Efesooni 4:30 - Kafa Linguistics Project

³⁰ Yeeri ittoshin biishemmi aabo woyemmo tunoon xiishiibeeti yechiyoo, ebiyoo ittoshi toommooch malletoon tuniiꞌi Yeeri gedditi bi Yaafe Ayaanoon ayinikkiyaahote.

Efesooni 4:30 ပူးပေါင်းရင်းမြစ်များ

Halloo 6:3

Arooba Doono Yeeri “Asho qitemmo bi tunetoyich, ta Ayaano ashoona tookki bulli yemeenoon beetaachemmone. Asho ebiyee bekk bi beeyemmo balli hiye natoniye” iye.

Halloo 6:6

ashoon showee toommooch bi hallitoyich ayiniye; bi mulloonoo tuummiye.

Shoddo 78:40

Meeti aaboon barahoochaa bi toommooch tiyiyeete; barahoochaa biin ayinikkiyeete.

Shoddo 95:10

Are shiijjeroon aabbe naton kaarehoye; “Mullo xoobbiti asheenaꞌone; ta getoon quyeyaaneenaꞌone” iyoye.

Isiyaasi 43:24

Gaawe cinnechi ixaanoon gijjoona taach kemeyaano neene; ne deejjee awuyona taan michiyaano neene; tunebaani ne axaaxoona taach shaagoon tunehine; ne xuꞌoonoo taan taahiihine.

Isiyaasi 63:10

Tunebaani boonoshi bi toommooch hukkoon shuuneꞌi bi Yaafe Ayaanoon ayinikkiyeete; ebich wotteꞌi boonoshich ettoon tunehe; bi qelloona bi, boonoshin kochiye.

Isiyaasi 7:13

Isiyaasiyoo ishichiye: “Daawitichi yareenaꞌote, waayebote. Ashoon ittoshi taahiito giishetaa wotta ta Nuggishoon taahiiya iyote?

Hiziqeeli 16:43

“ ‘Ne bushittinee gooroon gaboo ne qajjetoyich, ne shuuneti mooyo bullinoo taan ne ippiitoyich, ne shuunetoommon neech shuunemmo taane; bare ciigiiti ne mooyo bulli toommooch yahoon meechaane neene? iye Nuggishoo Doono Yeeri.

Hosee'i 13:14

Maash hamoochee boonoshin biishe echiyehote? Qitee giidoochee boonoshin shiwe wodiyehote? Qitoocho, ne naxeenaꞌon yeshi wobe! Maashoocho, ne aalliyoon yeshi wobe! Ebiyee bekk boonoshich ariqqeyaachemmo taane.

Maariqoosi 3:5

Yesuusi boonoshi mullo muumetoyich oogichii ayiniꞌi bi guudoona beetinaꞌon kaaree aafoona ciinniye. Uroonoo “Ne kishoon yaggibe” iye. Biyoo yaggiye; bi kishoo wotteꞌi iiwehe.

Luqaasi 21:28

Ebi mooyinaꞌo tiyiyooba, Yeeri ittoshin biisheree bi wodiyemmi aabo bi katinnitoyich, kaama neexeechi damba wochiree ciinote” iye.

Yowannisi 3:33

Bi miixee beeton iberiito, Yeeri iberoo bi tunoon miixetone.

Mishiraachechinaꞌo 7:51

“Illa hini ittoshi mullo muumeti, ittoshi waamoo ulleti babbereenaꞌote! Ittoshi qaabbechinaꞌochoommon ittoshiyoo wotta bulli aaboon Yaafe Ayaanoyich deꞌa getaano ittoshine.

Roomi 8:11

Ebiyoommon wotta Yesuusin qitoochee tiijjiti Yeeri immiibeeti bi Ayaano ittoshi mullooch bi beegaata, Kiristoos Yesuusin qitoochee tiijjito, ittoshi mullooch beeti bi Ayaanoona qitemmi ittoshi ashittinoyich wotta kashoon immemmone.

Roomi 8:23

Halleenaꞌo ikkeetinaꞌo baach tooneenaꞌone; shiichiti wojjoon tuniiꞌi nooch Yeeri immiti Yaafe Ayaano nooch beeti no, no qelloona wotta no ashittinee biicheyoon, ebi getoo Yeeri bi bushoo no tunoon bi bekkiyoon quyaabee, no maacoona gaashillaabeeto noone.

1 Qorontoosi 1:30

Tunebaani Yeeri ittoshin Kiristoos Yesuusina tookkii ikkochitone; ebich Yeeri biin nooch shalligoo, cadiqoo, yaafoonaa biishechona tuniitone.

1 Qorontoosi 15:54

Hini oqqemmi ashittino oꞌaachemmon bi tahehooba, hini qitemmi ashittino qitaachemmon bi tahehooba, “Qitoo wudee danoona qoochehe” getaa kooreeto ceennemmone.

1 Tasaloonqi 5:19

Yaafe Ayaano shuunemmoyich gommon bajjaahote.

Hibireena'o 10:29

Illa Yeerichi Bushoon qallayito, bi axaaxoochee bi yaafeeti, ebi andire Yeerichi wogoon manjiibeeti Yesuusichi damoon hoxeeti mooyoommon tuniiꞌi haddito, Yeerichi wojjoon bi daneti Yaafe Ayaanoon naaggito, amoon tunemmo ittoshich shaahii beete? Am shaahoon beshe shattii, giiriiti naxo bi toommooch kindemmo tunehe?

Hibireena'o 3:10

Ebich are shiijjeroon kaarehoye; ‘Bulli aaboon taan dabboon qajjiyeete; ta gommon ariyaaneenaꞌone’ iyoye.

Hibireena'o 3:17

Aabbe naton Yeeri boonoshi toommooch kaaretinaꞌo, aaboshine? Axaaxoon shuuneꞌi boonoshi dubeno barahooch dihii echetinaꞌo, tooneenaꞌone?

Woraaferasheenaꞌo 10:16

Aroochee dallaawe nuggisheenaꞌon boonoshi daggoochee wokkiichii, Doono Yeerich goyinnee maddeheete. Doono Yeeriyoo Israꞌeeleenaꞌochi duꞌoyich oogeton ayiniye.