Efesooni 4:22 - Kafa Linguistics Project

²² Ebich aafi ittoshi beemon gabibee dachiibeeti qaatoona duubeebeeti wonnee qocoon ittoshi waanee shootote.

Efesooni 4:22 ပူးပေါင်းရင်းမြစ်များ

Iyoobi 22:23

Beshe Hakkechi Yeer waan ne wottegaata, wonnee ne beemooch wottemmo neene; gonde shuunoonoo ne kexoochee ne wokkiigaata,

Shaahiyoo 11:18

Gonde asho daneebeeti mooyo gaacaalloone; tunebaani deꞌe mooyon tuniibeeto, gaawe gatiyoon danehe.

Erimiyaasi 17:9

“Ashi mullo, bulliyee beshe marecho, wottoo oogeti gondoone; ebin koni shalligoo hakkehe?

Erimiyaasi 49:16

Manje xaqqee daggooch kotetocho, guudi cilloon yechetocho, ne shattiyoonaa ne mullee geecoona neen dawushitone. Booyochoommon ne kexon ne hashakkaayiteenona, aroochee neen kindiyemmo taane” iye Doono Yeeri.

Abidiyi 1:3

Ne geecoo neen dawushitone. Ne inde katemoo manje xaqqoona uxereetone; ne beeyi xaaꞌoo guudi cullullooch shuuneetone; ebich newoo ne mulloona ‘Hiniichee taan geechi kindiyemmo konine?’ ii gabiibeeto neene.

Roomi 6:6

Axaaxee gommo waan yeepphiibeeti gonde qaatoo ciroona aallemmoyich, Kiristoosi masqalooch bi yooddehooba, wonnee geene no mullo biinna tookkii yooddeꞌi bi qitoon ariibeeto noone; ebi tuneto ebiyee bekk axaaxoyich no hajjeyaachemmoyichiye.

Roomi 7:11

Axaaxoo gommon daneꞌi sheeroo gettiibeeti gommona taan dachitone; are sheeroo gettiibeeti mooyona taan wuxitone.

2 Qorontoosi 11:3

Tunebaani dingero bi acona Hewaanin bi dawushoommon, diqqich ittoshi gaboo duubetaa Kiristoosich beeti ibere xalle ittoshi shunoon qajjemmo ittoshine iyaꞌa shattaabeeto taane.

Galaati 1:13

Ebiyee aaf Ayihudeenaꞌochi maddee doyoommon aabichaꞌa ta beeto gaata waayeto ittoshine; bulliyee beshiiꞌa Yeerichi kittinnee guuphon duꞌiyoonaa aalliyoonoyich qiiccoona beehoye.

Efesooni 2:3

Arooba ebi asheenaꞌo daggooch no bulli wotta no meechi daaggoommonaa no mullee daaggoommonon tuniyaabee, no meechi qaatoommona beehone; bareenaꞌo bullichoommon wotta Yeerichi kaaree shiixxoo no toommooch kindemmi asho tunaꞌa beehone.

Efesooni 4:17

Illa Aageteenaꞌo duubeti gaboona boonoshi beemoommon, ebiyee bekk ittoshiyoo ebiyoommon duubeti gaboona ittoshi beetaachemmoyich Doono Yesuusina ittoshin manjii ciiccaabeeto taane.

Efesooni 4:25

Ebich kootoon ittoshi waanee wokkiibote; no bulli ikke ashittinee quumo no tunetoyich, ittoshi ikkikkoona ittoshi maneenaꞌona tookki iberoon yibbaatebote.

Efesooni 4:31

Caamittino, ippo, kaaro, caagoonaa naagoona, gondo bullina tookki ittoshi waanee ciroona wohe.

Qolaasiyaasi 2:11

Ittoshiyoo biicho ittoshi tunoona, dokireeto ittoshine. Ebi ittoshi dokkireyoo, axaaxoo waan gaꞌeebeeti gonde shuriyoon shootoyich, Kiristoosina tunetoꞌani ashi kishoona tuneto toonoone.

Titoosi 3:3

Ebiyee aaf no wotta mullaallo, deꞌa getaano, muriccaabeeto, baribare meechi qaatoonaa meenon emirikkoonoyich guunochoommon hajjeebeeto, gonde moochecho, ashi wodoon shixxaabeeto, ashoona shichaa beeto, noonnaa noonna mateebeeto noone.

Hibireena'o 12:1

Illa ebi shaahe miixeenaꞌo quboochoommon no guudoona boonoshi beetoyich, no wotta shaago bullin, kaafi noon yechemmi axaaxoonoo wokkiibone; no mullee tooꞌiyee shimboonaa tuggoonon tuneti Yesuusin ciinibee, noyee aaf beeti gommon haaꞌiyoona wocone. Biyoo gubb bi danemmi emiroon ciinniꞌi, masqalee toommooch qitoo yeelliibeeto bi tunetaanoona, yeelleyaanoon bi haaꞌiitoyee gubb and Yeerichi taatee qeenooch qanne badd kotetone.

Hibireena'o 3:13

Tunebaani ittoshi daggoochee kittinnoo koniyoona axaaxoona dacheeree mulli manjoo bi tuneyaachemmoyich, “Hanaacha” getaa bi ceekkee beegaata, qemi qemona ittoshinaa ittoshina ikkoo baroon kupphiibe.

Yaaqobi 1:21

Ebich tiyaariibeeti shuunoo bullinaa gonde qoco bullinon bayiichi, ittoshi kashoon wodiyoon hakkiibeeti, Yeeri ittoshi mullooch bechiti qaaroyich ittoshi qelloon yittiiree deꞌa getote.

Yaaqobi 1:26

“Yeerich goyinnaabeeto taane” ii beeti asho bi heciyoon quyo bi qayigaata, bi goyinno duuboone; bi qellooniye bi dawushii beeto.

1 Pheexiroosi 1:18

Ittoshi qaabbechinaꞌo waanee ittoshi woraashiti duube beemoochee ittoshi biisheeto, birewoochoommon woyee aachoochoommon aallemmi mooyona tuneyaanoon, bachaalli xalle bagoommon tuneti, Kiristoosichi aaxxe damoona bi tunoon ariibeeto ittoshine.

1 Pheexiroosi 4:3

Yeerin ariyaani asheenaꞌo tunii beetoommon, yeelliibeeti kaayo, meechi qaatoo, masho, qelloon battiibeeti duubo, beshiiꞌi uyonaa tiyaariibeeti gommona shahalloyich goyinnoona ittoshi beshiiti yemeeno illa beddiye.

2 Pheexiroosi 2:13

Boonoshi gonde shuunoommona qochetaa xuuxoon beeggemminaꞌone; areddee aaboona meechi qaatoon ceechoo boonoshich oogeti emiroone. Gifirooch boonoshi beegaata kiineenaꞌonaa eeꞌeenaꞌona tuneꞌi buuraaqiibee ittoshi ikkittinee madooch tookkii kotee beetinaꞌone.

2 Pheexiroosi 2:7

cadiqo tuneti Looxiyoo boonoshi daggooch beebee boonoshi hukkee shuunoon beegonaa waayoona qemi qemona oogeton xuuxeebee ebi are hukkechinaꞌochi yeelliibeeti qocoona oogeton iriteeti are cadiqe uro Looxin bi wodiitoyee;

1 Saameeli 1:14

Biyoo “Aati wottooniye ne mashe beeyemmo? Ebi woyinee uyoon ne waanee wokkiibe” iye.