Efesooni 2:3 - Kafa Linguistics Project

³ Arooba ebi asheenaꞌo daggooch no bulli wotta no meechi daaggoommonaa no mullee daaggoommonon tuniyaabee, no meechi qaatoommona beehone; bareenaꞌo bullichoommon wotta Yeerichi kaaree shiixxoo no toommooch kindemmi asho tunaꞌa beehone.

Efesooni 2:3 ပူးပေါင်းရင်းမြစ်များ

Halloo 5:3

Addaami balli shaasha nattiichii, bi shaahoo, malletoonoo biinoommo tuneti bushoon shiyihe; bi shigoonoo, Seeti ii shigiihe.

Halloo 6:5

Doono Yeeri asheenaꞌochi gondo showee toommo bulliich bi woddoon, ashi mullee gaboonaa qaatoona bulli aaboon gondo baach bi tunoonoo beeggiꞌi,

Halloo 8:21

Doono Yeeriyoo ebi deejjee cinnoona emiriye. Biyoo bi mulloona ishichiye: “Bi bushittinoochee tiijjiꞌi ashi mullee gaboo gondo bi tunetoyich, showoon ashi naboona wochinnoon ufaache; wotta ebi and ta tuniitoommon, kashechi halleenaꞌo bullin wochinnoon aalliyaache.

Iyoobi 14:4

Eeꞌoochee xalle mooyon danoon hakkemmo konine? Koniyoona aalloone.

Iyoobi 25:4

Yeeri aafoochaa asho cadiqo bi tunemmo aabichireeshiye? Maachee waanee shiijjeti asho xalloo bi tunemmo aabichireeshiye?

Shoddo 51:5

Ta shiijjoochee tiijjaꞌa gondeto taane; ta indee maacooch ta xifeetoochee tiijjaꞌa axaaxecho taane.

Isiyaasi 53:6

No bulli bagoochoommon yallyallimaa aallehone; no ikkikkoona no kaatti kaattoon yechehone. Tunebaani Doono Yeeri no bullichi xuꞌoon, bi toommooch tuniihe.

Maariqoosi 4:19

hini showeexi beemon gaboo, gijjee shaawona dacheyoonaa baribare mooyon dakoona boonoshi mullooch naaxiꞌi boonoshi waayeti qaaroon maahe. Ebichi naboona aafeyaanoon dobbeꞌi echeheete.

Yowannisi 1:13

Yeerichi bushiishoo boonoshi tuneto, Yeer waanee boonoshi shiijjoonalli, ashi yaroochee woyee ashi qaatoochee woyee anaamochi gaboochee shiijjoona toonoone.

Yowannisi 8:44

Ittoshiyoo, ittoshi nihoo daabiloosichi bushiishoo ittoshine; ittoshi nihoochi qaatoon ceechoon shunniyote. Biyoo shiichiꞌi kashee kichechone; iberoo bi maacooch bi aalletoyich, iberee gommooch neexeyaanoone. Biyoo kootecho, kooto bullichi nihoone; ebich kootoon bi gettii beegaata, bi mullooch beeton gettiye.

Mishiraachechinaꞌo 14:16

Besheti yemeenooba aageteenaꞌo bulli boonoshi shunniti gommona boonoshi hammemmoyich Yeeri boonoshin qajjiye.

Roomi 1:24

Ebich boonoshinaa boonoshina boonoshi hajjee meenon cooniiya, tiyaariibeeti eeꞌe mooyon boonoshi tuniyemmoyich, Yeeri gonde qaatee toommooch boonoshin qajjiye.

Roomi 11:30

Aageteenaꞌo tuneti ittoshi ebiyee aaf Yeerich deꞌa getaano ittoshine; tunebaani and Israꞌeeleenaꞌo Yeerich deꞌa boonoshi geto qajjitoyich, ittoshi maaroon danehote.

Roomi 13:14

Tunebaani Doono Yesuus Kiristoosin qoreddoochoommon tahebote; meeno qaatiibeeti mooyon ceechiya meenoyich gaboon qayote.

Roomi 2:14

Sheeroo boonoshich icheyaani Aageteenaꞌo, boonoshi halloona sheerooch getteeton boonoshi tunii beegaata, sheeroo boonoshich icheyoo bi qajjitaanona boonoshi mullooch bi beetoyich, boonoshi tuniiya bede mooyon arii beetinaꞌone.

Roomi 5:10

Yeerichi shixecho tunaꞌa no beetaa, bi bushoochi qitoona Yeerina tookkaa shuneto noone; illa and no shunetoyee gubb, Kiristoosi kashecho bi tunetoyich, wodemmo no tuno manjoone.

Roomi 5:9

Ebich and bi damoona cadiqito noone; Kiristoosichi gommonoo Yeerichi kaaree shiixxoochee wodemmo no tuno manjoone.

Roomi 6:12

Illa meechi qaatoo ittoshin bi hajjaachemmoyich, qitemmi ittoshi meechi toommooch axaaxoo taataaye.

