Efesooni 3:1 - Kafa Linguistics Project

¹ Ebich ta Phawuloosi, Kiristoos Yesuusicho ta tunetoyich ta cucheto Aageteenaꞌo ittoshicha iiniye.

Efesooni 3:1 ပူးပေါင်းရင်းမြစ်များ

Luqaasi 21:12

“Tunebaani ebi bulliyee shiichiree, ta naboyich ittoshin yechemminaꞌone; duuꞌiyemminaꞌone; Ayihudeenaꞌo kiceebeeti kechi nallechinaꞌoyich ittoshin beshiiree immemminaꞌone; boonoshiyoo ittoshin cuchiyemminaꞌone; taateenaꞌonaa iraasheenaꞌonochi aafoochoo ittoshin neechemminaꞌone.

Mishiraachechinaꞌo 21:33

Aroochee hume ginee iraashoo giddee Phawuloosin yechiꞌi, gutte sansalatoona bi cucheyemmoyich gettiye; aroochee are uro koni bi gaata, wotta amooni bi hallito gaatoo echehe.

Mishiraachechinaꞌo 23:18

Biyoo deꞌa iꞌi bushoon daammii, hume ginee iraashoon “ ‘Hini bushoo neech bi gettemmi mooyo beetone’ iꞌi, cucheti Phawuloosi ceekkiiꞌi taach bi imaa, deeboye” iꞌi gettiye.

Mishiraachechinaꞌo 26:29

Phawuloosi wochiꞌi, “Genjebe, qamine, ne ikkeeto tuneyaanoon, hanaach ta noonoochee waayee beetinaꞌo bulli, hini ta cucheyoyee damba, mooyo bullina taanoommon boonoshi tunemmoyich, Yeerin qollaabeeto taane” iye.

Mishiraachechinaꞌo 9:15

Tunetaa Doono Yesuusi wochiꞌi, “Hini uro meeti Aageteenaꞌoyich, taateenaꞌoyich, Israꞌeeleenaꞌoyichoo ta shigoon bi arichiyemmoyich taach ta kaacceti qiicoone. Ebich bi waan hambe;

2 Qorontoosi 1:6

Wotta iritoo no toommooch shaggiibeeto, goggoonaa wodoonon ittoshi danemmoyichiye; no goggaabeeto wotta, no toommooch shaggitoommi iritoo ittoshi toommooch shagigaata, goggeree haaꞌiyee hakkoon ittoshi danemmoyichiye.

2 Qorontoosi 10:1

Ta Phawuloosi, ta qelloona ittoshina tookkaa ta beehooba “gaꞌi deꞌo” getteeto, ittoshiyee ta wohiyooba “aaf kuppho” getteeto, Kiristoosichi shiimoonaa ariqqoona ittoshin qollaabeeto taane.

2 Qorontoosi 11:23

Kiristoosichi maddechinaꞌone? Geyechi ashoochoommon gettoye: Ta boonoshiyee besh taane; boonoshichoyee beshoon aajjeto taane; boonoshichoyee beshoon wodde wottoon cucheto taane; boonoshichoyee beshoon oogeton yexxeto taane; wodde wottoon qitoyich beddaahaa beddeto taane.

Galaati 5:11

Ta maneenaꞌote! Batt dokireebote iyaꞌa gettaabeeto ta tunegaata, ishigaata and beddaahaa asheenaꞌo taan duꞌii beeto amoyichiye? Ebin ta gettemmo gaata, Kiristoosichi masqalo ashich xugo tuneyaacheshone.

Galaati 5:2

Ebiyoche, ta Phawuloosi ishichiyoye: Ittoshi dokireegaata, Kiristoosi ittoshich bi tuniiti mooyo bulli amoonolla ittoshich gaacaache.

Galaati 5:24

Kiristoos Yesuusicho tunetinaꞌo meenon gonde bi gaboonaa bi qaatoona tookkii yoodditinaꞌone.

Efesooni 3:11

bulli yemeenoyee aaf Yeeri biich beeti ebi gaboon Kiristoos Yesuusi no Doonona ceechitone.

Efesooni 3:13

Ebich ittoshicha iyaꞌa ta beeggaabeeti iritoona taahiyaahote iyaꞌa ittoshin qollaabeeto taane; ebiyoo Yeerichi oogee yiiroochee ittoshi qoodeyemmi gibenoone.

