxemmo taane” ii gabiye.

Halloo 37:21

Tunebaani Roobeeli ebi kocoon waayeꞌi, boonoshi kishoochee Yooseefin wodiiya gabiye. Ishichiinoo iye: “Bi kasho no kishoona kechaaye.

Halloo 37:4

Boonoshi nihoo Yooseefin boonoshiyee beshoon bi shunon bi maneenaꞌo beeggiꞌi, Yooseefin shixxiyeete. Gaawe noonoona biinna tookkii yibbaato qajjiyeete.

Halloo 4:8

Aroyee gubb, ikke areddoon Qayeeli bi manoo Abeelin “Ne waataa gadd hambone” iye. Hammiꞌi arooch boonoshi beetaa, Qayeeli bi manoo Abeeli toommooch tiyiꞌi wuxiye.

2 Saameeli 13:22

Abisoloomi Aminoonich gondoon tuneba deꞌoon, amoonolla qaareyaanoone. Ebiyoo bi maneen giidoona bi yechitoyich, Aminoonin bi shixxitoyichiye.

2 Saameeli 19:27

Ne guuno taanoo taatoo ta doono neech oonniye. Tunebaani taatoo ta doono ne, Yeerichi maraakoommo neene. Ebich neech shaahiꞌi bekkemmon tuniibe.

2 Saameeli 19:43

Israꞌeeleenaꞌo wochiꞌi ishichiyeete: “Taatoo waanee, ittoshichoyee besho tuneti, aashire kishee qoodoo nooch beetone. Ishigaata, noon ittoshi qallayito amoyichiye? Taatoon wochiꞌi deebichi mooyon shiichaꞌa tiijjito, no toono noone?” iyeete. Tunebaani Yihudee asheenaꞌochi yibbaatoo Israꞌeeleenaꞌochoyee beshe kuppho tunehe.

Shoddo 101:5

Bi nuuchoon gubbaa oonnii beeton aalliyemmo taane; geecoona coonderee beetinaꞌon haaꞌiyaachemmo taane.

Shoddo 140:11

Oonnecho, mooyo biich kaametaa hini showooch beeyaaye; gonde mooyo hukkechon dabbe yeshiree aalliibe.

Shoddo 15:3

ashoon oonaano, biinoommi bi manoo toommooch gondoon shuuneyaano, bi giyoochi shigoon gondiyaano,

Shoddo 37:8

Ippoochee wohe; kaaree shiixxoon qaye; gondooch neen bechemmo bi tunetoyich ippeyaahine.

Shoddo 50:20

Kotaachaa ne manoon gondiihine; ne indee bushoonoo oonnehine.

Shoddo 64:3

Boonoshi heciyoon goraadoochoommon aciiheete; boonoshi yibbaatoon xuppattechi shangoochoommon awureheete.

Shaahiyoo 10:12

Shixo kaaroon tiijjiye; tunebaani shunoo xuꞌo bullin qeriye.

Shaahiyoo 10:18

Bi shixon aachiibeeto koote yibbaatechone; oonoon kichiibeeto mullaalloone.

Shaahiyoo 14:17

Kaatee kaareebeeti asho, tuushe ashi shuunoon shuunehe; tunebaani ariyecho haaꞌiihe.

Shaahiyoo 18:8

Tippechochi yibbaatoo shaawi maayoommone; maaci ashittinooch beddaahaa giyiye.

Shaahiyoo 19:12

Taatoochi kaaro daaheree cidoommone; tunebaani bi aafoochaa gidoon dano, mocee toommeexi keetoommone.

Shaahiyoo 25:23

Dambi-waani yongo amiyon deebiye; oonnechi heciyoo asho ippemmoyich tuniihe.

Shaahiyoo 26:20

Mixo ciiregaata, qaaqqoo tahiye; tippecho aallegaata kaaro aqqehe.

Shaahiyoo 29:22

Sheenechi asho kaaroon booddiye; ippechoo wodde axaaxoon shuunehe.

Shaahiyoo 29:9

Mullechi asho tuushoona tookkii bi taggegaata, tuushoo kaare cooqqiremmone; diggoo daneyaachemmone.

Shaahiyoo 6:19

kootoon yibbaateebeeti koote miixoonaa, manaamaneenaꞌo daggooch hayoon booddiibeeti ashoononiye.

Dojjecho 7:9

Kaaroochi kote xaaꞌoo, mullaalleenaꞌochi mullo bi tunetoyich, kaaroyich afaafineyaahine!

Erimiyaasi 6:28

Boonoshi bulliyona oogeti hukkechinaꞌone; oonooch hammii beetinaꞌone; gooshoonaa xuuroonoomminaꞌone; duube mooyon tuniiheete.

Erimiyaasi 9:4

“Manoo bulli marecho bi tunetoyich, xiboo bulli oonecho bi tunetoyich, ittoshi bulli ittoshi xibeenaꞌon diqqeyaahote; ittoshi maneenaꞌonoo gibeneyaahote.

Mishiraachechinaꞌo 21:30

Arooba katemoo bulli caagehe; asheenaꞌo bulli boonoshi beetoochee wocee waa kiceeheete; Phawuloosin yechii geechiibee yaafee kexoyee maach kichii, bekkech yaafee kechi kelloon hicciyeete.

Roomi 3:14

Boonoshi noonooch ufonaa caamoona ceennitone.

1 Qorontoosi 14:20

Ta maneenaꞌote! Gonde mooyoyich nallefoon tunebotalli, gabee shappoona gaggereyaahote; gaboona dicciti ashoon tunebote.

1 Qorontoosi 5:8

Ebich xalle ibere mulloona shittoo giyaani koshonalli, xuꞌoonaa gondoona ceenniti mulloona shittoo giyiti bukoona hini baaroon baaraayone.