Roomi 7:18

Ta waan, ebi getoo ta meechi shuriyooch, gaawe mooyo aallo bi tunoon ariibeeto taane; gaawe mooyon tuniyoyich ta qaawitaanona, tuniyoon hakkaache.

Roomi 9:22

Tunebaani Yeeri bi kaaree shiixxoon bekkiiya, bi hakkoonoo arichiiya shunniye; ebich aalloyich qanniti bi kaaree shiixxee qiiceenaꞌon woddoon haaꞌiihe.

1 Qorontoosi 4:7

Haano, bareenaꞌoyee besho neen tuniito, konine? Yeeri neech imaanee mooyo amo beete? Illa Yeeri neech immito bi tunegaata, amoyichiye Yeer waanee ne daneyaani wojjoon tuniiꞌa geecaabee ne naadee beeto?

2 Qorontoosi 7:1

Illa ta shunechinaꞌote! Ebi gibeno nooch bi beetoyee, no meenonaa no ayaanoonon eeꞌiibeeti mooyo bulliichee no qelloon xalliibone; Yeerin shatibee, no yaafittinoon ceeno tuniibone.

Galaati 3:22

Tunebaani Yaafe Macaafo asho bulli axaaxoyich hajjeeꞌi axaaxoona cucheto bi tunoon xallayiꞌi gettitone. Ebich Yesuus Kiristoosi toommooch mullee tooꞌiyoona daneebeeti, Yeeri gibenikkiti wojjoon boonoshi mulloon bi toommooch tooꞌii beetinaꞌoyich immii beetone.

Efesooni 2:2

Arooba hini alemee asheenaꞌo beeti beemoommon, Yeerich deꞌa getaani asheenaꞌo toommooch and shuuneebeeti ayaanee daaggoommonoo beehote. Ebi ayaanoo yongee toommooch beeti gonde ayaaneenaꞌon hajjiibeeti gonde iraashoone.

Efesooni 4:22

Ebich aafi ittoshi beemon gabibee dachiibeeti qaatoona duubeebeeti wonnee qocoon ittoshi waanee shootote.

Qolaasiyaasi 1:21

Ebiyee aaf wokkiꞌi beeti ittoshin, gonde mooyon shuunoonaa gonde mooyon gaboona biinna shixecho tuneti ittoshin, qoonneyaani oonaalli yaafeeton tuniiꞌi Yeeri aafooch ittoshin giddiyoyich, Kiristoosi meenon taheꞌi bi qitoona and ittoshin shuniitone.

1 Tasaloonqi 4:13

Andoo no maneenaꞌote! Gibenaalli bare asheenaꞌochoommon ittoshi ayinaachemmoyich, qititi asheenaꞌochon ittoshi ariyemmoyich shunnoye.

1 Tasaloonqi 5:6

Illa qaalliree no qelloon quyoona beebonalli, bareenaꞌochoommon tokketaayone.

1 Ximootiyoosi 6:9

Tunebaani “Gaannechon tunebone” iꞌi gabii beetinaꞌo gondoochi nihoona dacheeree, bi shaachiti ollooch yeche dihemminaꞌone; yeche boonoshi dihemmi ollo, mulloon muccii beetonaa qaakkiibeeti meeti qaatoonane; ebi qaatoo keyo hakkeyaani aalloochiye bi shakkiyemmo.

Titoosi 3:3

Ebiyee aaf no wotta mullaallo, deꞌa getaano, muriccaabeeto, baribare meechi qaatoonaa meenon emirikkoonoyich guunochoommon hajjeebeeto, gonde moochecho, ashi wodoon shixxaabeeto, ashoona shichaa beeto, noonnaa noonna mateebeeto noone.

1 Pheexiroosi 1:14

Yeerich deꞌa ii beeti bushiishoon tunebotalli, ebiyee aaf tuushoona ittoshi shuunetoommi qaatoon dabbiyaahote.

2 Pheexiroosi 2:14

Maacheen beeggii beshiiyaaneenaꞌone; beddiye iꞌi axaaxee shuunoochee wotteyaaneenaꞌone. Ikke gaboona manjaani asheenaꞌon dawushii beetinaꞌone; hiriggoon doyiti mullo boonoshich beetone; uppeti shiijjereenaꞌone.

2 Pheexiroosi 2:18

Geeciibee tuushee yibbaatoon yibbaatee beetinaꞌone; axaaxoona beetinaꞌo daggoochee muriccii kechii beetinaꞌon, bekkech batt boonoshi kecha iyaa, yeelliibeeti meechi qaatoona dawushii beetinaꞌone.

1 Yowannisi 2:8

Tunebaani andire mooyon ittoshich kooraabeeto taane; ebi are mooyo Kiristoosi shuuneti mooyonaa ittoshi shuuneebeeti mooyona iberoo bi tuno bekketone. Bi bekkeebeetoo, manderoo beshee beetonaa ibere bekko harii bekkee bi beetonoyichiye.