Efesooni 2:20 - Kafa Linguistics Project

²⁰ Mishiraachechinaꞌonaa keemechinaꞌona baashiti baashee toommooch hakketo ittoshine; kexon tuuggii neechiibeeti giimbee guummoo Kiristoos Yesuusine.

Efesooni 2:20 ပူးပေါင်းရင်းမြစ်များ

1 Taateenaꞌo 7:11

Ebi xaqqeenaꞌo toommooch qeelleeꞌi, kiikketi, aaxxe gatiyechi, ogooge xaqqeenaꞌonaa yigee shaaqqeenaꞌona beetinaꞌone.

Shoddo 118:22

Gimbeyneenaꞌo hoxee duppiti xaqqo, aroo kexon deggii neechiibeeti giimbee guummon tunehe.

Shaahiyoo 9:1

Shalligee shabaatte giimboon xaraa qanniyaꞌa bi kexon haggahan.

Isiyaasi 28:16

Ebich Nuggishoo Doono Yeeri ishichiye: “Ebiyoche, kexon deggii neechiibeeti giimbee guummoommi xaqqoon, manjoo bi tuno bekketi, aaxxoo tuneti xaqqoon hecoyich Tsiyoon kotiyemmo taane; bi toommooch mulloon tooꞌiimmo yeelleyaachemmone.

Zakaariyaasi 10:4

Yihudee asheenaꞌo daggoochee kexon tuuggii neechiibeeti giimbee guummo, duukkaanee xogoo, ginee koyee maꞌoonaa taateenaꞌo bullina kechemminaꞌone.

Maatiyoosi 16:18

Tawoo neech gettoye, ne shigo Pheexiroosine; hini xaqqee toommooch ta kittinnee guuphon neechemmo taane; qitee giidolla bi tunetaa, ebi aroon kochii wochoon hakkaachemmone.

Maatiyoosi 21:42

Yesuusi boonoshich ishichiye: “ ‘Gimbenyeenaꞌo hoxee duppiti xaqqo, aroo kexon deggii neechiti giimbee guummon tunetone. Ebinoo Doono Yeeri tuniitone; hini mooyo no beeggich worganikkito tunetone’ ii beeton Yaafe Macaafoochee cir shemmeyaachote?

1 Qorontoosi 12:28

Yeeriyoo kittinnee guuphi daggooch shiichiꞌi mishiraachechinaꞌon, aree hillooch keemechinaꞌon, keejjinnoon dojjechinaꞌon qociitone; daakkiꞌi gaakkechi mooyon shuunechinaꞌon, biiyetinaꞌon wodiibeeti wojjechinaꞌon, iriteetinaꞌoyich deggechinaꞌon, yaabii qeejjechinaꞌon, baribare noonoona yibbaatechinaꞌon qociitone.

Galaati 2:9

Wotta Yeeri taach bi immiti wojjoon ariiꞌi giimboon shaahiꞌi bekkeebeeti Yaaqobi, Pheexiroosinaa Yowannisina boonoshi qanne kishoon imona noonna tookkii boonoshi tunoon bekkiiheete; taannaa Barnabaasina Aageteenaꞌo waan hammemmoyich, boonoshiyoo Ayihudeenaꞌo waan boonoshi hammemmoyich tuniiheete.

Efesooni 3:5

Ebiyoo wonnee yemeenooch bare shiijjereenaꞌo waan ashi bushiishoyich aricheyaanoone; tunebaani and yaafeeti bi mishiraachechinaꞌonaa keemechinaꞌonoyich bi Ayaanoona gaxxitone.

Qolaasiyaasi 2:7

biinna cammon awure eeniree, ittoshi doyitoommon bi toommooch mullee tooꞌiyoona manjibote; Yeerich galletoon woddiiree imbote.

1 Pheexiroosi 2:6

“Yeeri ‘Ebiyoche, kexon deggii neechiibeeti, giimbee guummoommon tuniiꞌa ta kaacceti, taach aaxxoo tuneti xaqqoon Tsiyoon kotiyemmo taane; bi toommooch mulloon tooꞌiibeeto yeelleyaachemmone’ itone” getaa Yaafe Macaafooch kooreetone.

Yaaꞌoo 21:14

Are katemeechi uxeroo shuuneeto aaraa gutte xaqqeenaꞌo toommoochiye; ebi aaraa gutte xaqqeenaꞌo toommooch Bagoochi aaraa gutte mishiraachechinaꞌochi shigo kooreetone.