Efesooni 4:25 - Kafa Linguistics Project

²⁵ Ebich kootoon ittoshi waanee wokkiibote; no bulli ikke ashittinee quumo no tunetoyich, ittoshi ikkikkoona ittoshi maneenaꞌona tookki iberoon yibbaatebote.

Efesooni 4:25 ပူးပေါင်းရင်းမြစ်များ

1 Taateenaꞌo 13:18

Tunebaani keemechi geene uro, “Tawoo neenoommi keemecho taane. ‘Koshon bi maayemmonaa aacon bi uchemmonoyich, wochiree ne kexooch biin deebe’ iꞌi maraakoo Doono Yeerichi qaaroona taach gettitone” iye; tunebaani bi ishichito, kootooniye.

Shoddo 119:29

Kootoon ta waanee wokkiibe; ne deꞌittinoona ne sheeroon taach dojjibe.

Shoddo 15:2

Bi shaaddo kaamoo, tate mooyon tuniibeeto, bi mulloochee iberoon yibbaateebeeto,

Shoddo 52:3

Deꞌoyee beshoon gondoon, iberoon yibbaatoyee beshoon kootoon shunnehine.

Keyo 23:7

Koote taggoon ashi toommooch yaaqqaahine. Xuꞌo bi toommooch aalli, kaame ashoon wuxiyaahine. Ebiyoommi gondoon shuuneebeeti ashoon maaraachemmo taane.

Shaahiyoo 12:17

Iberoon yibbaateebeeto, tate miixoon miixehe; tunebaani koote miixoo kootoon koottiye.

Shaahiyoo 12:19

Ibere heciyoo bulli yemeenoon manjii beehe; tunebaani koote heciyoo yagaanoone.

Shaahiyoo 12:22

Doono Yeeri kooteenaꞌon ciigehe; tunebaani ibere asheenaꞌona emiriye.

Shaahiyoo 21:6

Kootaa daneebeeti gaanno, kaatee aalleebeeti hiinnoommo, wuxiibeeti shaachoommone.

Shaahiyoo 24:28

Ne giyoo toommooch naboo aalloon cikki miixeyaahine; ne noonoonoo dawushiyaahine.

Shaahiyoo 6:17

geecechi aafo, koottiibeeti heciyoo, xalle damoon ukkiibeeti kishoo,

Shaahiyoo 8:7

Iberoon yibbaateebeeti taane; ta noonoo gonde mooyon yibbaatoon ciigehe.

Isiyaasi 63:8

Doono Yeeri ishichiye “Iberoochaa boonoshi ta asheenaꞌo, taach kootaachemmi ta bushiisheenaꞌone” iye; boonoshichoo Wodiyechon tunehe.

Isiyaasi 9:15

Qelleenaꞌo geeneenaꞌonaa moogeeti asheenaꞌona tunemmona ceereenaꞌo kootoon dojjiibeeti keemechinaꞌone.

Hosee'i 4:2

Ufo, kooto, wuxoo, gaayonaa yahoona woddee hammiye. Damee ukkoo beshii beshii qeyiye.

Leweenaꞌo 19:11

“ ‘Gaajjaahote. “ ‘Dawushiyaahote. “ ‘Ittoshi daggoochee ikkoo baroyich koottaaye.

Zakaariyaasi 8:16

Ittoshi tuniyemmi mooyinaꞌo eboshine: Ittoshinaa ittoshina ibere yibbaatoon yibbaatebote; ittoshi addibaaboochaa diggoon deebemmi, ibere nalloon nallibote.

Zakaariyaasi 8:19

“Awuddinnee agenooch, uuchinnee agenooch, shabaattinnee agenoonaa aashirinnee agenoonooch coomeebeeti coomoo Yihudee asheenaꞌoyich emiree baaree aabo, emiroona wucwuci baaree aabo tunemmone. Tunebaani ittoshi iberittinoonaa diggoona beemonon shunote” iye.

Yowannisi 8:44

Ittoshiyoo, ittoshi nihoo daabiloosichi bushiishoo ittoshine; ittoshi nihoochi qaatoon ceechoon shunniyote. Biyoo shiichiꞌi kashee kichechone; iberoo bi maacooch bi aalletoyich, iberee gommooch neexeyaanoone. Biyoo kootecho, kooto bullichi nihoone; ebich kootoon bi gettii beegaata, bi mullooch beeton gettiye.

Roomi 12:5

Ebiyoommon no wotta meeto tunaachaa Kiristoosina ikke ashittino noone; noonnaa noonna no ikkikkoo bareenaꞌochi quumo noone.

