Efesooni 2:5 - Kafa Linguistics Project

⁵ no xuꞌee naboona qitaꞌa no beetaanona, Kiristoosina tookkii nooch kashoon immiye; Yeeri bi wojjoona ittoshin wodiitone.

Efesooni 2:5 ပူးပေါင်းရင်းမြစ်များ

Luqaasi 15:24

Qititone iyaꞌa ta gabiti ta bushoo kashoona wottetone. Aalletone iyaꞌa ta gabiti ta bushoo danetone’ iye. Emiroochoo giyiyeete.

Yowannisi 5:21

Nihoo Yeeri qititinaꞌon tiijjiꞌi kashoon bi imoommon, ebiyoommon bi Bushoo wotta imma bi qaawitinaꞌoyich kashoon immemmone.

Yowannisi 6:63

Kashoon immiibeeto Yeerichi Ayaanoone; ashi giidoo amoonolla hallaache. Ta ittoshich getteti qaaro ayaanoonaa kashoonane.

Mishiraachechinaꞌo 15:11

Tunebaani no boonoshichoommon Doono Yesuusichi wojjoona wodemmo no tunoon iberiibeeto noone” iye.

Roomi 16:20

Diggee Nuggishoo Sheexaanoon kaate yexi dichiree ittoshi baatee dechiich yiikkemmone. No Doono Yesuus Kiristoosichi wojjoo ittoshina tookki tunebe.

Roomi 3:24

Yeeriyoo axaaxoochee biisheebeeti Kiristoos Yesuusina, baad cikki bi wojjoona boonoshin cadiqiyemmone.

Roomi 4:16

Ebich sheeroyich hajjeeꞌi beetinaꞌo ikkeetinaꞌoyich baach tuneyaanoon, Abrahamichoommon mulloon tooꞌiiti bi yareenaꞌo bullich wotta gibenee qaaro manjemmoyich, are gibenoo Yeerichi wojjoommo bi tunemmoyich, Yeeri toommooch mullee tooꞌiyoonane bi daneebeeto. Ebich biyoo “Meeti aageteenaꞌoyich nihoon neen tuniihoye” getaa bi kooreetoommon, qititinaꞌoyich kashoon immiibeeti, aalloonoo beeto tuniiꞌi neechiibeeti, bi toommooch mulloon bi tooꞌiiti Yeeri aafoochaa no bulli nihoone.

Roomi 5:10

Yeerichi shixecho tunaꞌa no beetaa, bi bushoochi qitoona Yeerina tookkaa shuneto noone; illa and no shunetoyee gubb, Kiristoosi kashecho bi tunetoyich, wodemmo no tuno manjoone.

Roomi 5:6

Hakkoon guuteeꞌa no beetaa, Yeeri bi taajjeti yemeenooba Kiristoosi gondeenaꞌoyicha iꞌi qititone.

Roomi 5:8

Tunebaani Yeeri am shaahoon noon bi shunnito gaata xalla bekkiitone: Batt axaaxecho tunaꞌa no beetaa, Kiristoosi noocha iꞌi qititone.

Roomi 8:2

Kiristoos Yesuusina ta daneti, kashoon immiibeeti Ayaanee sheeroo axaaxoonaa qitoonooch shakkiibeeti sheeroochee taan kichitone.

2 Qorontoosi 13:14

Doono Yesuus Kiristoosichi wojjoo, Yeerichi shuno, Yaafe Ayaanee ikkittinoo ittoshi bullina tookki tunebe.

Efesooni 2:1

Ebiyee aaf ittoshi xuꞌoonaa ittoshi axaaxee naboona qititon tuneꞌi beehote.

Efesooni 2:8

Bi toommooch ittoshi mullee tooꞌiyoona Yeeri bi wojjoona ittoshin wodiitone; ebiyoo bi immiti wojjoonalli ittoshi shuunoona toonoone;

Qolaasiyaasi 2:13

Ittoshiyoo wotta ittoshi xuꞌoona, wotta axaaxoo waan geechiibeeti ittoshi meechi shuriyoo dokiriyee qajji naboona, qititoommon tuneꞌi ittoshi beetaa, Yeeri Kiristoosina tookkii ittoshich kashoon immiye; ebi ittoshi xuꞌo bullinoo maariye.

Titoosi 2:11

Ebiyoo, asho bullin wodiyoon hakkemmi Yeerichi wojjoo bi gaxxeetoyichiye.

Titoosi 3:5

noon bi wodiito bi maaree beshoonalli, no shuuneti cadiqee shuunoona toonoone; noon bi wodiito guttinnee shiijjoon no daneti machoonaa Yaafe Ayaanee andiriyoonane.

Yaaꞌoo 22:21

Doono Yesuusichi wojjoo ittoshi bullina tookki tunebe.