Efesooni 3:8

Yaafeenaꞌo bulliyee desho taane; tunebaani koniyoona maqqiꞌi ariyoon hakkaani Kiristoosichi wojjeechon Aageteenaꞌoyich ta gettemmoyich, bullinoo halliti Yeeri wonnee yemeenoochee aacheeti, shuuneya bi gabiti mooyo amo gaata asho bullich gaxxi ta gettemmoyich, hini wojjoon taach immiye.

Efesooni 4:1

Illa Doono Yesuusichi maddecho ta tunetoyich, cuchaꞌa beeti ta, Kiristoosi toommooch mulloon ittoshi tooꞌiyemmoyich Yeeri ittoshin bi ceegiyooba bi gettitoommon, mooyo bullina biin emirikkiya biich bedditon tuneree ittoshi beeyemmoyich ittoshin qollaabeeto taane.

Efesooni 6:20

And cuyee kexooch cuchaꞌa beeto ta tunetaanoona, hini mishiraachee qaaroon getoyich Doono Yesuus Kiristoosina wocheeti yakkirecho taane; ebich biichon geto taach qaawii beetoommon aafee kupphoona ta gettemmoyich corootibote.

Filipphisiyoosi 1:7

And cuyee kexooch cuchaꞌa ta beetaa, wotta mishiraachee qaaree iberoyich taggaa, aroonoo manjii ta beetaa, ittoshi bulli ebi shuunoyich taanna tookkii Yeerichi wojjee qoodeyecho ittoshi tunetoyich ta mulloochee batteyaachote. Ebichoo ebi ittoshi bullichon ta gaboo tatoone.

Qolaasiyaasi 1:24

Andoo ittoshi naboyich ta toommooch shaggiti iritoyich emiriyoye; ebiyoo Kiristoosichi ashittino tuneti kittinnee guuphochi naboyichiye; Kiristoosi xuuxetoommon bi shuunee naboona ta toommooch shaggiibeeti xuuxoon haaꞌiibee bi xuuxoon ceechiibeeto taane.

Qolaasiyaasi 4:18

Ta, Phawuloosi ta hajjee kishoona ta kooriti diggiyo hinine; cuyee kexooch cuchaꞌa ta beemon batteyaahote. Yeerichi wojjoo ittoshina tookki tunebe.

Qolaasiyaasi 4:3

Yeerichi qaaroon ta getti naboonane and cuyee kexooch cuchaꞌa ta beeto; ebich ittoshi corootii beegaata, Kiristoosichi qaaree maacee mooyon gaxxi no gettemmi bi qaaree kelloon Yeeri qechemmoyich, noochoo corootibote.

2 Ximootiyoosi 1:16

Doono Yesuusi Honesifoori kechi asheenaꞌoyich deꞌoon wojjibe. Bi, meeti aaboonoo taan kupphiitone; ta cuchoyichoo yeelleyaanoone.

2 Ximootiyoosi 1:8

Illa no Doonochi qaaroon miixoyich woyee bi mishiraachee qaaroon ta getona cucheti ta naboyich yeelleyaahine. Tunebaani Yeer waanee danemmi giidoona kuppheree taanna tookki xuuxoon beege.

Filimooni 1:1

Kiristoos Yesuusichi qaaroon ta getti naboona cucheti ta Phawuloosinaa no manoo Ximootiyoosina waanee, No shunnaa beetonaa noonna tookkii Kiristoosich maddeebeeti Filimoonich,

Filimooni 1:23

Kiristoos Yesuusichi naboona cuyee kexooch taanna tookkii cucheeꞌi beeti Epphaafiri neen diggiitone.

Filimooni 1:9

geeno tuneti ta Phawuloosi, andoo wotta Kiristoos Yesuusichi qaaroon ta getti naboona cucheto, neen ta shunnaa beetoyich neen qollehoye.

Yaaꞌoo 2:10

Ne toommooch shaggemmi iritoon shattaahine; ebiyoche, Yeeri toommooch mulloon ittoshi tooꞌiyoo iberoo bi tunoonaa tunee qayona bi bekkemmoyich, daabiloosi ittoshi daggoochee ikkikkeenaꞌon cuyee kexooch gedda ii beetone; aashire qemi duꞌoon beeggemmo ittoshine. Qitooch beddaahaa taach gibeneeton tunebe; kashee gubbichoon neech immemmo taane.