Efesooni 2:2 - Kafa Linguistics Project

² Arooba hini alemee asheenaꞌo beeti beemoommon, Yeerich deꞌa getaani asheenaꞌo toommooch and shuuneebeeti ayaanee daaggoommonoo beehote. Ebi ayaanoo yongee toommooch beeti gonde ayaaneenaꞌon hajjiibeeti gonde iraashoone.

Efesooni 2:2 ပူးပေါင်းရင်းမြစ်များ

Iyoobi 1:16

Ebin gettii bi beetaa, bare wocheyecho waaꞌi ishichiye: “Xeeyo kindiꞌi bageenaꞌonaa qiddeenaꞌonon yechiye; boonoshinoo michii aalliihe. Ta ikkeeto baach muriccaꞌa ebin neech getta waahoye” iye.

Iyoobi 1:19

Arooch boonoshi beetaa giidechi yubee yongo barahoochee waaꞌi kechi awudde gocon yexxiye. Kexoo boonoshi toommooch dihiꞌi, boonoshin wuxiye. Ta ikkeeto baach muriccaꞌa ebin neech getta waahoye” iye.

Iyoobi 1:7

Doono Yeeriyoo Sheexaanoon “Amoocheeniye ne waabeeto?” iꞌi echehe. Sheexaanoo Doono Yeerich wochiꞌi, “Showee toommooch guuddaꞌa okk hach, desh damba shaꞌoocheeniye” iye.

Iyoobi 31:7

Kaame gommoochee qanna yoocha ito ta gaata, ta aafo ciinnito waan ta mullo hammito tunegaata, ta kishoo axaaxoona eeꞌeto bi tunegaata,

Shoddo 17:14

Doono Yeero, asheenaꞌo waanee, boonoshi ixee qoodoo showee toommeexi kasho baach tuneti asheenaꞌo kishoochee, ne kishoona taan wodiibe. Ne shunnaa beetinaꞌo michemmoyich tuniibe; boonoshi bushiisheenaꞌoyich, boonoshi bushaa bushiisheenaꞌoyichoo wodde maayo beeyemmoyich tuniibe.

Isiyaasi 30:1

Doono Yeeri ishichiye: “Hukkechi bushiisheenaꞌoyich woowo! Ta waanee tuneyaani gaboona hammiyeete; axaaxee toommooch axaaxoon daakkoyich, ta ayaanoochee tuneyaani wogoon giyiyeete.

Isiyaasi 57:4

Halla ittoshi cooqqiriibeeto koni toommoochiye? Noonoon wochii, heciyoonoo kaaccii ittoshi beeto koni toommoochiye? Ittoshi, hukkechinaꞌonaa dachechinaꞌonochi bushiishoo toono ittoshine?

Erimiyaasi 23:10

Showooch shunimaayeenaꞌo ceennitinaꞌone; ufi naboona showoo baggitone; baraheexi moceenaꞌo shuuqqitinaꞌone; keemechinaꞌo gonde mooyon dabbiyeete; boonoshi hakkoonoo tateyaani boochoona gaachetinaꞌone.

Hosee'i 10:9

Doono Yeeri ishichiye: “Israꞌeeleenaꞌo Gibaahaa axaaxoon boonoshi shuunetoochee tiijjiꞌi, axaaxoon shuunoona taan ayinikkoochee wotteyaaneenaꞌone. Ebich Gibaahaa gino boonoshi toommooch tiyemmone.

Leweenaꞌo 11:16

shaakko, qamini waajjechi yuye, baharee baakkoo, shelli gaceenaa biin shaaheenaꞌo bullina,

Maatiyoosi 11:19

Ashi Bushoo maabee, uchiibee bi waataa, boonoshi ‘Hini maayoonaa uyoonochi buujjoone; wotta gabiyee guudeenaꞌonaa axaaxechinaꞌonochi shunechone’ iyeete. Tunetaa shalligoo tate bi shuunoona arichehe” iye.

Maatiyoosi 13:22

Ebiyoommon angichi xuppo beeti showooch holliti yaroon shaahii beetinaꞌo, Yeerichi qaaroon boonoshi waayetaa, hini showeexi beemon gaboonaa gijjee shaawona dacheyoona boonoshi mullooch naaxiꞌi boonoshi waayeti qaaroon maa beetone; ebichi naboona aafeyaanoon dobberee echemminaꞌone.

