Efesooni 4:23 - Kafa Linguistics Project

²³ Ittoshi gaboonaa ittoshi ayaanoona andirebote.

Efesooni 4:23 ပူးပေါင်းရင်းမြစ်များ

Shoddo 51:10

Yeero, xalle mulloon taach hallibe; andiroonaa kaamoona tuneti ayaanoon taach imbe.

Hiziqeeli 11:19

Qoodeyaani mulloon boonoshich immemmo taane; boonoshi kashooch andire ayaanoon kotiyemmo taane; xaqqoommi boonoshi mulloon kichiichi meechi mulloon boonoshich immemmo taane.

Hiziqeeli 18:31

Ittoshi xuꞌoon okk dufote; andire mulloonaa andire ayaanoona ittoshich beebe. Israꞌeelee macceenaꞌote, amoyichiye ittoshi qitemmo?

Hiziqeeli 36:26

Andire mulloon ittoshich immemmo taane; andire ayaanoonoo ittoshi kashooch kotiyemmo taane; xaqqee mulloon ittoshi meechi daggoochee kichemmo taane; meechi mulloon ittoshich immemmo taane.

Roomi 12:2

Gaawetonaa biin emirikkii beetona, shappaalloonoo tuneti Yeerichi daaggoon xiishii ariyoon ittoshi hakkemmoyich, Yeeri andire mulloon bi imaa andirebotalli, hini alemeexi asheenaꞌochi mooyon dabbiyaahote.

Roomi 6:4

Illa Nihoo Yeeri bi oogee yiiroona Kiristoosin qitoochee bi tiijjitoommon, ebiyoommon wotta noonoo bi tiijjaa andire kashoona shaꞌebee no beeyemmoyich, Kiristoosi qitoona ikkoo tunaꞌa no afaalleyoona biinna tookkaa duukkehone.

Roomi 8:6

Meechi mooyon gabiibeeti asho qitoochiye bi shaggemmo; tunebaani Yeerichi Ayaaneechon gabiibeeti asho kashoonaa diggoonon danemmone.

Efesooni 2:10

Yeeri halliti halloo noone; Kiristoos Yesuusina and noon bi hallito, shiichiꞌi bi qanniiti gaawe shuunoon shuunebee no beeyemmoyichiye.

Qolaasiyaasi 3:10

Ebi andire asho Yeeri bi hajjee shaahoon bi tunemmoyich, biinoo ariyooch bi beddemmoyich bi andiriibeeti ashoone.

Titoosi 3:5

noon bi wodiito bi maaree beshoonalli, no shuuneti cadiqee shuunoona toonoone; noon bi wodiito guttinnee shiijjoon no daneti machoonaa Yaafe Ayaanee andiriyoonane.

1 Pheexiroosi 1:13

Illa shuunoyich cuye tiyiree qannibote; ittoshi qelloon quyoona beebote; Yesuus Kiristoosi bekkehooba ittoshi danemmi wojjoon ceenoona gibenebote.