Efesooni 4:29 - Kafa Linguistics Project

²⁹ Waayee beetinaꞌoyich diiroo tunemmi, asheenaꞌon eenniyemmi, boonoshichoo gaaccemmi gaaweti mooyon getotalli, amee gonde mooyolla ittoshi noonoochee kechaaye.

Efesooni 4:29 ပူးပေါင်းရင်းမြစ်များ

Shoddo 45:2

Ne, ashoyee beshe malletecho neene; ne noonoochee shaawi yibbaatoo kechiye; ebich Yeeri bulli yemeenoon neen diiritone.

Shoddo 5:9

Boonoshi noonooch iberoo aalloone; boonoshi gaboo aalliyoo baachiye; boonoshi qettoo qecheeti maashee oppoommone; boonoshi heciyoona dawushiyeete.

Shoddo 52:2

Ashoon aalliyoyich gondoon gabihine. Ne heciyoo aci appoommone; dawushoonoo aricheto neene.

Shoddo 71:24

Ta iriteyoon qaawitinaꞌo, boonoshi yeelletoyich, cooneetoyichoo, heeyo bullin, ne cadiqittinoon yibbaatemmo taane.

Shaahiyoo 12:13

Gonde asho gonde bi yibbaatoona yechehe; tunebaani cadiqo iritoochee muricciye.

Shaahiyoo 15:23

Tatoona wocheeti wochoo ashoon emirikkiye; qaaweeti goorooch getteeti qaaro am shaahe gaawetone!

Shaahiyoo 15:7

Mullecho ariyoon gamichiye; tunebaani mullaallo ebiyoommon tuniyaache.

Shaahiyoo 16:21

Mullechi asho shalligecho getteyemmone; shaawi yibbaatoo ariyoon daakkiye.

Dojjecho 10:12

Mullechochi noonoochee kechiibeeti qaaro biin oogiihe; tunebaani mullaalloochi noonoochee kechiibeeti qaaro biin aalliihe.

Isiyaasi 50:4

Taahitinaꞌon, qaaroona kupphiyoon ta ariyemmoyich, Nuggishoo Doono Yeeri ariyechi heciyoon taach immitone. Maaddoona taan tokketoochee tiijjiye; doyechochoommon ta ellemmoyich ta waamon qechiye.

Maatiyoosi 5:16

Ebiyoommon asheenaꞌo ittoshi deꞌe shuunoon beegiree shimaayooch beeti ittoshi Nihoo Yeerin boonoshi galletemmoyich, bekkoochoommon asho bullich bekkebote” iye.

Luqaasi 4:22

Asheenaꞌo bulli “Bi gettito iberoone” ii beeheete. Bi noonoochee kechiibeeti yibbaatee shaawon worganeꞌi, “Hini uro Yooseefichi bushoo toone?” iyeete.

Yowannisi 1:37

Gutte bi dabbeenaꞌo Yowannisi ishichoon waayeꞌi Yesuusin dabbii hammiyeete.

Roomi 14:19

Illa ebi tunegaata, diggoo halleyemmi mooyon, noonnaa noonnonoo eenniyemmi mooyon dabbibone.

Roomi 15:2

Kiristoosiyolla bi qelloon emirikkaanoone; Yaafe Macaafooch bi kooreetoommon, “Ne toommooch boonoshi qoonniti qoono ta toommooch kindiye” getaa kooreetoommon tunehe. Ebich no ikkikkoo kittinnee no manoon no eenniyemmoyich biich gaaccemmi gaawe mooyon shuuneree biin emirikkibone.

1 Qorontoosi 14:19

Tunebaani bareenaꞌon ta dojjemmoyich, kittinnee guuphi daggoochaa baribare noonoona aashire hume qaaroon ta yibbaatoyee, ta mulloona ariibee uuche qaaroon yibbaatoon shunnoye.

Efesooni 4:12

Ebin bi tuniito, Kiristoosichi quumo tuneti kittinnee guupho eennemmoyich, yaafeenaꞌon maddee shuunoyich qanniyoyichiye.

Efesooni 4:16

Ashittinee quumo bulli tatoona bi shuunemmoyich tuniibeeto Kiristoosine; quumeenaꞌo bulli gaweto maqqoonane; ebich quumo bi qelli qelloona bi yeshi yeshi shuunoon bi shuunemmona ashittino bulli diccii beetone; shunoonoo eennii beetone.

Qolaasiyaasi 4:6

Boonoshi ikkikkoyich aabichiree tatoona ittoshi wochemmo gaata ittoshi ariyemmoyich, ittoshi yibbaatoo bulli aaboon kiihochoommon nooccii beetonaa emirikkii beetona tunebe.

1 Tasaloonqi 5:11

Ebich and ittoshi wotta tunii beetoommon, ittoshinaa ittoshina ikkoo baroon goggiibe; ikkoo baroon eenniibe.

1 Pheexiroosi 2:12

Yeerin ariyaani asheenaꞌo ittoshin, “Gondoon shuunee beetinaꞌone” iꞌi boonoshi oonniteenona, ittoshi gaawe shuunoon beegiree, Yeeri nalloyich bi waammi aabooba biin boonoshi oogiyemmoyich, boonoshi daggooch ittoshi beemi qoco gaaweto tunebe.

1 Pheexiroosi 3:1

Mecheenaꞌote, ebiyoommon wotta ikkikke ittoshi keneenaꞌo Kiristoosichi wochoon iberiyaaneenaꞌo boonoshi tunegaata, noonoona getona tuneyaanoon, boonoshin oogiibee, gaawe qocoona ittoshi beemon boonoshich bekkiibee, ebi ittoshi gaawe beemi qoco boonoshin Kiristoos waan bi deebemmoyich boonoshich deꞌa getote.

2 Pheexiroosi 2:18

Geeciibee tuushee yibbaatoon yibbaatee beetinaꞌone; axaaxoona beetinaꞌo daggoochee muriccii kechii beetinaꞌon, bekkech batt boonoshi kecha iyaa, yeelliibeeti meechi qaatoona dawushii beetinaꞌone.