Maatiyoosi 13:38

budoo alemoone. Deꞌe yaroo Yeerichi taatittinee bushiisheenaꞌone; dadaddoo gondoochi nihoo bushiisheenaꞌone.

Maariqoosi 4:19

hini showeexi beemon gaboo, gijjee shaawona dacheyoonaa baribare mooyon dakoona boonoshi mullooch naaxiꞌi boonoshi waayeti qaaroon maahe. Ebichi naboona aafeyaanoon dobbeꞌi echeheete.

Luqaasi 16:8

“Aree hillooch hini are doono biich gibeneyaani gijje yeshoon acona bi shuuneti shuunoyich galletehe. Illa hini yemeenooch beeti asheenaꞌo boonoshinaa boonoshina shuuneebeeti shuunoona Yeerichi bekkooch beeti asheenaꞌoyee beshe accechinaꞌone.

Luqaasi 22:31

Ebichi hillooch Doono Yesuusi “Simoono, Simoono, Sheexaanoo teepphoon woqqoommon ittoshin woqqiya Yeerin qolletone.

Yowannisi 12:31

And hini alemee toommooch nalloo kindiya bedditone; and hini alemoon hajjiibeeti taatoo maach yookkeyemmone.

Yowannisi 13:2

Yesuusinaa bi dabbeenaꞌona gifiroon maa beeheete; daabiloosiyoo shiichiꞌi Asqorootechi Simoonichi bushoo Yihudi Yesuusin beshiiree bi immemmoyich gonde shalligoon bi mullooch giijjitone.

Yowannisi 13:27

Yihudi bi qapphetoyee gubb bekkech Sheexaanoo bi mullooch giyiye. Arooba Yihudin Yesuusi “Shuuneya ne gabiton kaateree shuunebe” iye.

Yowannisi 14:30

Hini alemoon hajjiibeeti taatoo waabeeto bi tunetoyich, ebiyee gubb, ittoshina tookki woddii yibbaateyaachemmo taane. Tunetaa aroo taan hajjoon hakkaachemmone.

Yowannisi 15:19

Hini alemeexo ittoshi tuneto gaata, biicho tuneton shunneshone; tunebaani alemee daggoochee ittoshin kaacceto taane; ebich bi magecho toono ittoshine; ebichi naboonane alemo ittoshin bi shixxiibeeto.

Yowannisi 16:11

Nalleechonoo, alemoon hajjiibeeto toommooch nalloo kinditoyichiye.

Yowannisi 7:7

Alemo ittoshin bi shixxemmi naboo aalloone; tunetaa bi shuunoo gondo bi tunoon ta miixaa beetoyich, taan shixxiye.

Yowannisi 8:23

Yesuusi “Ittoshi hiniixo ittoshine; tunebaani ta damba shimaayeexo taane. Ittoshi hini alemeexo ittoshine; ta hini alemeexo toono taane.

Yowannisi 8:44

Ittoshiyoo, ittoshi nihoo daabiloosichi bushiishoo ittoshine; ittoshi nihoochi qaatoon ceechoon shunniyote. Biyoo shiichiꞌi kashee kichechone; iberoo bi maacooch bi aalletoyich, iberee gommooch neexeyaanoone. Biyoo kootecho, kooto bullichi nihoone; ebich kootoon bi gettii beegaata, bi mullooch beeton gettiye.

Mishiraachechinaꞌo 19:35

Ebiyee gubb, are katemee ukkiroo asheenaꞌon ellebote iꞌi tiyii ishichiye: “Hini Efesooni asheenaꞌote, Efesooni katemoo ooge Arixeemisichi yaafee kexonaa shimaayoochee kinditi bi malletoonon quyecho bi tunoon ariyaani asho, konine?

Mishiraachechinaꞌo 5:3

Tunetaa Pheexiroosi ishichiye: “Hanaano, Yaafe Ayaanoyich kootiree showoon ne kemmeti gijjoochee ne qellich ne echiyemmoyich Sheexaanoon ne mullooch aakka giijjinne?

Roomi 12:2

Gaawetonaa biin emirikkii beetona, shappaalloonoo tuneti Yeerichi daaggoon xiishii ariyoon ittoshi hakkemmoyich, Yeeri andire mulloon bi imaa andirebotalli, hini alemeexi asheenaꞌochi mooyon dabbiyaahote.

