Efesooni 4:12 - Kafa Linguistics Project

¹² Ebin bi tuniito, Kiristoosichi quumo tuneti kittinnee guupho eennemmoyich, yaafeenaꞌon maddee shuunoyich qanniyoyichiye.

Efesooni 4:12 ပူးပေါင်းရင်းမြစ်များ

Luqaasi 22:32

Tunebaani ta toommooch ne mullee tooꞌiyoon ne qayaachemmoyich corootito taane; ta waan ne wottehooba ne maneenaꞌo mulloon kupphiibe” iye.

Mishiraachechinaꞌo 1:17

Hini are Yihudi no daggooch bacceeꞌi no shuunee gogecho tunetone” iye.

Mishiraachechinaꞌo 11:23

Biyoo hammii Yeeri bi wojjoon hini asheenaꞌoyich bi imon beeggiꞌi emiriye; boonoshi bullin, ceeni mulloona manjiree, Doono Yesuusichoo gibeneeree boonoshi beeyemmoyich ciicciye.

Mishiraachechinaꞌo 20:24

Tunebaani ta wocon ciichoonaa Doono Yesuus Kiristoosi ‘Yeerichi wojjee mishiraachee qaareechon miixebe’ iꞌi taach bi immiti shuunoon ciichoonon ta qaawaa beetoyich, ta kashoon cir aaxxiyaache.

Mishiraachechinaꞌo 20:28

Yaafe Ayaano yaabii qeejjechi geeno tuniiꞌi ittoshin ukkiriitone; illa ittoshi qellich, wotta qiddoo bi bagoon bi quyoommon Yeerichi asheenaꞌon shiimeꞌi quyoyich, ittoshi qelloon ariibote! Bi hajjee damoona bi biisheti Yeerichi kittinnee guuphon quyebote.

Mishiraachechinaꞌo 9:31

Arooba Yihudee showoo, Galiilee showoonaa Shamaaree showoo bullinooch beeti kittinnee guuphinaꞌo shatoochee kasheheete, manjiyeete; Doonoyichoo hajjeebee Yaafe Ayaanoona goggeebee qeyii qeyii meettiyeete.

Roomi 12:5

Ebiyoommon no wotta meeto tunaachaa Kiristoosina ikke ashittino noone; noonnaa noonna no ikkikkoo bareenaꞌochi quumo noone.

Roomi 12:7

Kittinneenaꞌon dego bi tunegaata, kittinneenaꞌon degona kupphebone; dojjoo bi tunegaata, dojjoona kupphebone.

Roomi 14:19

Illa ebi tunegaata, diggoo halleyemmi mooyon, noonnaa noonnonoo eenniyemmi mooyon dabbibone.

Roomi 15:14

Ta maneenaꞌote! Ittoshi, ittoshi qelloona deꞌittinoona ittoshi ceenon, ariyoona ittoshi ceenon, ikkoo baroon kaaree ciicon hakkemmo ittoshi tunoon, ittoshichon ta qelloona ta manjiiꞌa ariito taane.

Roomi 15:2

Kiristoosiyolla bi qelloon emirikkaanoone; Yaafe Macaafooch bi kooreetoommon, “Ne toommooch boonoshi qoonniti qoono ta toommooch kindiye” getaa kooreetoommon tunehe. Ebich no ikkikkoo kittinnee no manoon no eenniyemmoyich biich gaaccemmi gaawe mooyon shuuneree biin emirikkibone.

Roomi 15:29

Ittoshi waan waaree Kiristoos waanee daneebeeti ceeni wojjoon ittoshich qoodemmo ta tunoon ariibeeto taane.

1 Qorontoosi 12:27

Illa ittoshi Kiristoosichi ashittino ittoshine; ittoshi qelli qelloona bi ashittinee quumo ittoshine.

1 Qorontoosi 12:7

Tunebaani asho bi ikkikkoyich Yaafe Ayaanoon bekkiyee wojjoo icheebeeto tookki no gaachemmoyichiye.

1 Qorontoosi 14:12

Ebiyoommon wotta ittoshi Yaafe Ayaanee wojjoon kupphiiꞌi qaawiibeeto ittoshi tunetoyich, kittinnee guuphinaꞌon eenniyoyich tunemmi wojjeenaꞌon oogichiree qaawibote.

1 Qorontoosi 14:14

Baribare noonoona ta corootigaata, ta ayaano corootii beetone; tunebaani ta mullo daneti aafechi mooyo amolla aalloone.

1 Qorontoosi 14:26

Illa ta maneenaꞌote! Ikkooch ittoshi kiceehooba, ikkoo shoddehe; baroo wotta dojjiye; baroo Yeeri biich bekkiiti mooyon gettiye; baroo baribare noonoona yibbaatehe; baroo baribare noonoona yibbaateeton biichii wokkeelliye. Eboshi bulli kittinneenaꞌon eenniyoyich gaaccemminaꞌo tunebeete.

2 Qorontoosi 12:19

And beddaahaa ittoshi gabiibeeto, no qellichon taggeebeeto tuniiꞌiniye? No shunechinaꞌote! Kiristoosina tunaꞌa no gettaabeeto Yeeri aafoochiye; ebi bullin no gettaabeeto, ittoshin eenniyoyichiye.