1 Qorontoosi 10:17

Kosho ikkoo bi tunetoyich, hini are koshoochee qoodeebeeto no tunetoyich, no meettetaanona, ikke ashittino noone.

2 Qorontoosi 7:14

Ittoshich taach beeti geecoon ebiyee aaf biich getteto taane; ittoshiyoo taan yeelliyaano ittoshine; ittoshich getteeti mooyo bulli iberoo bi tunoommon, ebi ittoshichon Titoosich no getteti geecoo iberoo tuneꞌi danetone.

Efesooni 4:15

Ebiyeenoo, iberoon shunoona yibbaatebee shimbo tuneti Kiristoosin shaahoyich bulli mooyona diccemmo noone.

Efesooni 4:22

Ebich aafi ittoshi beemon gabibee dachiibeeti qaatoona duubeebeeti wonnee qocoon ittoshi waanee shootote.

Efesooni 4:31

Caamittino, ippo, kaaro, caagoonaa naagoona, gondo bullina tookki ittoshi waanee ciroona wohe.

Qolaasiyaasi 3:8

Tunebaani and wotta kaaroonaa ippoonon, gonde mooyon, naagoonoo, yeelliibeeti yibbaatoonoo, eboshi bullin wokkiibote.

Qolaasiyaasi 3:9

Wonnee geene ashoon bi shuunoona tookkii shoottiꞌi, andire ashoon ittoshi tahetoyich ittoshinaa ittoshina kootoon yibbaateyaahote.

1 Ximootiyoosi 4:2

Ebiyoommi doyoo bi waa beeto, gaamiti xuuroona micciti ashittino dingiraatoommon, boonoshi mullo dingiraateti, maacaa xalloo shaahiibeeti kooteenaꞌo waaneeniye.

Titoosi 1:12

Qerixeesee asheenaꞌochi daggeexi ikke keemecho “Qerixeesee asheenaꞌo bulli aaboon kooteenaꞌo, gonde cooxoomminaꞌo, maayi buujjeenaꞌonaa shuuna biisheenaꞌonane” iꞌi,

Titoosi 1:2

Ebi mullee tooꞌiyoonaa iberoon ariyoona bulli yemeenee kashoon danee gibenee toommooch neexetone; ebi kashoyichoo kootaani Yeeri, yemeeno bulliyee aaf gibenikkitone.

Hibireena'o 12:1

Illa ebi shaahe miixeenaꞌo quboochoommon no guudoona boonoshi beetoyich, no wotta shaago bullin, kaafi noon yechemmi axaaxoonoo wokkiibone; no mullee tooꞌiyee shimboonaa tuggoonon tuneti Yesuusin ciinibee, noyee aaf beeti gommon haaꞌiyoona wocone. Biyoo gubb bi danemmi emiroon ciinniꞌi, masqalee toommooch qitoo yeelliibeeto bi tunetaanoona, yeelleyaanoon bi haaꞌiitoyee gubb and Yeerichi taatee qeenooch qanne badd kotetone.

Yaaqobi 1:21

Ebich tiyaariibeeti shuunoo bullinaa gonde qoco bullinon bayiichi, ittoshi kashoon wodiyoon hakkiibeeti, Yeeri ittoshi mullooch bechiti qaaroyich ittoshi qelloon yittiiree deꞌa getote.

1 Pheexiroosi 2:1

Illa gondo bullin, dawushoo bullin, mullee xalloo shaahoon, qanaatoon, oono bullinoo ittoshi waanee wokkiibote.

Yaaꞌoo 21:8

Tunebaani shateenaꞌo, Kiristoosi toommooch mulloon tooꞌiyaaneenaꞌo, gonde mooyon shuunoona eeꞌetinaꞌo, ashoon wuxitinaꞌo, shunimaayeenaꞌo, iicechinaꞌo (qaaxechinaꞌo), shahalloyich goyinnee beetinaꞌo, kooteenaꞌo bulliyoo duppeyemmi xaaꞌoo qaaqqoonaa waageroona micciibeeti baharoochiye; ebiyoo guttinnee qitoone” iye.

Yaaꞌoo 22:15

Kunaaneenaꞌo, kaayechinaꞌo, shunimaayeenaꞌo, ashoon wuxii beetinaꞌo, shahalloyich goyinnee beetinaꞌo, kootee kooton shunnii beetinaꞌonaa kootee kooton doyitinaꞌo bullinoyich hini are katemeech gimo ciroona daaggeyaache.

Woraaferasheenaꞌo 16:11

Samsooniyoo “Ebiyee aaf shuunee toommooch heeyaani andire woderoona taan boonoshi cuyigaata, giidoon qacheree bare ashoommon tunemmo taane” iye.