1 Qorontoosi 5:10

Are ta kooriti wocho, alemeexi shunimaayeenaꞌochon woyee hiriggechinaꞌonaa boggechinaꞌonochon woyee shahalloyich goyinnechinaꞌochon toonoone. Ishichaꞌa ta koorito gaata, hini alemoochee tiyiree hammesho ittoshine getone.

1 Qorontoosi 6:11

Ebiyee aaf ittoshi daggoochee ikkikkeenaꞌo eboshiyoomminaꞌone; tunebaani and ittoshi Doono Yesuus Kiristoosinaa no Nuggishoochi Yaafe Ayaanoona axaaxoochee macheto ittoshine; yaafeeto ittoshine; cadiqiinoo ito ittoshine.

2 Qorontoosi 4:4

Hini alemoon hajjiibeeti gonde nuggishoo Kiristoosi toommooch mulloon tooꞌiyaaneenaꞌo Yeerichi shaahoo tuneti Kiristoosichi oogee yiiree mishiraachee qaaree bekkoon boonoshi beegaachemmoyich, boonoshi gaboon wolliihe.

Galaati 1:4

Gondo meettiti hini yemeenooch beeti asheenaꞌon shaahiree no beetaachemmoyich, Kiristoosi noon wodiyoyich no Nuggishoonaa no Nihoona tuneti Yeerich deꞌa iꞌi no axaaxoyich deejjoon tunehe.

Efesooni 1:21

Kiristoosin arooch bi kotiito, taatittino bulliyee, iraashittino bulliyee, giidoo bulliyee, doonjittino bulliyee, wotta and hini showoochaa baach tuneyaanoon, gubb woyemmi showoochaa ceekkeebeeti shigo bulliyee besho tuniiꞌiniye.

Efesooni 2:11

Ebich ittoshi shiichiꞌi ittoshi shiijjeroona Ayihudo tuneyaani Aagetee asheenaꞌote, ashi kishoona dokireetinaꞌo getteeti Ayihudeenaꞌo daggooch dokireyaaneenaꞌo getteetinaꞌote, ebin gabibote:

Efesooni 2:13

Tunebaani ebiyee aaf wokkiꞌi beeti ittoshi, Kiristoos Yesuusina tuneꞌi, Kiristoosichi damoona and katinnito ittoshine.

Efesooni 2:3

Arooba ebi asheenaꞌo daggooch no bulli wotta no meechi daaggoommonaa no mullee daaggoommonon tuniyaabee, no meechi qaatoommona beehone; bareenaꞌo bullichoommon wotta Yeerichi kaaree shiixxoo no toommooch kindemmi asho tunaꞌa beehone.

Efesooni 4:17

Illa Aageteenaꞌo duubeti gaboona boonoshi beemoommon, ebiyee bekk ittoshiyoo ebiyoommon duubeti gaboona ittoshi beetaachemmoyich Doono Yesuusina ittoshin manjii ciiccaabeeto taane.

Efesooni 4:22

Ebich aafi ittoshi beemon gabibee dachiibeeti qaatoona duubeebeeti wonnee qocoon ittoshi waanee shootote.

Efesooni 5:6

Eboshi naboona Yeerichi kaaree shiixxoo biich deꞌa getaaneenaꞌo toommooch kindemmone; ebich koniyoona duube yibbaatoona ittoshin dachaaye.

Efesooni 5:8

Ebiyee aaf manderoo ittoshine; tunebaani and Doono Yesuusina, bekko ittoshine; bekko aafeebeeti aafo deꞌittino, cadiqittinoonaa iberittino bullinane; ebich Doono Yeerin emirikkemmo aabi gaata bariiree, bekkee bushiisheenaꞌochoommon beebote.

Efesooni 6:12

No koyaabeeto, shimaajji xaaꞌooch beeti yinnee ginechinaꞌona tookkaa, ukkireenaꞌonaa iraasheenaꞌona tookkaa, hini manderee yemeenooch asheenaꞌon hajjiibeeti gonde ayaaneenaꞌona tookkaanalli, ashoona tookkaa toonoone.

Qolaasiyaasi 1:21

Ebiyee aaf wokkiꞌi beeti ittoshin, gonde mooyon shuunoonaa gonde mooyon gaboona biinna shixecho tuneti ittoshin, qoonneyaani oonaalli yaafeeton tuniiꞌi Yeeri aafooch ittoshin giddiyoyich, Kiristoosi meenon taheꞌi bi qitoona and ittoshin shuniitone.

