19 Illa ebiyee bekk yaafeenaꞌona tookkii ikke showee ashoonaa Yeerichi kechi ashoona ittoshiyani, dallaawoonaa shiqqoona toono ittoshine.
Dabbito biin dabbiitochoommon, guuno bi doonochoommon tuno biich beddiye. Kechi doonon ‘Beelzebuli’ boonoshi itoyee, bi kechi ashoon am shaahoon beshiiree getteeheete” iye.
Illa no hakkimmi aabo bullin asho bullich, ebiyeenoo boonoshi mulloon Yesuus Kiristoosi toommooch tooꞌiiꞌi ikke kechi ashoon tunetinaꞌoyich, gaawe mooyon tuniibone.
Aroobee yemeenooba, Yeeri kaacciti Israꞌeeleenaꞌoyee wokkiꞌi, gibenee qaaree wogoyich dallaawoon tuneꞌi, hini alemooch gibenoon mucceꞌi, Yeeri aalli ashoon tuneꞌi, Kiristoosiyee bariꞌinoo beehote.
Ebi gaxxeeti mooyoo mishiraachee qaaroona Aageteenaꞌo Ayihudeenaꞌona tookkiꞌi boonoshi woraashoo, ikke ashittino boonoshi tunoonaa Kiristoos Yesuusina Yeeri gibenikkiti gibenee qaaroon tookkiꞌi boonoshi qoodeyoonane.
Tunebaani no beeyemmi xaaꞌoo shimaayoochiye. Aroochee woyemmi Wodiyecho, biyoo Doono Yesuus Kiristoosin quyaabeeto noone.
Eboshi bulli mulloon Yeeri toommooch tooꞌiichii, Yeeri gibenikkiti gibenoon daneyaanoon qitiyeete; tunebaani wohooch tuneechii ciinniꞌi emiriyeete. “Hini showee toommooch iibboonaa shiqqoona noone” iꞌi miixeheete.
Bulli yemeenoon beeyemmi katemoo hini showooch nooch aalloone; tunebaani gubbich woyemmi katemoon qaawaabeeto noone.
Ta shunechinaꞌote! Kashoona koyeebeeti meechi qaatoochee ittoshi wokkemmoyich, hini showee toommooch iibboonaa shiqqoona tuneti ittoshin qollaabeeto taane.
“Yeerichi bushiishoo” getaa no ceekkemmoyich, Nihoo Yeeri aabichiꞌi noon bi shunnito gaata beegote! Iberoon Yeerichi bushiishoo noone. Ebich hini alemeexi asheenaꞌo Yeerin ariyoon boonoshi qajjitoyich, noon ariyaacheete.