2 Qorontoosi 13:11

Illa ta maneenaꞌote! Emiribote. Kaamoo tunebote. Ta ciicoon waayebote. Ikke mulloona tunebote. Diggoona beebote. Shunee Nuggishoonaa diggee Nuggishoona tuneti Yeeri ittoshina tookki tunemmone.

2 Qorontoosi 13:9

Hakka guutoo no tunetaa, ittoshi giidecho tunemmona noon emirikkiye; no corootaabeeto kaamoo ittoshi tunemmoyichiye.

2 Qorontoosi 3:8

Yaafe Ayaanee maddoo aroyee am shaahe beshaa beshe oogee yiirecho tunehe?

2 Qorontoosi 4:1

Ebich Yeeri bi maaroona hini shuunoon nooch bi immitoyich taahaachone.

2 Qorontoosi 5:18

Ebi bulli tuneto, Kiristoos waanaa tuneꞌi biinna tookkii noon shuniiti, shuniyee shuunoonoo nooch immiti Yeerinane.

2 Qorontoosi 6:3

Yeerich no maddaabeeti maddoo bare asheenaꞌona bi qoonneyaachemmoyich, ikke mooyona koninolla no tephaachemmoyich no qelloon quyaabeeto noone.

2 Qorontoosi 7:1

Illa ta shunechinaꞌote! Ebi gibeno nooch bi beetoyee, no meenonaa no ayaanoonon eeꞌiibeeti mooyo bulliichee no qelloon xalliibone; Yeerin shatibee, no yaafittinoon ceeno tuniibone.

Efesooni 1:23

Kittinnee guuphoo bi ashittinee quumoone; bulli mooyon bulli xaaꞌooch ceechiibeeti biinna ceennii beetone.

Efesooni 4:16

Ashittinee quumo bulli tatoona bi shuunemmoyich tuniibeeto Kiristoosine; quumeenaꞌo bulli gaweto maqqoonane; ebich quumo bi qelli qelloona bi yeshi yeshi shuunoon bi shuunemmona ashittino bulli diccii beetone; shunoonoo eennii beetone.

Efesooni 4:29

Waayee beetinaꞌoyich diiroo tunemmi, asheenaꞌon eenniyemmi, boonoshichoo gaaccemmi gaaweti mooyon getotalli, amee gonde mooyolla ittoshi noonoochee kechaaye.

Efesooni 4:4

Yeeri ittoshin bi ceegiyooba ikke gibenoyich bi ceeggitoommon, ittoshi bullich ikke Yaafe Ayaano beetoyich ikke ashittinee quumo ittoshine.

Qolaasiyaasi 1:24

Andoo ittoshi naboyich ta toommooch shaggiti iritoyich emiriyoye; ebiyoo Kiristoosichi ashittino tuneti kittinnee guuphochi naboyichiye; Kiristoosi xuuxetoommon bi shuunee naboona ta toommooch shaggiibeeti xuuxoon haaꞌiibee bi xuuxoon ceechiibeeto taane.

Qolaasiyaasi 1:28

Bullich no gettaabeeto Kiristoosichoniye. Asho bulli bi ikkikkoo Kiristoosina, bedditi ashoon bi tunetaa Yeer waan giddiyoyich ariyoo bullina asho bullin kaaraa ciiccaabee arichiibeeto noone.

Qolaasiyaasi 4:17

Arikiphaasichoo “ ‘Ne shuunemmoyich Doono neech bi immiti maddoon ceechoyich ne qelloon ariibe’ itone” getote.

1 Ximootiyoosi 1:12

Biich ta maddemmoyich taan kaacciꞌi gibeneeto tunii taan hadditi, giidoon taach immiti no Doono Kiristoos Yesuusin galletehoye.

2 Ximootiyoosi 4:11

Luqaasi baachiye taanna tookkii beeto. Maariqoosi shuunoona taan gaachaabeeto bi tunetoyich, biinoo yeshi wobe.

2 Ximootiyoosi 4:5

Tunebaani ne, bulli mooyona ne qelloon quyebe; xuuxo shagiyooba kupphebe; mishiraachee qaaroon getonoo kuxxaaye. Kiristoosich maddoyich ne waanee qaaweemmi mooyo bullin ceechiree maddebe.

Hibireena'o 13:17

Ittoshin yaabii qeejjii beetinaꞌoyich deꞌa getote; boonoshi getoonoo waayebote; ittoshichon Yeeri aafoochaa echeyemminaꞌo boonoshi tunetoyich, tokketaalli aafoona qeyiibee ittoshin gabii beetinaꞌone. Boonoshich ittoshi deꞌa getigaata, boonoshi shuunoon emiroonalli ayinoona tuniyaachemminaꞌone. Ayinoona boonoshi tuniigaata, ittoshich amoonolla gaacaache.

Hibireena'o 6:1

Kiristoosichi mooyon gettiibeeti aafi wocho, ebiyoo axaaxoochee xalliyoon hakkaani, gaacaalli doyoochee wotteꞌi, Yeeri toommooch mulloon tooꞌiyeechon, aacona afaalleyeechon, kishoon ashi toommooch kotiyeechon, qititinaꞌo timichon, Yeeri nallemmi bulli yemeenee nalleechon dojjoone. Ebi are aafi doyoon wochii wochii geton qayiichi, mullechi ariiti asheenaꞌoyich tunemmi doyooch beshebone.