Efesooni 4:28 - Kafa Linguistics Project

²⁸ Gaajjiibee echeto ebiyee bekk gaajjaaye; ebi aree qoodoon iriteetoyich qoodi bi immemmo biich beeyemmoyich, bi hajjee kishoona gaaweton aayi shuunebe.

Efesooni 4:28 ပူးပေါင်းရင်းမြစ်များ

Iyoobi 34:32

Taach bekkeyaani ta axaaxoon taach arichiibe; xuꞌecho ta tunegaata, ebiyee gubb illa cuuqqoye’ bi getigaata gaawiye.

Keyo 20:15

“Gaajjaahine.

Keyo 20:17

“Ashi kexon, ashi mecheen, ashi guunon woyee bi gonneen, bi gattoon woyee bi kuroon, ashicho tuneto amoonolla qaatiyaahine” iye.

Keyo 21:16

“Ikke asho ashoon giidoona yechii bi kemigaata woyee bi waan kotiibee bi yechegaata, ebin tuniiti asho qitibe.

Shaahiyoo 13:11

Woddii aayaanoon daneti gijjoo kaate aallemmone; tunebaani giishii giishii kiceeti gijjoo woddemmone.

Shaahiyoo 14:23

Aayo bulliich gaacoo beetone; tunebaani koteechii woroo girooch geddiye.

Shaahiyoo 21:26

Heeyo bullin qaatiye; tunebaani cadiqo immiichii wotteyaache.

Shaahiyoo 28:13

Bi axaaxoon aachiibeeto aafeyaachemmone; tunebaani bi axaaxoon aanniꞌi, axaaxee shuunoon qajjiibeeto maareyemmone.

Shaahiyoo 30:9

Ebiyoo miyi neen ta nookkeyaachemmoyich, “Doono Yeeri konine?” ta getaachemmoyich, woyee gire ta gaayaachemmoyich, ta Nuggishoo ne shigoon ta naakkiyaachemmoyichiye.

Shaahiyoo 31:20

Bi kishoon girechinaꞌoyich yaggiyan; iriteetoyichoo beddahan.

Erimiyaasi 7:9

Gaajjiyote; wuxiyote; shaddiyote; kootoon wogehote; Baꞌaaloyich ixaanoon shookkiyote; ittoshi ariyaani bare nuggisheenaꞌon dabbiyote;

Hosee'i 4:2

Ufo, kooto, wuxoo, gaayonaa yahoona woddee hammiye. Damee ukkoo beshii beshii qeyiye.

Zakaariyaasi 5:3

Aroochee bi taach ishichiye: “Ebi arooch showee toommo bulliich woyemmi ufo kooreetone; ebi macaafooch ikke baddaa kooreetoommon gaajjiibeeto bulli aallemmone; wotta bare baddaa kooreetoommon, kootoon wogeebeeto bulli aallemmone.

Luqaasi 19:8

Tunebaani Zakiyoosi bulli aafooch neexeꞌi Doono Yesuusin “Ta Doonocho, taach beeto bulliichee qaton girechoyich wojjemmo taane; koninolla kootoon taggaꞌa ta deqqeto beegaata, awudde kishoon tuniiree wochemmo taane” iye.

Luqaasi 3:8

Illa ittoshi axaaxee gommoochee Yeer waan ittoshi wottoon bekkiibeeti shuunoon shuunebote. Wotta ittoshi mulloona ‘Abrahamichi bushiishoo noone’ getiree yebeneyaahote. Ittoshich gettoye: Hini xaqqeenaꞌoochee Yeeri Abrahamich bushiishoon halloon hakkiye.

Yowannisi 12:6

Ishin bi gettito, gaayo bi tunetoyichalli, girechinaꞌoyich ariqqeꞌi toonoone; gijje yeshe kolloon kalleꞌi kollee daggooch kicee beetoochee bi qellich bi deqqii beetoyichiye.

Yowannisi 13:29

Yihudi koolla yesho bi tunetoyich, ikkikkeenaꞌo Yesuusi “Baaroyich qaawiimmon kemebe” woyee “Girechinaꞌoyich ikke mooyon imbe” ito boonoshich shaahiye.

Roomi 12:13

Muccee iriteeti kittinnee maneenaꞌoyich ittoshich beetoochee qoodibote; iibbeenaꞌon iibbiyoyich kupphebote.

1 Qorontoosi 4:12

No hajjee kishoona shuunaabee maraataabeeto noone; ufenoo diiraabeeto noone; duꞌiitenoo haaꞌiibeeto noone;

2 Qorontoosi 8:12

Imoyich daaggiti asho bi beegaata, Yeeri qaawiibeeto, biich beetoochee imonalli, aalloochee toonoone.

2 Qorontoosi 8:2

Wodde xuuxoon beeggitinaꞌone; tunebaani amoommon boonoshi giretaanona, boonoshi emiroo besho bi tunetoyich, beshaa beshiiꞌi immitinaꞌone.

Galaati 6:10

Illa no hakkimmi aabo bullin asho bullich, ebiyeenoo boonoshi mulloon Yesuus Kiristoosi toommooch tooꞌiiꞌi ikke kechi ashoon tunetinaꞌoyich, gaawe mooyon tuniibone.

1 Ximootiyoosi 6:18

Gaawe shuunoon shuunebee, deꞌe shuunee gaannechon tunebote. Ittoshich beetoochee qoodoyich qannibote; kishoon maggiiree imbote.

Titoosi 3:14

No macceenaꞌo wotta aafaalloon tuneree boonoshi echeyaachemmoyich, boonoshich qaawiibeeti mooyo beeyemmoyich buushaarechi shuunee yeshon doyibeete.

Titoosi 3:8

Ebi bullich bi qaaro gibeneetone; mulloon Yeeri toommooch tooꞌiiti asheenaꞌo deꞌe shuunoon shuunoona boonoshi kupphemmoyich, eboshin gaawichiree gete. Ebi mooyo deꞌoone; asho bullichoo gaaccemmone.