2 Qorontoosi 12:20

Ittoshi waan ta waahooba, diqqich ta gabitoommon tuneree daneyaachemmo ittoshine; tawoo wotta ittoshi gabitoommon tuneree daneyaachemmo taane. Hayo, qanaato, kaaro, “Ta besh taane” geto, oono, ashi shigee shaaꞌiyoo, geecoo, cangecho ittoshi waan beemo qayaache iyaꞌa shattaabeeto taane.

Galaati 5:20

shahalloyich goyinno, iicoo (qaaxo), shixo, hayo, qanaato, kaaro, beshi bekkiya geto, barbaroo, iberoochee muricciꞌi bare guuphon halloo,

Efesooni 4:22

Ebich aafi ittoshi beemon gabibee dachiibeeti qaatoona duubeebeeti wonnee qocoon ittoshi waanee shootote.

Efesooni 4:25

Ebich kootoon ittoshi waanee wokkiibote; no bulli ikke ashittinee quumo no tunetoyich, ittoshi ikkikkoona ittoshi maneenaꞌona tookki iberoon yibbaatebote.

Efesooni 4:26

Ittoshi kaare gaatoona, ebi ittoshi kaaro axaaxooch ittoshin bechiibeeto tunaaye; ittoshi kaaree daggooch aabo giyaaye.

Qolaasiyaasi 3:19

Keneenaꞌote, ittoshi mecheenaꞌon shunote; sheeniibeeto tuneyaahote.

Qolaasiyaasi 3:8

Tunebaani and wotta kaaroonaa ippoonon, gonde mooyon, naagoonoo, yeelliibeeti yibbaatoonoo, eboshi bullin wokkiibote.

1 Ximootiyoosi 3:11

Ebiyoommon genneenaꞌo asho bulli oogii beetinaꞌo, oonaaneenaꞌo, dagg tate gaawe shuriyechinaꞌo, mooyo bullina gibeneetinaꞌo tunebeete.

1 Ximootiyoosi 3:3

masheyaano, damoo gufeyaano, shiimecho, hayeyaano (nabeyaano), gijjoyich dakaano,

1 Ximootiyoosi 5:13

Ebichi toommooch gafee kelloon koyibee shuunee biishon doyemminaꞌone; shuunee biisho baach toonoone; tuneyaani mooyon yibbaatebee oonechinaꞌonaa ashi mooyooch giyechinaꞌona tunemminaꞌone.

2 Ximootiyoosi 2:23

Wotta kaaroon deebemmo bi tunoon ariiree gaacaalli duube gajjiteyoochee wohe.

2 Ximootiyoosi 3:3

ashoon shunaaneenaꞌo, ashich maaroon imon shunaaneenaꞌo, oonechinaꞌo, boonoshi qelloon quyeyaaneenaꞌo, maacmanjeenaꞌo, deꞌe mooyon shunaaneenaꞌo,

Titoosi 1:7

Hini are kittinnee guuphon yaabii qeejjiibeeti geeno Yeerichi shuunoon kaachi bi shuunemmoyich, gonde mooyona oonneyaano, geecaano, kaatee kaareyaano, masheyaano, damoo gufeyaano, gijjoon hiriggaano tunebe.

Titoosi 2:3

Ebiyoommon wotta geene genneenaꞌo boonoshi qocoona Yeerich diireetinaꞌo, oonaaneenaꞌo, wodde woyinee uyoon wotaaneenaꞌo, deꞌe mooyon dojjii beetinaꞌo boonoshi tunemmoyich ciice.

Yaaqobi 1:19

Ta shunnaabeeti ta maneenaꞌote! Ebin shalligibote. Asho bulli waayoyich afaafinecho, yibbaatoyich nibbecho, kaaroyichoo nibbecho tunebe.

Yaaqobi 3:14

Tunebaani kupphe qanaatoonaa beshi bekkeya getona ittoshi mullooch bi beegaata, ariyechon shaahiree geeciyaahote; iberee toommoochoo koottaahote.

Yaaqobi 4:11

Ta maneenaꞌote! Ittoshinaa ittoshina ooneyaahote; bi manoon oonniibeeto, bi oonniibeeto sheerooniye; bi manoo toommooch nallii beetoo, bi nalliibeeto sheeree toommoochiye. Wotta sheeree toommooch ne nalligaata, nallee gabberooch koteto nealli, sheeroon quyeebeeto toono neene.

1 Pheexiroosi 2:1

Illa gondo bullin, dawushoo bullin, mullee xalloo shaahoon, qanaatoon, oono bullinoo ittoshi waanee wokkiibote.

1 Yowannisi 3:12

Qayeeliyoommon tunaayone; aroo gondoochi nihoo magechone; aroo bi hajjee manoon wuxiye. Amoyichiye bi wuxito? Bi hajjee shuunoo gondo, bi manoochi shuunoo cadiqo bi tunetoyichiye.

1 Yowannisi 3:15

Bi manoon shixxiibeeto bulli ashoon wuxitoommone; ashoon wuxito bulli, bulli yemeenee kasho biich aallo bi tunoon ariibeeto ittoshine.

Yaaꞌoo 12:10

Oogeti qaaro shimaajji taatee xaaꞌoochaa ishichii beeton waayeho: “And no Nuggishoo bi asheenaꞌon wodiitone; ooge bi giidoon bekkiibee taatemmone; bi kaacciti Kiristoosiyoo tiyi bullin hajjemmone; no Nuggishoo aafoochaa areddoonaa xumoonon no maneenaꞌon taggeebeeti taggecho shimaayoochee duppetone.