Efesooni 4:11 - Kafa Linguistics Project

¹¹ Aroo ikkikkeenaꞌo mishiraachechinaꞌo, bareenaꞌo keemechinaꞌo, bareenaꞌo mishiraachee qaaree gettechinaꞌo, bareenaꞌoo qiddeenaꞌonaa dojjechinaꞌona boonoshi tunemmoyich asheenaꞌoyich wojjoon immiye.

Efesooni 4:11 ပူးပေါင်းရင်းမြစ်များ

2 Kiinoo 15:3

Israꞌeeleenaꞌoo meeti yemeenoon ibere Nuggishaalloon, dojjechi qeeshaalloon, sheeraalloonoo beebee echeheete.

Erimiyaasi 3:15

“ ‘Ta gaboo bullin ceechemmi qiddeenaꞌon ittoshich immemmo taane; boonoshiyoo ariyoona, shalligoonoo ittoshin qiddemminaꞌone.

Mishiraachechinaꞌo 13:1

Are Antsooki kittinnee guuphi asheenaꞌo daggooch keemechinaꞌonaa Yeerichi qaaree dojjechinaꞌona beeheete. Boonoshiyoo Barnabaasi, Aaꞌo getteebeeti Simooni, Qerenechi Luqiyoosi, Galiilee iraashoo Heroodisina tookkii dicciti Minaahi, Sawuli eboshine.

Mishiraachechinaꞌo 20:28

Yaafe Ayaano yaabii qeejjechi geeno tuniiꞌi ittoshin ukkiriitone; illa ittoshi qellich, wotta qiddoo bi bagoon bi quyoommon Yeerichi asheenaꞌon shiimeꞌi quyoyich, ittoshi qelloon ariibote! Bi hajjee damoona bi biisheti Yeerichi kittinnee guuphon quyebote.

Mishiraachechinaꞌo 21:8

Dechara tiyaꞌa, Qesaariya hammehon. Arooch Yerusaalemaa kaacheti shabaatte asheenaꞌo daggoochee ikkoo tuneti mishiraachee qaaree gettechi Filipphoosi kexooch giyaꞌa bi waan kotehon.

Roomi 12:7

Kittinneenaꞌon dego bi tunegaata, kittinneenaꞌon degona kupphebone; dojjoo bi tunegaata, dojjoona kupphebone.

1 Qorontoosi 12:4

Illa Yaafe Ayaanee wojjoo baribaroone; tunebaani immiibeeti Yaafe Ayaano ikkoone.

Efesooni 2:20

Mishiraachechinaꞌonaa keemechinaꞌona baashiti baashee toommooch hakketo ittoshine; kexon tuuggii neechiibeeti giimbee guummoo Kiristoos Yesuusine.

Efesooni 3:5

Ebiyoo wonnee yemeenooch bare shiijjereenaꞌo waan ashi bushiishoyich aricheyaanoone; tunebaani and yaafeeti bi mishiraachechinaꞌonaa keemechinaꞌonoyich bi Ayaanoona gaxxitone.

Efesooni 4:8

Ebich Yaafe Macaafoochaa, “Damba bi keyiyooba kecceti dofeenaꞌon yechiꞌi daammiye; asheenaꞌoyichoo wojjoon immiye” iye.

2 Ximootiyoosi 4:5

Tunebaani ne, bulli mooyona ne qelloon quyebe; xuuxo shagiyooba kupphebe; mishiraachee qaaroon getonoo kuxxaaye. Kiristoosich maddoyich ne waanee qaaweemmi mooyo bullin ceechiree maddebe.

Hibireena'o 5:12

And ebichi wottoon bareenaꞌon dojjiya bedo ittoshine; tunebaani ikke asho ittoshich Yeerichi qaaroon batt ikka getiree xepphooch beeti mooyinaꞌon bi dojjemmoyich wochinnoon ittoshich qaawiihe. Kupphe maayoon ittoshi maayemmi qoodoon gaggere bushiishoochoommon batt ittoshich qaawiibeeto ejjoone.

Yihudi 1:17

Tunebaani ta shunechinaꞌote! Ittoshi no Doono Yesuus Kiristoosi wocheti mishiraachechinaꞌo ebiyee aaf boonoshi gettiti qaaroon gabibote.

Yaaꞌoo 18:20

Shimaayooch beetinaꞌote, emiribote! Yaafeenaꞌote, mishiraachechinaꞌote, keemechinaꞌote, ittoshi toommooch bi tuniiti mooyo bullichi gaacoon Yeeri bi toommooch bi nallitoyich emiribote.

Yaaꞌoo 21:14

Are katemeechi uxeroo shuuneeto aaraa gutte xaqqeenaꞌo toommoochiye; ebi aaraa gutte xaqqeenaꞌo toommooch Bagoochi aaraa gutte mishiraachechinaꞌochi shigo kooreetone.