2 Ximootiyoosi 4:10

Deemaasi hini alemoon shunniꞌi taan qajjii Tasaloonqa hammitone; wotta Qerqiisiyoo Galaatee showooch, Titoosiyoo Dalimaatee showooch boonoshi hammiichaa,

Yaaqobi 1:27

Nihoo Yeer waanaa xalloo tuneti ibere goyinno ebine: Nihaalli bushiisheenaꞌonaa xuume maacheenaꞌonochi iritoon gaacho, hini alemooch beeti tiyaariibeeti mooyoocheenoo bi qelloon quyoone.

Yaaqobi 1:7

Gutte gabechi asho, bi shuuneebeeti shuunoonoo okk hach ii beeti are asho Doono Yeer waanee ikke mooyinona danemmo shaahiree biich bekkaaye.

Yaaqobi 4:4

Yeerich gibeneyaaneenaꞌote! Hini alemoon shuno Yeerin shixo bi tunoon ariyaachote? Illa alemoon shuno Yeerina shixecho tunoone.

1 Pheexiroosi 1:14

Yeerich deꞌa ii beeti bushiishoon tunebotalli, ebiyee aaf tuushoona ittoshi shuunetoommi qaatoon dabbiyaahote.

1 Pheexiroosi 4:3

Yeerin ariyaani asheenaꞌo tunii beetoommon, yeelliibeeti kaayo, meechi qaatoo, masho, qelloon battiibeeti duubo, beshiiꞌi uyonaa tiyaariibeeti gommona shahalloyich goyinnoona ittoshi beshiiti yemeeno illa beddiye.

2 Pheexiroosi 2:14

Maacheen beeggii beshiiyaaneenaꞌone; beddiye iꞌi axaaxee shuunoochee wotteyaaneenaꞌone. Ikke gaboona manjaani asheenaꞌon dawushii beetinaꞌone; hiriggoon doyiti mullo boonoshich beetone; uppeti shiijjereenaꞌone.

1 Yowannisi 3:10

Yeerichi bushiisheenaꞌonaa daabiloosichi bushiisheenaꞌona ebina bariꞌi arichee beetinaꞌone: Cadiqee shuunoon shuuneyaano, bi manoonoo shunaano, Yeerichi bushoo toonoone.

1 Yowannisi 3:8

Tunebaani axaaxoon shuuneebeeto daabiloosi magechone. Daabiloosi shiichoochee tiijjiꞌi axaaxoon shuunee beetone. Yeerichi Bushoo bi waato daabiloosichi shuunoon happoyichiye.

1 Yowannisi 4:4

Ta shuni bushiisheenaꞌote! Ittoshi Yeer magecho ittoshine; hini alemeexi asheenaꞌona tookkii beetoyee, ittoshina tookkii beeto besho bi tunetoyich, are koote keemechinaꞌon kochii wochito ittoshine.

1 Yowannisi 5:19

No Yeericho no tunoon, wotta hini alemeexinaꞌo bulli, gondoochi nihoyich boonoshi hajjeyoonoo ariibeeto noone.

Yaaꞌoo 12:9

Alemooch beeti asheenaꞌo bullin muricciibeeti daabiloosi woyee Sheexaanoo getteeti ooge dareboo, biyoo wonnee dingero, showee toommooch duppehe; bi hilleexi maraakkeenaꞌoo biinna tookkii duppeheete.

Yaaꞌoo 13:14

Aafi cooxo aafooch bi bekkiyemmoyich daaggeeti malletoona showee toommeexi asheenaꞌo bullin muricciihe; goraadoona bi mayetaanona, batt kashoona beeti cooxoyich bi shahalloon boonoshi shuunemmoyich showee toommooch beeti asheenaꞌoyich gettiye.

Yaaꞌoo 13:8

Showoonaa shimaayoona halleyaan beetaa guureeti Bagoochi kashee macaafooch boonoshi shigo kooreyaani, showee toommooch beeti asheenaꞌo bulli biich goyinnemminaꞌone.

Yaaꞌoo 16:17

Shabaattinnee maraakoo bi yechiti xoofoon yongee toommooch ukkiye; yaafee kechi maac beeti taatee qeenoochaa “Mooyo bulli ceennite” immi ooge qaaro waayeehe.

Yaaꞌoo 20:2

Wonnee dingeroon, daabiloosi, Sheexaanoo getteeti dareboon yechiye; hume nati wottoon cuchiye.